လံာ်သးသယုၢ်တၢ် 3:56 - Sgaw Karen Common Bible

⁵⁶ ဒီးဖဲယဃ့ကညးနၤလၢနကဒိကနၣ်ယတၢ်ကိးပသူထီၣ်ဒီးနနၢ်ဟူတ့ၢ် လီၤ.

လံာ်သးသယုၢ်တၢ် 3:56 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:13

ကစၢ်ယွၤတူၢ်လိာ်တ့ၢ်စီၤမနၤၡ့ၤအတၢ်ထုကဖၣ်ဒီးစံးဆၢအီၤခီ ဖျိပျဲအက့ၤကဒါက့ၤဆူဝ့ၢ်ယရူၤၡလ့ၣ်ဒီးပၢကဒီးတၢ်န့ၣ်လီၤ. တၢ်မၤအသးအံၤဒုးနာ်စီၤမနၤၡ့ၤလၢ, ယွၤန့ၣ်, မ့ၢ်ကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်စီၤယိၤဘး 34:28

အဝဲသ့ၣ်မၤဆူၣ်ပှၤဖှီၣ်ဖိယာ်ဖိသ့ၣ်တဖၣ်တုၤအကိးထီၣ်ကစၢ်ယွၤ ဒီးအဝဲနၢ်ဟူပှၤဖှီၣ်ဖိယာ်ဖိတဖၣ်အတၢ်ကိးထီၣ်လၢတၢ်မၤစၢၤ အဂီၢ်န့ၣ်လီၤ.

စံးထီၣ်ပတြၢၤ 3:4

ယကိးထီၣ်ယွၤလၢတၢ်မၤစၢၤအဂီၢ်, ဒီးအဝဲဒၣ်စံးဆၢယၤလၢ အကစၢၢ်စီဆှံအလိၤန့ၣ်လီၤ. စ့လၤ

စံးထီၣ်ပတြၢၤ 34:6

ပှၤဖှီၣ်ယာ်တဂၤအံၤကိးထီၣ်ဝဲ, ဒီးယွၤနၢ်ဟူအီၤ, ဒီးမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 5:2

ကနၣ်ယတၢ်ကိးထီၣ်လၢတၢ်မၤစၢၤအဂီၢ်, ယကစၢ်ယွၤဒီးယစီၤပၤဧၢ, အဂ့ၢ်ဒ်အံၤ, ယဃ့ဘါထုကဖၣ်တၢ်လၢနၤလီၤ.

စံးထီၣ်ပတြၢၤ 5:3

ယွၤဧၢ, လၢမုၢ်ဂီၤန့ၣ်နနၢ်ဟူယကလုၢ်, ဒီးလၢမုၢ်ဟဲထီၣ်အကတီၢ်န့ၣ် ယလုၢ်ထီၣ်ယတၢ်ထုကဖၣ်ဒီးခိးကွၢ်လၢ်နၤလီၤ.

စံးထီၣ်ပတြၢၤ 55:1

ကစၢ်ယွၤဧၢ, ဒိကနၣ်ယတၢ်ထုကဖၣ်တက့ၢ်, ဒီးပာ်တဒၢနသးလၢယတၢ်ဃ့ကညးန့ၣ်တဂ့ၤ

စံးထီၣ်ပတြၢၤ 55:18

လၢတၢ်ဒုးတၢ်ယၤအပူၤန့ၣ်, ကမၤပူၤဖျဲးယသးလၢယဒုၣ်ယဒါအါဂၤအစုပူၤ ဒီးဟ့ၣ်ယၤတၢ်မုာ်တၢ်ခုၣ်န့ၣ်လီၤ.

စံးထီၣ်ပတြၢၤ 55:2

ဒိကနၣ်ယကလုၢ်, ဒီးစံးဆၢလၢ်ယၤတက့ၢ်. ယဘၣ်တၢ်မၤနၢၤယၤလၢယတၢ်ကိၢ်တၢ်ဂီၤ တဖၣ်န့ၣ်လီၤ.

စံးထီၣ်ပတြၢၤ 66:19

မ့မ့ၢ်ကစၢ်ယွၤကနၣ်လံဝဲလံ. အဝဲဒိကနၣ်တ့ၢ်လံဝဲ ယတၢ်ထုကဖၣ်အကလုၢ်န့ၣ်လံ.

လံာ်ယၡါယၤ 38:5

ဒ်သိးအကလဲၤကဒါက့ၤဆူစီၤပၤဃံးစကံယၤအအိၣ်ဒီးစံးဘၣ် အီၤ, “ယၤ, ယွၤ, နပၢ်ဖးဒိၣ်စီၤဒၤဝံးအကစၢ်ယွၤ, နၢ်ဟူတ့ၢ်နတၢ်ထုကဖၣ်ဒီးထံၣ်တ့ၢ်နမဲာ်ထံမဲာ်နိတဖၣ်လီၤ. ယကပျဲနအိၣ်မူယံာ်ထီၣ်အါထီၣ်တဆံယဲၢ်နံၣ်လီၤ.

လံာ်ဒၤနံးယ့လး 9:17

အိကစၢ်ယွၤဧၢ, ဒိကနၣ်လၢ်ယတၢ်ထုကဖၣ်ဒီးယတၢ်ဃ့ ကညးတက့ၢ်. မၤအိၣ်ထီၣ်က့ၤနတၢ်လုၢ်ဟံၣ်လၢအဘၣ်တၢ် မၤဟးဂီၤအီၤတက့ၢ်. မၤအိၣ်ထီၣ်က့ၤအီၤဒ်သိးပှၤကိးဂၤ ကသ့ၣ်ညါလၢနမ့ၢ်ကစၢ်ယွၤတက့ၢ်.

ရိမ့ၤ 8:26

ဒ်န့ၣ်အသိးယွၤအသးစ့ၢ်ကီးဟဲလၢကမၤစၢၤပှၤအဂီၢ်, ဒ်ပမ့ၢ်ပှၤဂံၢ်စၢ်ဘါစၢ်တဖၣ်အသိးလီၤ. အဂ့ၢ်ဒ်လဲၣ်န့ၣ်, ပကြၢးဃ့ထုကဖၣ်တၢ်ဒ်လဲၣ်န့ၣ်ပတသ့ၣ်ညါဘၣ်. ယွၤအသးဒၣ်ဝဲဃ့သကွံၢ်ကညးကစၢ်ယွၤလၢပဂီၢ်လၢတၢ် ကအုကစွါဖးဒိၣ်လၢပတဲဖျါလၢတၢ်ကတိၤတသ့ဒၣ်လဲာ်ဘၣ် အပူၤန့ၣ်လီၤ.