လံာ်သးသယုၢ်တၢ် 3:17 - Sgaw Karen Common Bible

¹⁷ ယသးပ့ၤနီၣ်ကွံာ်တၢ်အိၣ်ဆူၣ်အိၣ်ချ့ဒီးတၢ်ဃူတၢ်မုာ်ဒီးတၢ် သူၣ်ခုသးခုမ့ၢ်တၢ်မနုၤတဖၣ်လဲၣ်န့ၣ်လီၤ.

လံာ်သးသယုၢ်တၢ် 3:17 Iomraidhean Croise

လံာ်တၢ်ကဲထီၣ်အခီၣ်ထံး 41:30

အန့ၣ်ဝံၤအလီၢ်ခံ, တၢ်သၣ်ဝံၤလီၤဒိနွံနံၣ်ကအိၣ်ထီၣ်ဝဲဒၣ်, ဒီးတၢ်အီၣ်ကုးအီပှဲၤအနံၣ်ခဲလၢာ်ကဘၣ်တၢ်သးပ့ၤနီၣ်ကွံာ် အီၤ, မ့ၢ်လၢတၢ်သၣ်ဝံၤလီၤဒိကမၤဟးဂီၤကွံာ်ထံကီၢ်အဃိန့ၣ်လီၤ.

လံာ်စီၤယိၤဘး 7:7

ကစၢ်ယွၤဧၢ, သ့ၣ်နီၣ်ထီၣ်က့ၤလၢယတၢ်အိၣ်မူအံၤမ့ၢ်ဒၣ်ထဲတၢ် သါတဘီဧိၤန့ၣ်တက့ၢ်. ယတၢ်သူၣ်ဖှံသးညီကတၢၢ်ကွံာ်တ့ၢ်လံ.

စံးထီၣ်ပတြၢၤ 119:155

တၢ်အုၣ်က့ၤခီၣ်က့ၤန့ၣ်အိၣ်ယံၤဝဲဒီး ပှၤတတီတလိၤတဖၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ် တဃုနတၢ်မၤလိာ်တဖၣ်န့ၣ်ဘၣ်.

လံာ်ယၡါယၤ 38:17

ယတၢ်သးခၣ်ကဃၣ်က့ၤအသးဆူတၢ်ဃူတၢ်ဖိးလီၤ. နအုၣ်က့ၤခီၣ်က့ၤယသးသမူလၢတၢ်လီၤပျံၤ လီၤဘၣ်ယိၣ်ခဲလၢာ် ဒီးနပျၢ်ယတၢ်ဒဲးဘးခဲလၢာ်လီၤ.

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 59:11

ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 14:19

ယွၤဧၢ, မ့ၢ်နညိကွံာ်ကီၢ်ယူဒၤလၢာ်လၢာ်ဆ့ဆ့လံဧါ. မ့ၢ်နသးဟ့ဝ့ၢ်စံယိၣ်အပှၤဂီၢ်မုၢ်လံဧါ. ဘၣ်မနုၤအဃိနမၤဘၣ်ဒိဘၣ်ထံးပှၤအၢအၢသီသီ တုၤဒၣ်လဲာ် တၢ်မၤဘျါက့ၤပှၤတသ့န့ၣ်လဲၣ်. ပကွၢ်လၢ်တၢ်ဃူတၢ်ဖိး, ဘၣ်ဆၣ်တၢ်အဂ့ၤတမၤအသးနီတမံၤဘၣ်. ပမုၢ်လၢ်တၢ်မၤဘျါက့ၤ, ဘၣ်ဆၣ်တၢ်မၤပျံၤမၤဖုးဟဲလၢအလီၢ်န့ၣ်လီၤ.

လံာ်ယံးရမံယၤ 16:5

နတဘၣ်လဲၤနုာ်ဆူဟံၣ်တဖျၢၣ်လၢတၢ်ဟီၣ်တၢ်ယၢၤအိၣ်ဝဲန့ၣ်ဘၣ်. သူၣ်အုးသးအုးလၢပှၤနီတဂၤအဃိတဂ့ၤ. ယတဆိၣ်ဂ့ၤ လၢၤယပှၤဂီၢ်မုၢ်လၢတၢ်ဃူတၢ်ဖိးမ့ၢ်ဂ့ၤ, ဒုးနဲၣ်အဝဲသ့ၣ်လၢ တၢ်အဲၣ်ဒီးတၢ်သးကညီၤမ့ၢ်ဂ့ၤနီတစုလၢၤဘၣ်.

လံာ်ယံးရမံယၤ 8:15

ပမုၢ်လၢ်တ့ၢ်တၢ်လၢတၢ်ဃူတၢ်ဖိးဒီးတၢ်မၤဘျါက့ၤအဆၢကတီၢ်အဂီၢ်လီၤ. ဘၣ်ဆၣ်ဒီးအဘျုးတအိၣ်ဘၣ်. အခိၣ်တလိာ်, တၢ်မၤပျံၤမၤဖုးဟဲဝဲတခီန့ၣ်လီၤ.

လံာ်သးသယုၢ်တၢ် 1:16

လၢတၢ်န့ၣ်အဃိဒီးယမဲာ်ချံတဖၣ်ပုာ်ထီၣ်ယွၤလီၤလၢယမဲာ်ထံ မဲာ်နိန့ၣ်လီၤ. ပှၤမၤမုာ်ထီၣ်ယသးတသ့ဘၣ်နီတဂၤဘၣ်. ပှၤဟ့ၣ်ဆူၣ်ထီၣ်ယဂံၢ်ယဘါတသ့ဘၣ်နီတဂၤဘၣ်. ဒုၣ်ဒါတဖၣ်မၤနၢၤတ့ၢ်ယၤလံ. တၢ်တအိၣ်လီၤတဲာ်ဘၣ်ဒီးယပှၤဂီၢ် မုၢ်လၢတၢ်နီတမံၤလၢၤဘၣ်.

လံာ်စကၤရယၤ 8:10

တချုးတၢ်ဆၢကတီၢ်အဝဲန့ၣ်ဒံးဘၣ်န့ၣ်, ပှၤဒိးလဲပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤတန့ၢ်နီတဂၤ, ဒီးပှၤတပူၤဖျဲးဘၣ်လၢအဒုၣ်အဒါတဖၣ်နီတဂၤဘၣ်. ယထိၣ်ဂဲၤပှၤဂီၢ်မုၢ်လၢကထီဒါလိာ်အသးတဂၤဒီးတဂၤလီၤ.