လံာ်သးသယုၢ်တၢ် 3:31 - Sgaw Karen Common Bible

³¹ ယွၤန့ၣ်သူၣ်ကညီၤသးကညီၤတၢ်အါဒီးတမ့ၢ်လၢကညိကွံာ် ပှၤလီၤထူလီၤယိာ်ဘၣ်.

လံာ်သးသယုၢ်တၢ် 3:31 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:14

ဒ်ထံလၢအလီၤဂၢ်လၢဟီၣ်ခိၣ်လိၤ, လၢအဘၣ်တၢ်ပာ်ဖှိၣ်က့ၤကဒီး အီၤတသ့ဘၣ်အသိးန့ၣ်, ပကဘၣ်သံကိးဂၤဒဲးန့ၣ်လီၤ. ဘၣ်ဆၣ်ကစၢ်ယွၤတမၤသံဘၣ်တၢ်လီၤထူလီၤယိာ်ဘၣ်. လၢတၢ်န့ၣ်အဃိ, အစှၤကတၢၢ်စီၤပၤကိးက့ၤပှၤတဂၤလၢအဃ့ၢ်ပူၤဖျဲးအသးသ့ဝဲလီၤ.

လံာ်စီၤပၤအခီၣ်ထံးတဘ့ၣ် 11:39

မ့ၢ်လၢစီၤၡလိၤမိၤအတၢ်ဒဲးဘးအဃိန့ၣ်, ယကစံၣ်ညီၣ်စီၤဒၤဝံး အစၢၤအသွဲၣ်တဖၣ်, ဘၣ်ဆၣ်တမ့ၢ်ဘၣ်ထီဘိတထံၣ်ဃီဘၣ်.”

စံးထီၣ်ပတြၢၤ 77:7

“မ့ၢ်ယွၤကညိကွံာ်ပှၤထီဘိဧါ. မ့ၢ်အဝဲတဘၣ်သူၣ်ဘၣ်သးက့ၤလၢၤပှၤ နီတဘျီဘၣ်န့ၣ်ဧါ.

စံးထီၣ်ပတြၢၤ 94:14

အဂ့ၢ်ဒ်အံၤ, ယွၤတညိကွံာ်ဘၣ်အပှၤဂီၢ်မုၢ်ဘၣ်, ဒီးတလဲၤသဒၣ်ဘၣ်အတၢ်န့ၢ်သါဘၣ်.

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ယံးရမံယၤ 31:37

ဖဲမုၢ်တနံၤလၢ ပှၤထိၣ်မူကပိာ်လိၤမ့ၢ်သ့, ဒီးဟီၣ်ခိၣ်အခီၣ်ထံး တဖၣ် တၢ်ဃုသ့ၣ်ညါအီၤဒုးမ့ၢ်သ့န့ၣ်ဒီး, အဝဲကညိကွံာ်ကီၢ်အံၣ်စရ့လး အပှၤဂီၢ်မုၢ်, လၢတၢ်လၢ အဝဲသ့ၣ်မၤတ့ၢ်ဝဲခဲလၢာ် အဃိန့ၣ်လီၤ. ယွၤကတိၤလံတၢ်လံ.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်နၤဃူၣ် 1:12

တၢ်အံၤမ့ၢ်တၢ်လၢယွၤစံးဘၣ်အပှၤဂီၢ်မုၢ်အံၣ်စရ့လး, “ပှၤအၤၡူၢ်ဖိသ့ၣ်တဖၣ်အဂံၢ်အဘါမ့ၢ်ဆူၣ်ဒီးမ့ၢ်အါဝဲဂီၢ်ဝဲဘၣ်ဆၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤဒီးကဟါမၢ်ကွံာ်ဝဲဒၣ်န့ၣ်လီၤ. ယပှၤဂီၢ်မုၢ်ဧၢ, ယမၤနးမၤဖှီၣ်တ့ၢ်သုဘၣ်ဆၣ်ယတမၤကဒီးလၢၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 12:22

ယွၤမၤတ့ၢ်တၢ်အၢၣ်လီၤသညူးသပှၢ်တမံၤဒီးအဝဲဒၣ်တညိ ကွံာ်ဘၣ်သုဘၣ်. အဂ့ၢ်ဒ်အံၤ, အဝဲပာ်လီၤတ့ၢ်အသးလၢကဒုးကဲ ထီၣ်သုလၢအပှၤဂီၢ်မုၢ်ဒၣ်ဝဲန့ၣ်လီၤ.