လံာ်သးသယုၢ်တၢ် 3:39 - Sgaw Karen Common Bible

³⁹ ဖဲပဘၣ်တၢ်စံၣ်ညီၣ်လၢပတၢ်ဒဲးဘးအဃိန့ၣ်ဘၣ်မနုၤလၢ ပကဒူးကဒ့ၣ်ထီရီၤတၢ်န့ၣ်လဲၣ်.

လံာ်သးသယုၢ်တၢ် 3:39 Iomraidhean Croise

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်စီၤပၤခံဘ့ၣ်တဘ့ၣ် 6:32

ဒီးအဝဲဆှၢလီၤပှၤစိာ်တၢ်ကစီၣ်တဂၤလၢကလဲၤမၤန့ၢ်စီၤအလံၤ ၡါအဂီၢ်န့ၣ်လီၤ. အခါဖဲန့ၣ်, စီၤအလံၤၡါအိၣ်ဝဲဖဲအဟံၣ်ပူၤဃုာ်ဒီးပှၤသးပှၢ် တနီၤလၢအဟဲအိၣ်သကိးအီၤန့ၣ်လီၤ. တချုးလၢစီၤပၤအပှၤစိာ်တၢ်ကစီၣ်ဟဲတုၤဒံးဘၣ်န့ၣ်, စီၤအလံၤၡါစံးဘၣ်ပှၤသးပှၢ်တဖၣ်န့ၣ် “ပှၤမၤသံတၢ်တဂၤန့ၣ်ဆှၢ လီၤပှၤတဂၤလၢကဟဲမၤသံယၤလီၤ. ခဲကနံၣ်အံၤတုၤအဝဲဟဲတုၤဖဲအံၤန့ၣ်, ကးတံာ်ပဲတြီ, ဒီးပျဲအဟဲနုာ်တဂ့ၤ. စီၤပၤအကစၢ်ဒၣ်ဝဲကအိၣ်ဒၣ်ဖဲအဝဲ အလီၢ်ခံဖိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:33

တချုးလၢအဝဲစံးတၢ်အံၤဝံၤဒၣ်လဲာ်န့ၣ်, စီၤပၤအပှၤစိာ်တၢ် ကစီၣ်ဟဲတုၤဝဲလီၤ. စီၤပၤဟဲတုၤစ့ၢ်ကီးဒီးစံးဝဲ, “တၢ်ကီတၢ်ခဲလၢအလီၤဘၣ်လၢပလိၤအံၤမ့ၢ်ယွၤဟဲစိာ်အီၤန့ၣ်လီၤ. ဘၣ်မနုၤအဃိယကြၢးခိးဒံးအီၤလၢအဝဲကမၤတၢ်တမံၤမံၤအဂီၢ်လဲၣ်.”

လံာ်စီၤဧ့စြၤ 9:13

ဖဲတၢ်ခဲလၢာ်မၤတ့ၢ်အသးဒီးပှၤဒ်တၢ်စံၣ်ညီၣ်လၢပတၢ်ဒဲးဘးတဖၣ် ဒီးတၢ်ကမၣ်တဖၣ်အဃိဝံၤဒၣ်လဲာ်, ပသ့ၣ်ညါလၢနၤ, ပကစၢ်ယွၤစံၣ်ညီၣ်တ့ၢ်ပှၤစှၤန့ၢ်ဒံးပကြၢးဘၣ် တၢ်စံၣ်ညီၣ်တက့ၢ်ဒီးပျဲဒံးပှၤလၢပကအိၣ်မူဝဲလီၤ.

လံာ်စီၤယိၤဘး 11:6

ဒီးအဝဲကတဲနၤလၢတၢ်ကူၣ်ဘၣ်ကူၣ်သ့အတၢ်ခူသူၣ်အိၣ်အါမံၤန့ၣ် လီၤ. အဂ့ၢ်ဒ်အံၤတၢ်အိၣ်ဝဲဒၣ်အါမံၤလၢ အယိာ်ကဲာ်ဆိးလၢ ပှၤကညီကနၢ်ပၢၢ်အီၤအဂီၢ်န့ၣ်လီၤ. ကစၢ်ယွၤစံၣ်ညီၣ်နၤအံၤမ့ၢ်တၢ်စှၤန့ၢ်ဒံးနကြၢးဘၣ်တၢ်စံၣ်ညီၣ် တက့ၢ်န့ၣ်လီၤ.

လံာ်စီၤယိၤဘး 15:13

နသးထီၣ်ကစၢ်ယွၤဒီးနကတိၤဒုၣ်ဒွဲၣ်အီၤလီၤ.

စံးထီၣ်ပတြၢၤ 107:17

ပှၤတနီၤမ့ၢ်ပှၤဟးဂီၤဖိလၢအတူၢ်ဘၣ်တၢ် မ့ၢ်လၢတၢ်ဒဲးဘးအဃိ, ဒီးမ့ၢ်လၢအတၢ်အၢတၢ်သီအဃိန့ၣ်လီၤ.,

တၢ်ကတိၤဒိ. 19:3

ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.

လံာ်ယၡါယၤ 51:20

ဖဲကျဲကိးဘိဒဲးအသနၢၣ်န့ၣ်, နပှၤဂီၢ်မုၢ်လီၤဘှံးလီၤတီၤဝဲလၢအဂံၢ်စၢ်ဘါစၢ်အဃိ, ဒီးအဝဲသ့ၣ်လီၤဂာ်ဒ်တၤဖးဘၣ်ထု လၢပှၤခးတၢ်ဖိတဂၤအပှာ်ပူၤအသိးန့ၣ်လီၤ. အဝဲသ့ၣ်ကလၢၢ်ဘၣ်ကစၢ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ.

လံာ်ယံးရမံယၤ 10:19

ဝ့ၢ်ယရူၤၡလ့ၣ်အပှၤဂီၢ်မုၢ်ကိးထီၣ်ဝဲ, “ပဘၣ်ဒိဘၣ်ထံးဆါနးမးလဲၣ်. ပပူၤလီၢ်တဖၣ်တဘျါဘၣ်. ဒီးပဆိကမိၣ်လၢတၢ်အံၤမ့ၢ်တၢ်တမံၤလၢပတူၢ်အီၤ ကဘၣ်သ့ကစီဒီန့ၣ်လီၤ.

လံာ်ယံးရမံယၤ 30:15

ကဒူးကဒ့ၣ်လၢၤလၢ သုတၢ်ဘၣ်ဒိဘၣ်ထံးတဖၣ်အဃိန့ၣ် တဂ့ၤ, တၢ်မၤဘျါက့ၤသုတအိၣ်နီတမံၤဘၣ်. ယစံၣ်ညီၣ်သုဒ်သိးအံၤ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

လံာ်တၢ်ဘူၣ်ထီၣ်ဘါထီၣ် 26:41

ဒ်သိးယကဃၣ်ယသးထီဒါအီၤဒီးဆှၢအီၤဆူအဒုၣ်အဒါတဖၣ်အကီၢ်ပူၤန့ၣ်လီၤ. လၢခံကတၢၢ်ဖဲသုစၢၤသုသွဲၣ်တဖၣ်ဆီၣ်လီၤက့ၤအသးဒီးဟ့ၣ်က့ၤ တၢ်အဘူးအလဲလၢအဝဲသ့ၣ်အတၢ် ဒဲးဘးဒီးတၢ်ပူထီၣ်ထီဒါအဂီၢ်ဒီး,

လံာ်တၢ်ဘူၣ်ထီၣ်ဘါထီၣ် 26:43

ဘၣ်ဆၣ်ဒီး, အဆိကတၢၢ်ထံကီၢ်ကဘၣ်တၢ်မၤပျီကွံာ်အီၤဒီးအပှၤဂီၢ်မုၢ်, ဒ်သိးအကမုာ်လၤသးခုဘၣ်ဒီးတၢ်အိၣ်ဘှံးအလၢအပှဲၤ, ဒီးအဝဲသ့ၣ်ကဘၣ်ဟ့ၣ်တၢ်အဘူးအလဲအလၢအပှဲၤလၢအလုၢ်သ့ၣ်ခါပတာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်အဃိန့ၣ်လီၤ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်တၢ်ဂံၢ် 11:11

ဒီးအဝဲဒၣ်စံးဘၣ်ယွၤ, “ဘၣ်မနုၤလၢနမၤဘၣ်ယၤအၢထဲအံၤ န့ၣ်လဲၣ်. ဘၣ်မနုၤလၢနတဘၣ်နသးလၢယၤန့ၣ်လဲၣ်. ဘၣ်မနုၤလၢနဟ့ၣ်ယၤမူဒါလၢပှၤဂီၢ်မုၢ်အံၤအဂီၢ်န့ၣ်လဲၣ်.

လံာ်တၢ်ဂံၢ် 16:41

မုၢ်ဆ့ၣ်ထီၣ်တနံၤန့ၣ်ပှၤဂီၢ်မုၢ်ဒီကရူၢ်ညါကဒူးကဒ့ၣ်တၢ်ထီ ဒါစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုမၤသံတ့ၢ်ယွၤအပှၤဂီၢ်မုၢ်တနီၤလီၤ.”

လံာ်တၢ်ဂံၢ် 17:12

ကီၢ်အံၣ်စရ့လးအပှၤဂီၢ်မုၢ်စံးဘၣ်စီၤမိၤၡ့, “မ့မ့ၢ်ဒ်န့ၣ်ဒီးတၢ်န့ၣ်မ့ၢ်တၢ်လၢအမၤကတၢၢ်ပှၤန့ၣ်ဧါ.”

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.