လံာ်သးသယုၢ်တၢ် 3:53 - Sgaw Karen Common Bible

⁵³ အဝဲသ့ၣ်ကွံာ်နုာ်မူဒံးယၤဆူတၢ်ပူၤတပူၤဒီးကးတံၢ်အတြဲၤ လၢလၢၢ်တဖျၢၣ်လီၤ.

လံာ်သးသယုၢ်တၢ် 3:53 Iomraidhean Croise

လံာ်ယံးရမံယၤ 37:16

ယဘၣ်တၢ်ဒၢနုာ်ယၤလၢ ဒၢးဆံးဆံးဖိတဒၢးလၢတၢ်ခူၣ်န့ၣ်အီၤ လၢဟီၣ်ခိၣ်လာ်, အပူၤ, ဒီးယဘၣ်တၢ်ပၢၤယၤဖဲန့ၣ်ဖးယံာ် ဖးထၢန့ၣ်လီၤ.

လံာ်ယံးရမံယၤ 37:20

ဒီးအခဲအံၤ, နဲဒၣ်တၢ်ဒိၣ်စီၤပၤဧၢ, ယဃ့ကညးနၤလၢ နကဒိကနၣ်ယၤဒီး မၤတၢ်လၢ ယဃ့နၤန့ၣ်လီၤ. ဝံသးစူၤတဘၣ်ဆှၢကဒါက့ၤ ယၤဆူဃိာ်လၢ စီၤယိၤနၤသၣ်အဟံၣ်န့ၣ်တဂ့ၤ. နမ့ၢ်မၤဒ်န့ၣ်ဒီး, ယကသံဖဲန့ၣ်သပှၢ်ကတၢၢ်လီၤ.”

လံာ်ယံးရမံယၤ 38:6

လၢတၢ်န့ၣ်အဃိ, အဝဲသ့ၣ်ဟံးန့ၢ်ယၤဒီးစဲၤလီၤယၤလၢ ပျံၤဆူ စီၤပၤဖိခွါစီၤမၤလကံယၤအထံပူၤလၢ အအိၣ်ဝဲလၢ နူၢ်အဂၢၤပူၤန့ၣ်လီၤ. လၢထံပူၤန့ၣ်ထံတအိၣ်ဘၣ်. အိၣ်ဒၣ်ထဲကပံာ်ဒီးယလီၤဘျၢလၢ ကပံာ်အကျါန့ၣ်လီၤ.

လံာ်ယံးရမံယၤ 38:9

“နဲဒၣ်တၢ်ဒိၣ်စီၤပၤဧၢ, တၢ်လၢပှၤတဖၣ်အံၤမၤဝဲန့ၣ်ကမၣ်လီၤ. အဝဲသ့ၣ်ဒၢနုာ် စီၤယံးရမံယၤလၢထံပူၤ, ဒီးဖဲန့ၣ်အဝဲကသံဝဲ သပှၢ်ကတၢၢ်လၢအသၣ်ဝံၤလီၤဒိအဃိ, မ့ၢ်လၢ တၢ်အီၣ်တအိၣ် လၢၤဘၣ်လၢ ဝ့ၢ်အံၤအပူၤအဃိန့ၣ်လီၤ.”

လံာ်ဒၤနံးယ့လး 6:17

လၢၢ်တဖျၢၣ်ဘၣ်တၢ်ပာ်လီၤတံာ်တၢၤခ့ယုၢ်တဝၢအပူၤခိၣ် ထိးဒီးစီၤပၤအနီၢ်ကစၢ်ဒၣ်ဝဲဒီးအပဒိၣ်တဖၣ်စဲတံၢ်ဝဲလၢအတၢ် စဲပနီၣ်ဒၣ်ဝဲစုာ်စုာ်ဒ်သိးပှၤမၤပူၤဖျဲးစီၤဒၤနံးယ့လးသုတန့ၢ် နီတဂၤတဂ့ၤအဂီၢ်န့ၣ်လီၤ.

လံာ်ဒၤနံးယ့လး 6:18

အန့ၣ်ဝံၤဒီး, စီၤပၤက့ၤနုာ်ဝဲဒၣ်ဆူအနီပူၤန့ၣ်လီၤ. တၢ်အီၣ်တၢ် အီမ့ၢ်ဂ့ၤတၢ်မၤမုာ်မၤလၤအသးမ့ၢ်ဂ့ၤတတူၢ်လိာ်ဝဲနီတမံၤဘၣ်. ဒီးသီတနၤကျၢၤန့ၣ်မံဝဲတန့ၢ်ဘၣ်.

လံာ်ယိၤနါ 2:1

တုၤနုၤတစု, စီၤယိၤနါဃ့ဘါထုကဖၣ်တၢ်ဆူယွၤ, အကစၢ်ယွၤအအိၣ်လၢညၣ်အဟၢဖၢအပူၤ,

လံာ်မးသဲ 27:60

ဒီးပာ်လီၤအီၤလၢအဝဲဒၣ်အနီၢ်ကစၢ်ဒၣ်ဝဲအတၢ်သွၣ်ခိၣ် အပူၤ, လၢအစိးပျၤန့ၢ်ဝဲလၢလ့အကပၤဖဲတယံာ်ဒံးဘၣ် အကတီၢ်န့ၣ်လီၤ. ဝံၤဒီး, တလ့ၣ်တံၢ်လၢၢ်ဖးဒိၣ်တဖျၢၣ် လၢတၢ်သွၣ်ခိၣ်အပူၤအခိၣ်ထိးဒီးဟးထီၣ်ကွံာ်ဝဲဖဲန့ၣ်လီၤ.

လံာ်မးသဲ 27:66

လၢတၢ်န့ၣ်အဃိ, အဝဲသ့ၣ်လဲၤဒီးစဲပနီၣ်ဃာ်လၢၢ်လၢတၢ်ပူၤခိၣ်ထိးန့ၣ်ဝံၤ ဒီး, ပာ်တ့ၢ်ပှၤသုးဖိလၢအကခိးဃာ်တၢ်သွၣ်ခိၣ်အပူၤအဂီၢ်, ဖဲန့ၣ်လီၤ.