လံာ်သးသယုၢ်တၢ် 3:26 - Sgaw Karen Common Bible

²⁶ မၤသးဒ်န့ၣ်ဒီး, တၢ်အိၣ်ခိးယွၤလၢတၢ်သးစူၤအပူၤ, တၢ်အိၣ်ခိးအီၤလၢကအုၣ်က့ၤခီၣ်က့ၤပှၤအဂီၢ်န့ၣ်မ့ၢ်တၢ်အဂ့ၤ ကတၢၢ်လၢပဂီၢ်လီၤ.

လံာ်သးသယုၢ်တၢ် 3:26 Iomraidhean Croise

လံာ်တၢ်ကဲထီၣ်အခီၣ်ထံး 49:18

ယွၤဧၢ, ယအိၣ်ခိးကွၢ်လၢ်နတၢ်မၤပူၤမၤဖျဲးယၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:17

သုတဘၣ်ဒုးတၢ်ဒုးအံၤဘၣ်. မ့မ့ၢ်ထဲဟံးန့ၢ်သုလီၢ်တဖၣ်ဒီး ခိးတၢ်တက့ၢ်. သုကထံၣ်ဘၣ်လၢယွၤဟ့ၣ်သုတၢ်မၤနၢၤန့ၣ်လီၤ. ပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, မၤယံာ်မၤနီၢ်သုသးဒီးပျံၤတၢ်တဂ့ၤ. လဲၤထီၣ်ဆူတၢ်ဒုးတ က့ၢ်. ဒီးယွၤကအိၣ်ဒီးသုလီၤ.”

စံးထီၣ်ပတြၢၤ 119:166

ယွၤဧၢ, ယမုၢ်လၢ်နတၢ်အုၣ်က့ၤခီၣ်က့ၤ ဒီးယတိၢ်န့ၢ်ဖံးဃာ်နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 119:174

ယွၤဧၢ, ယဆၢန့ၢ်ဘၣ်နတၢ်အုၣ်က့ၤခီၣ်က့ၤ ဒီးနတၢ်သိၣ်တၢ်သီန့ၣ်မ့ၢ်ယတၢ်သူၣ်ဖှံသးညီလီၤ.

စံးထီၣ်ပတြၢၤ 130:5

ယခိးကွၢ်လၢ်ယွၤအတၢ်မၤစၢၤလၢ တၢ်သူၣ်ဆူၣ်သးဂဲၤ ဒီးယနာ်တၢ်လၢအကလုၢ်ကထါအပူၤန့ၣ်လီၤ.

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

စံးထီၣ်ပတြၢၤ 37:7

အိၣ်ဃိကလာ်လၢယွၤအမဲာ်ညါ, ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်. ဘၣ်ကိၢ်ဘၣ်ဂီၤလၢ ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ, မ့တမ့ၢ်ပှၤလၢအမၤန့ၢ်တၢ်လၢ အတၢ်ကူၣ်အၢအဃိန့ၣ်တဂ့ၤ.

စံးထီၣ်ပတြၢၤ 52:9

ယကစံးဘျုးနၤထီဘိ ကစၢ်ယွၤဧၢ, မ့ၢ်လၢနမၤတ့ၢ်တၢ်အံၤအဃိလီၤ. ယကမုၢ်လၢ်တၢ်လၢနမံၤလီၤ. အဂ့ၢ်ဒ်အံၤ, ဂ့ၤဝဲလၢပှၤလၢအအဲၣ်နၤအကျါလီၤ.

စံးထီၣ်ပတြၢၤ 54:6

ယွၤဧၢ, ယကလုၢ်ထီၣ်နၤတၢ်လုၢ်လၢတၢ်သးခုအပူၤ, ယကစံးဘျုးနၤမ့ၢ်လၢနမ့ၢ်တၢ်ဂ့ၤအဃိလီၤ.

စံးထီၣ်ပတြၢၤ 62:2

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်ဧိၤလီၤ. ယတဟူးတဝးဘၣ်နီတစဲးဘၣ်.

စံးထီၣ်ပတြၢၤ 73:28

ဘၣ်ဆၣ်လၢယဂီၢ်တၢ်အိၣ်ဘူးဒီးကစၢ်ယွၤန့ၣ် မ့ၢ်တၢ်ဂ့ၤလီၤ. ယပာ်တၢ်စိတၢ်ကမီၤကစၢ်ယွၤ လၢယတၢ်အိၣ်တဒၢအလီၢ် ဒ်သိးယကစံးဘၣ်တဲဘၣ် အတၢ်မၤခဲလၢာ်တဖၣ်န့ၣ်လီၤ.

စံးထီၣ်ပတြၢၤ 92:1

ယွၤဧၢ, တၢ်စံးဘျုးစံးဖှိၣ်နၤ, တၢ်သးဝံၣ်မၤလၤကပီၤ တၢ်ထီကတၢၢ်ကစၢ်ယွၤ,

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်တၢ်ဟးထီၣ်ကွံာ် 14:14

ယွၤကဒုးတၢ်လၢသုဂီၢ်ဒီးဖဲန့ၣ်အလီၢ်တအိၣ်လၢသုကမၤတၢ်နီ တမံၤဘၣ်.”

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 30:7

တၢ်မၤစၢၤလၢကီၢ်အဲၤကူပတူးဟ့ၣ်လီၤဝဲန့ၣ်အဘျုးတအိၣ်ဘၣ်. သတးဒီး, ယကိးကလိာ်ကလာ်တ့ၢ်ကီၢ်အဲၤကူပတူးအမံၤလၢ, ပယိၤလၢအစုၣ်အပျၢ်တအိၣ်ဘၣ်န့ၣ်လီၤ.

လံာ်ယၡါယၤ 7:4

စံးဘၣ်တဲဘၣ်အီၤလၢကစီၣ်မဲာ်စီၣ်နါ, ကပာ်အသးဂၢၢ်ဂၢၢ်, ဒီးအသုတပျံၤတၢ်ဒီးအသးသုတတံာ်တာ်တဂ့ၤ အဂီၢ်တက့ၢ်. စီၤပၤရစံၣ်ဒီးအပှၤစူၤရံဖိတဖၣ်, ဒီးစီၤပၤပ့ကးအတၢ်သးထီၣ်န့ၣ်တလီၤဘၣ်ယိာ်ဘၣ်ဘီထဲသိးဒီးမ့ၣ် အူခံ, ခံဘိအတၢ်ခုၣ်ထီၣ်ဘၣ်လီၤ.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်သးသယုၢ်တၢ် 3:27

တၢ်မၤလိတၢ်သူၣ်စူၤသးစူၤဖဲပမ့ၢ်ဒံးပှၤသးစၢ်န့ၣ် မ့ၢ်တၢ်ဂ့ၤကတၢၢ်န့ၣ်လီၤ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

ကလၤတံ 4:18

ဒီးခဲကနံၣ်အံၤတၢ်တိာ်ပာ်မ့ၢ်ဂ့ၤဒီး, တၢ်အိၣ်ဒီးတၢ်သးအိၣ်အဒိၣ်အယိာ်ဒ်သိးအံၤမ့ၢ်တၢ်လၢ အဂ့ၤလီၤ. အဝဲအံၤမ့ၢ်ဝဲတီဝဲထီဘိဒီးတမ့ၢ်ထဲလၢယအိၣ်ဒီး သုအခါဧိၤဘၣ်.

ဧ့ၤဘြံၤ 10:35

မၤသးဒ်န့ၣ်ဒီး တဘၣ်ညိကွံာ်သုတၢ်သးခူတလ့ၣ် လၢအအိၣ်ဒီးအဘူးအလဲဒိၣ်ဒိၣ်ကလဲာ်န့ၣ်တဂ့ၤ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.