လံာ်သးသယုၢ်တၢ် 3:51 - Sgaw Karen Common Bible

⁵¹ ယသးအံၤသူၣ်အုးသးအုးဖဲယထံၣ်ဘၣ်တၢ်မၤတ့ၢ်အသးဒီးပိာ်မုၣ် တဖၣ်လၢဝ့ၢ်ပူၤလီၤ.

လံာ်သးသယုၢ်တၢ် 3:51 Iomraidhean Croise

လံာ်တၢ်ကဲထီၣ်အခီၣ်ထံး 44:34

ပိာ်ခွါဖိသၣ်မ့ၢ်တက့ၤဃုာ်ဒီးယၤဘၣ်ဒီး, ယက့ၤကဒါက့ၤဆူ ယပၢ်အအိၣ်ကသ့ဒ်လဲၣ်. တၢ်တတၢးတနါအံၤလၢကလီၤဘၣ် လၢယပၢ်အလိၤန့ၣ်, ယကွၢ်အီၤတကဲဘၣ်.”

လံာ်ယံးရမံယၤ 11:22

မၤသးဒ်န့ၣ်ဒီးယွၤသ့တၢ်လၢာ်စံးဝဲဒၣ်, “ယကစံၣ်ညီၣ်အဝဲသ့ၣ် လီၤ. အပှၤပိာ်ခွါသးစၢ်တဖၣ်ကသံဝဲလၢတၢ်ဒုးတၢ်ယၤအပူၤ, ဒီးအဖိတဖၣ်ကသံဝဲလၢတၢ်သၣ်ဝံၤလီၤဒိအဃိန့ၣ်လီၤ.

လံာ်ယံးရမံယၤ 14:16

ဒ်န့ၣ်အသိးပှၤဂီၢ်မုၢ်လၢအဝဲသ့ၣ်စံးဘၣ်တ့ၢ်အီၤတၢ်သ့ၣ်တဖၣ်အံၤ စ့ၢ်ကီးကဘၣ်တၢ်မၤသံအီၤလၢကျဲတဘိဃီန့ၣ်လီၤ. အဝဲသ့ၣ် အစိၣ်တဖၣ်ကဘၣ်တၢ်ကွံာ်အီၤလၢဝ့ၢ်ယရူၤၡလ့ၣ်အကျဲဘိတဖၣ် အပူၤ, ဒီးပှၤကခူၣ်လီၤအဝဲသ့ၣ်တအိၣ်နီတဂၤဘၣ်န့ၣ်လီၤ. တၢ်အံၤကမၤအသးဒီးအဝဲသ့ၣ်ခဲလၢာ်, ဃုာ်ဒီးအမါတဖၣ်, အဖိခွါတဖၣ်, ဒီးအဖိမုၣ်တဖၣ်န့ၣ်လီၤ. ယကမၢအဝဲသ့ၣ်ဟ့ၣ်တၢ်အပှ့ၤလၢအဝဲသ့ၣ်အတၢ်အၢတၢ်သီအဃိလီၤ.”

လံာ်ယံးရမံယၤ 14:18

ဖဲယလဲၤဟးထီၣ်လၢစံာ်ပျီတဖၣ်အပူၤဒီး, ယထံၣ်ဘၣ်ပှၤလၢအသံလၢတၢ်ဒုး တၢ်ယၤအပူၤတဖၣ်အစိၣ်န့ၣ်လီၤ. ဖဲယလဲၤနုာ်ဆူဝ့ၢ်တဖၣ်အပူၤဒီး, ယထံၣ်ဘၣ်ပှၤဂီၢ်မုၢ်သၣ်ဝံၤလီၤဒိဘူးလၢ အကသံန့ၣ်လီၤ. အဂ့ၢ်ဒ်အံၤ, ဝံတဖၣ်ဒီးပှၤလုၢ်တၢ်အခိၣ်တဖၣ် မၤဒံးဒၣ်အဝဲသ့ၣ်အတၢ်မၤ, ဘၣ်ဆၣ်ဒီးမၤတၢ်မနုၤလဲၣ်န့ၣ်အဝဲသ့ၣ်, တသ့ၣ်ညါဝဲဘၣ်.”

လံာ်ယံးရမံယၤ 19:9

ဒုၣ်ဒါတဖၣ်ကကဝီၤဃာ်ဝ့ၢ်အံၤဒီးကကျဲးစၢးမၤသံအပှၤဂီၢ်မုၢ် န့ၣ်လီၤ. တၢ်ကဝီၤဃာ်အံၤကလီၤပျံၤလီၤဖုးဝဲဒိၣ်မးတုၤဒၣ်လဲာ် ပှၤဂီၢ်မုၢ်လၢဝ့ၢ်ပူၤကအီၣ်လိာ်အညၣ်တဂၤဒီးတဂၤတုၤဒၣ်လၢ အဖိဒၣ်ဝဲတဖၣ်အညၣ်ဒၣ်လဲာ်န့ၣ်လီၤ.”

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်သးသယုၢ်တၢ် 2:11

ယမဲာ်ချံတဖၣ်ဃ့ထီဝဲလၢမဲာ်ထံလၢာ်ကွံာ်အဃိဒီးယသးသမူအိၣ် လၢတၢ်ကိၢ်တၢ်ဂီၤအပူၤလီၤ. ယဂံၢ်ယဘါလၢာ်ကွံာ်ဝဲလၢတၢ်သးအုးဖဲယပှၤဂီၢ်မုၢ်ဘၣ်တၢ်မၤဟး ဂီၤကွံာ်အီၤန့ၣ်လီၤ. ဖိသၣ်တဖၣ်ဒီးဖိဆံးအီၣ်နုၢ်တဖၣ်သံတယူာ်ဝဲလၢဝ့ၢ်အကျဲတဖၣ် အပူၤန့ၣ်လီၤ.

လံာ်သးသယုၢ်တၢ် 2:21

ပှၤသးစၢ်ဒီးပှၤသးပှၢ်လီၤဃံၤသံဒ်သိးသိးလၢကျဲတဖၣ် အပူၤလီၤ. ပှၤသးစၢ်ပိာ်ခွါဒီးပိာ်မုၣ်တဖၣ်ဘၣ်တၢ်မၤသံအီၤလၢ ဒုၣ်ဒါအနးတဖၣ်လီၤ. လၢနတၢ်သးထီၣ်အမုၢ်တနံၤန့ၣ်နမၤသံအဝဲသ့ၣ်တအိၣ်ဒီးတၢ်သး ကညီၤဘၣ်.

လံာ်သးသယုၢ်တၢ် 3:50

တုၤလၢယွၤကွၢ်လီၤဝဲလၢမူခိၣ်ဒီးထံၣ်ပှၤန့ၣ်လီၤ.

လံာ်သးသယုၢ်တၢ် 3:52

ယဘၣ်တၢ်ဖီၣ်န့ၢ်ယၤလၢထုဒ်ထိၣ်ဖိတဘ့ၣ်အသိးလၢဒုၣ်ဒါတဖၣ်လၢ အတၢ်ဂ့ၢ်တအိၣ်ဘၣ်ဒ်သိးအကသးဟ့ယၤန့ၣ်လီၤ.

လံာ်သးသယုၢ်တၢ် 5:11

ပမါတဖၣ်ဘၣ်တၢ်မၤဆူၣ်မၤစိးအီၤလၢကစၢၢ်စံယိၣ်အလိၤဒၣ်ဝဲ, လၢကီၢ်ယူဒၤအဒူသဝီခဲလၢာ်အပူၤ, ဒီးပဖိမုၣ်တဖၣ်ဘၣ်တၢ်မၤ နၢၤတရီတပါအီၤလီၤ.