လံာ်သးသယုၢ်တၢ် 3:7 - Sgaw Karen Common Bible

⁷ အဝဲစၢဃာ်တ့ၢ်ယၤလၢထးသွဲတဖၣ်လီၤ. ယမ့ၢ်ပှၤဃိာ်ဖိတဂၤလၢတၢ်ပူၤဖျဲးအဂီၢ်အတၢ်မုၢ်လၢ်တအိၣ်ဘၣ် န့ၣ်လီၤ.

လံာ်သးသယုၢ်တၢ် 3:7 Iomraidhean Croise

လံာ်စီၤယိၤဘး 19:8

ကစၢ်ယွၤတြီဃာ်ယကျဲဒီးယလဲၤတၢ်တသ့ဘၣ်. အဝဲပာ်လီၤတၢ်ခံးလၢယကျဲအဖီခိၣ်န့ၣ်လီၤ.

လံာ်စီၤယိၤဘး 3:23

အဝဲသ့ၣ်အတၢ်အိၣ်မူခါဆူညါန့ၣ်ကစၢ်ယွၤပာ်တဒၢဒီးတြီဃာ် အီၤကိးကပၤဒဲးန့ၣ်လီၤ.

စံးထီၣ်ပတြၢၤ 88:8

နမၢယတံၤသကိးသ့ၣ်တဖၣ်ညိကွံာ်ယၤ, ဒီးယကဲထီၣ်တၢ်သး ဘၣ်အၢလၢ အဝဲသ့ၣ်အဂီၢ်လီၤ. ယဘၣ်တၢ်ကဝီၤဃာ်ယၤဒီး ယထူၣ်ဖျဲးထီၣ်တသ့ဘၣ်.

စံးထီၣ်ပတြၢၤ 88:9

ယမဲာ်ချံတဖၣ်အဂံၢ်စၢ်ဘါစၢ်လၢတၢ်နးတၢ်ဖှီၣ်အဃိလီၤ. ယွၤဧၢ, ယကိးထီၣ်နၤကိးမုၢ်နံၤမုၢ်နၤဒဲး, ယယူာ်ထီၣ်ယစုဆူနအိၣ်လၢ တၢ်ထုကဖၣ်အပူၤလီၤ.

လံာ်ယံးရမံယၤ 38:6

လၢတၢ်န့ၣ်အဃိ, အဝဲသ့ၣ်ဟံးန့ၢ်ယၤဒီးစဲၤလီၤယၤလၢ ပျံၤဆူ စီၤပၤဖိခွါစီၤမၤလကံယၤအထံပူၤလၢ အအိၣ်ဝဲလၢ နူၢ်အဂၢၤပူၤန့ၣ်လီၤ. လၢထံပူၤန့ၣ်ထံတအိၣ်ဘၣ်. အိၣ်ဒၣ်ထဲကပံာ်ဒီးယလီၤဘျၢလၢ ကပံာ်အကျါန့ၣ်လီၤ.

လံာ်ယံးရမံယၤ 40:4

အခဲအံၤ, ယဘ့ၣ်လီၤကွံာ်ထးသွဲတဖၣ်လၢအအိၣ်လၢနစု ဒ့တဖၣ်အလိၤဒီးပျၢ်ဖျဲးကွံာ်နၤန့ၣ်လံ. နမ့ၢ်သးအိၣ်လဲၤဃုာ် ဒီးယၤဆူကီၢ်ဘၤဘူၤလိာ်န့ၣ်, နမၤနဲသ့ဒီးယကအံးထွဲကွၢ်ထွဲ နခံလီၤ. ဘၣ်ဆၣ်ဒီး, နမ့ၢ်တသးအိၣ်လဲၤဘၣ်ဒီးနလဲၤအလီၢ်တအိၣ် ဘၣ်လီၤ. နအိၣ်ဒီးထံကီၢ်ဒီဘ့ၣ်ညါလၢနမဲာ်ညါလၢနကဃုထၢအိၣ်ဆိးနဲ ဒီးဖဲနသးအိၣ်လဲၤန့ၣ်နလဲၤနဲသ့လီၤ.”

လံာ်သးသယုၢ်တၢ် 1:14

အဝဲကွဲးနီၣ်တ့ၢ်ကယဲၢ်ယတၢ်ဒဲးဘးတဖၣ်ဒီးစၢတံၢ်အီၤတပူၤဃီဒ် သိးသိး, ဒီးဘျးလီၤစဲၤတ့ၢ်အီၤဝးတရံးယကိာ်, ဒီးယဂံၢ်ယဘါလီၤစၢ်တ့ၢ်ဝဲလၢတၢ်ဝံတၢ်ယိးအဖီလာ်န့ၣ်လီၤ. ယွၤဟ့ၣ်လီၤတ့ၢ်ယၤဆူယဒုၣ်ယဒါတဖၣ်အစုပူၤဒီး တၢ်မၤစၢၤယၤတအိၣ်နီတမံၤလၢယကထီဒါအဝဲသ့ၣ်အဂီၢ်ဘၣ်.

လံာ်သးသယုၢ်တၢ် 3:9

ယလဲၤတၢ်ကနူၤကဆဲဖဲယဟး, ဒီးလၢၢ်တၢ်ဒူၣ်တဖၣ်အိၣ်တံာ်တၢၤ ယကျဲဖဲယဃၣ်ယသးတပူၤလၢ်လၢ်လီၤ.

လံာ်သးသယုၢ်တၢ် 5:5

ပဘၣ်တၢ်နီၣ်ဆူၣ်ပှၤဒ်ကသ့ၣ်လၤမ့တမ့ၢ်ကီၤလၤအူးတဖၣ် အသိးန့ၣ်လီၤ. တၢ်ဘှံးပသးဘၣ်ဆၣ်ဒီးတၢ်တဒုးအိၣ်ဘှံးပှၤဘၣ်.

လံာ်ဒၤနံးယ့လး 9:12

နမၤတ့ၢ်တၢ်လၢနစံးတ့ၢ်နကမၤအီၤလၢပလိၤဒီးပပှၤပၢတၢ် တဖၣ်အလိၤန့ၣ်လီၤ. နစံၣ်ညီၣ်တ့ၢ်ဝ့ၢ်ယရူၤၡလ့ၣ်နးဒိၣ်န့ၢ်ဒံး ဝ့ၢ်အဂုၤအဂၤလၢဟီၣ်ခိၣ်ချၢ,

လံာ်ဟိၤၡ့ 2:6

လၢတၢ်န့ၣ်အဃိ, ယကဒူၣ်ဃးအီၤဒီးတပှီာ်တၢ်ဆှုၣ်တဖၣ်ဒီးသူၣ် ထီၣ်တၢ်တၢ်ဒူၣ်တခါလၢကတြီဃာ်အကျဲလီၤ.