လံာ်သးသယုၢ်တၢ် 3:59 - Sgaw Karen Common Bible

⁵⁹ စံၣ်ညီၣ်တၢ်လၢတၢ်ကွၢ်မဲာ်ယၤအပူၤတက့ၢ်. နသ့ၣ်ညါလၢတၢ်မၤကမၣ် တဖၣ်ဘၣ်တၢ်မၤအီၤထီဒါယၤန့ၣ်လီၤ.

လံာ်သးသယုၢ်တၢ် 3:59 Iomraidhean Croise

လံာ်တၢ်ကဲထီၣ်အခီၣ်ထံး 30:6

ဒီးနီၢ်ရၤဃ့လးစံးဝဲ, “ကစၢ်ယွၤစံၣ်ညီၣ်တီတၢ်လၢတၢ်ကွၢ် မဲာ်ယၤအပူၤလီၤ. အဝဲနၢ်ဟူတ့ၢ်လံယတၢ်ထုကဖၣ်ဒီးဟ့ၣ်ယၤလၢဖိခွါတဂၤလံ.” ဒီးယုၢ်ဝဲအမံၤလၢစီၤဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:42

ယပၢ်တဖၣ်အကစၢ်ယွၤ, စီၤအၤဘြၤဟၣ်ဒီးစီၤအံၤစဲးအက စၢ်ယွၤမ့ၢ်တအိၣ်ဒီးယၤဘၣ်ဒီးနကဆှၢဖျိးကွံာ်ယၤစုယၢ်ခီ န့ၣ်လီၤ. ဘၣ်ဆၣ်ကစၢ်ယွၤထံၣ်တ့ၢ်လံယတၢ်ကိၢ်တၢ်ဂီၤဒီးတၢ်လၢ ယမၤတ့ၢ်ယဲလီၤ. ဒီးဖဲမုၢ်နၤကၢၣ်န့ၣ်အဝဲစံၣ်ညီၣ်တီလံတၢ်လံ.”

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 26:1

ယွၤဧၢ, စံၣ်ညီၣ်ယၤတက့ၢ်. အုၣ်နသးလၢယတၢ်ကမၣ်တအိၣ်ဘၣ်အဂ့ၢ်တက့ၢ်. အဂ့ၢ်ဒ်အံၤ, ယမၤတၢ်လၢအမ့ၢ်အတီ ဒီးယနာ်နၤလၢလၢပှဲၤပှဲၤလီၤ.

စံးထီၣ်ပတြၢၤ 35:1

ယွၤဧၢ, ထီဒါပှၤလၢအထီဒါယၤ, ဒီးဒုးပှၤလၢအဒုးထီဒါယၤတက့ၢ်.

စံးထီၣ်ပတြၢၤ 35:23

ထိၣ်ဂဲၤထီၣ်နသး, ဒီးဖုသံနီၣ်ထီၣ်လၢနကဒီဒၣ်ယၤ ဒီးကတိၤပူၤဖျဲးန့ၢ်တၢ်လၢယကွီၢ်အဂီၢ်တက့ၢ်. ယွၤယကစၢ်ယွၤဧၢ,

စံးထီၣ်ပတြၢၤ 43:1

ကစၢ်ယွၤဧၢ, နဲၣ်ဖျါထီၣ်လၢယတၢ်ကမၣ်တအိၣ်ဘၣ်, ဒီးဒီဒၣ်ယတၢ်ဂ့ၢ်တၢ်ကျိၤထီဒါ ပှၤတယူးတယီၣ်ယွၤန့ၣ်တက့ၢ်. မၤပူၤဖျဲးယၤလၢပှၤလီတၢ်ဒီး ပှၤအၢပှၤသီန့ၣ်တက့ၢ်.

စံးထီၣ်ပတြၢၤ 9:4

အဂ့ၢ်ဒ်အံၤ, နစံၣ်ညီၣ်တီန့ၢ်တၢ်လၢယဂီၢ်လံ. နဆ့ၣ်နီၤလၢနလီၢ်ပစိာ်အဖီခိၣ်ဒီး စံၣ်ညီၣ်တၢ်တီတီလိၤလိၤလီၤ.

လံာ်ယံးရမံယၤ 15:10

ယမ့ၢ်ပှၤတဂၤလၢအသးဘၣ်ဖှီၣ်လီၤ. ဘၣ်မနုၤအဃိယမိၢ် ဆံးစၢ်ထီၣ်ယၤလၢဟီၣ်ခိၣ်ချၢအံၤန့ၣ်လဲၣ်. ယဘၣ်အ့ၣ်လိာ် ယသးဒီးဂ့ၢ်လိာ်တၢ်ဒီးပှၤကိးဂၤဒဲးလၢကီၢ်အံၤအပူၤန့ၣ်လီၤ. ယတဟ့ၣ်လိၢ်လီၤစ့မ့ၢ်ဂ့ၤ, ဃ့လိၢ်စ့မ့ၢ်ဂ့ၤနီတမံၤဘၣ်. အန့ၣ်ဒၣ်လဲာ်, ပှၤကိးဂၤဒဲးဆိၣ်အၢယၤန့ၣ်လီၤ.

လံာ်သးသယုၢ်တၢ် 3:36

ဖဲတၢ်စံၣ်ညီၣ်တီဘၣ်တၢ်ဘိးကဒါကွံာ်အီၤလၢကွီၢ်ဘျီၣ်ပူၤန့ၣ် အဝဲသ့ၣ်ညါဝဲလီၤ.

လံာ်သးသယုၢ်တၢ် 3:60

နသ့ၣ်ညါလၢယဒုၣ်ယဒါတဖၣ်သးဟ့ယၤဒ်လဲၣ်ဒီးကူၣ်ထီၣ်တၢ်ထီဒါ ယၤဒ်လဲၣ်န့ၣ်လီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.