လံာ်သးသယုၢ်တၢ် 2:4 - Sgaw Karen Common Bible

⁴ ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်သးသယုၢ်တၢ် 2:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 34:21

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢပှၤဂီၢ်မုၢ်လၢ အအိၣ်တ့ၢ်ဒံးဝဲလၢကီၢ်အံၣ်စရ့လးဒီးကီၢ်ယူဒၤအပူၤအဂီၢ် န့ၣ်တက့ၢ်. ဃုထံၣ်သ့ၣ်ညါလံာ်အံၤအတၢ်သိၣ်တၢ်သီတဖၣ် အဂ့ၢ်တက့ၢ်. ယွၤသးထီၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တစူၢ်ယွၤအကလုၢ်ဒီးတမၤ ဘၣ်တၢ်လၢလံာ်အံၤတဲဘၣ်အီၤလၢကဘၣ်မၤဝဲတဖၣ် အဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 34:25

အဝဲသ့ၣ်ညိကွံာ်တ့ၢ်ယၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိ, ထိၣ်ဂဲၤထီၣ်ယတၢ်သးဒိၣ်ထီၣ်ခီဖျိတၢ်လၢအဝဲသ့ၣ်မၤတ့ၢ်ဝဲ ခဲလၢာ်န့ၣ်လီၤ. ယတၢ်သးဒိၣ်ထီၣ်ထီဒါဝ့ၢ်ယရူၤၡလ့ၣ်လၢအဘၣ် တၢ်ထိၣ်ဂဲၤထီၣ်တ့ၢ်အီၤန့ၣ်, တလီၤပံာ်ကွံာ်ဝဲဘၣ်.

လံာ်စီၤယိၤဘး 19:11

ဒီးကစၢ်ယွၤအသးထီၣ်ကဲၤထီၣ်ထီဒါယၤဒီးပာ်ယၤလၢအဒုၣ်အဒါ တဂၤလီၤ.

လံာ်စီၤယိၤဘး 6:4

သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.

စံးထီၣ်ပတြၢၤ 37:14

ပှၤအၢပှၤသီဘီၣ်ထီၣ်အနးတဖၣ်ဒီးဖ့ၣ်ထီၣ်အချံၣ်တဖၣ် ဒ်သိးကမၤလီၤဃံၤပှၤဖှီၣ်ဖိယာ်ဖိ ဒီးပှၤလၢအလိၣ်ဘၣ်တၢ်, ဒ်သိးကမၤသံပှၤလၢအလဲၤတၢ်လၢ တၢ်တီတၢ်လိၤအပူၤန့ၣ်လီၤ.

စံးထီၣ်ပတြၢၤ 7:13

ဒီးကတဲာ်ကတီၤလံအစုကဝဲၤလၢအမၤသံတၢ်န့ၣ်လံ. ပညိၣ်ထီၣ်အပျၢ်မ့ၣ်အူတဖၣ်လံ.

လံာ်ယၡါယၤ 42:25

လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယၡါယၤ 63:6

လၢယတၢ်သးထီၣ်အပူၤန့ၣ်, ယယီၢ်တံၢ်ကွံာ်ကယဲၢ်ပှၤကလုာ် တဖၣ်ဒီးမၤသဘှံးကွံာ်အဝဲသ့ၣ်လီၤ. ယဂၢ်လီၤကွံာ်အဝဲသ့ၣ်အတၢ်မူအသွံၣ်လၢဟီၣ်ခိၣ်လိၤလီၤ.”

လံာ်ယံးရမံယၤ 10:20

ပဒဲတဖၣ်ဟးဂီၤကွံာ်လၢာ်လံ. ပျံၤတဖၣ်လၢအစၢကျၢၤဃာ်အဝဲသ့ၣ်န့ၣ် ထီၣ်တဲာ်ကွံာ်လံ. ပဖိတဖၣ်ဟးထီၣ်ကွံာ်လၢပအိၣ်လၢာ်လံ. ပှၤလၢကသူၣ်ထီၣ်ဘှီထီၣ်န့ၢ်ကဒီးပဒဲတဖၣ်မ့ၢ်ဂ့ၤ, ပှၤလၢကသလၣ်ထီၣ်ဒဲတဖၣ်အယၣ်ဘျးသဒၢတၢ်တဖၣ်မ့ၢ်ဂ့ၤ, တအိၣ်လၢၤနီတဂၤဘၣ်.”

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ယံးရမံယၤ 21:5

ယကဒုးတၢ်ထီဒါနၤလၢယဂံၢ်ယဘါခဲလၢာ်, လၢယတၢ်သးဒိၣ် ယတၢ်သးဖျိးဒီးယတၢ်သးကဲၤထီၣ်အပူၤန့ၣ်လီၤ.

လံာ်ယံးရမံယၤ 30:14

ပှၤလၢအအဲၣ်သုခဲလၢာ်သးပ့ၤနီၣ်ကွံာ်သုလံ. အဝဲသ့ၣ်တကနၣ်ဃုာ်သုလၢၤဘၣ်. ယဒုးတ့ၢ်သုဒ်ဒုၣ်ဒါအသိး, သုဘၣ်စံၣ်ညီၣ်မ့ၢ်တၢ်လၢ အဆူၣ်ဝဲ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 42:18

ယွၤ, အံၣ်စရ့လး အကစၢ်ယွၤစံးဝဲ, ‘ဒ်ယတၢ်သးဒိၣ်ဒီး သးကဲၤထီၣ် တဖၣ်ဘၣ်တၢ်လူလီၤဂၢ်လီၤအီၤလၢဝ့ၢ်ယရူၤၡလ့ၣ်အပှၤဂီၢ်မုၢ် အဖီခိၣ်အသိးန့ၣ်, သုမ့ၢ်လဲၤဆူ ကီၢ်အဲၤကူပတူးဒီး ယတၢ်သးကဲၤ ထီၣ်ကဘၣ်တၢ်လူလီၤဂၢ်လီၤအီၤလၢ သုဖီခိၣ်န့ၣ်လီၤ. ပှၤကွၢ်သုဒီး သုကလီၤပျံၤလီၤဖုးဒိၣ်မးလီၤ. ပှၤဂီၢ်မုၢ်ကမၤ သုကလိာ်ကလာ်ဒီး သုမံၤန့ၣ် ဒ်တၢ်ဘၣ်ဆိၣ်အၢတမံၤ အသိးန့ၣ်လီၤ. သုတထံၣ်ဘၣ်က့ၤကဒီးတၢ်လီၢ်အံၤ နီတစုလၢၤဘၣ်.’ ”

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်သးသယုၢ်တၢ် 1:13

ဆှၢလီၤဝဲမ့ၣ်အူလၢမူခိၣ်, မ့ၣ်အူလၢအအီၣ်တၢ်လၢယပူၤန့ၣ်လီၤ. အဝဲဆဲထီၣ်ထုလၢယဂီၢ်ဒီးဒုးလီၤဃံၤယၤ လၢဟီၣ်ခိၣ်လိၤလီၤ. အန့ၣ်ဝံၤဒီးညိကွံာ်တ့ၢ်ယၤ, ဒီးပာ်တ့ၢ်ယၤလၢ တၢ်ဆါတပယူာ်ဃီအပူၤန့ၣ်လီၤ.

လံာ်သးသယုၢ်တၢ် 2:5

ယွၤ, ဒ်ဒုၣ်ဒါတဂၤအသိးန့ၣ်မၤဟးဂီၤတ့ၢ်အံၣ်စရ့လးလီၤ. ပာ်တ့ၢ်ကွံာ်ဝဲအတိာ်တဖၣ်ဒီးနူၢ်ဧိၤစီၤဧိၤတဖၣ်လၢတၢ်ဟးဂူာ် ဟးဂီၤအပူၤလီၤ. ဟဲစိာ်တ့ၢ်ဝဲတၢ်သးအုးလၢအကတၢၢ်တ အိၣ်ဘၣ်ဆူကီၢ်ယူဒၤအပှၤဂီၢ်မုၢ်အလိၤလီၤ.

လံာ်သးသယုၢ်တၢ် 3:3

ဒီးတီၢ်ယၤတဘျီဝံၤတဘျီလၢတၢ်သးကညီၤတအိၣ်ဘၣ်အနီၣ်တီၢ်တဖၣ် လီၤ.

လံာ်သးသယုၢ်တၢ် 4:1

ပထူလၢအကတြ့ၣ်ကတြိၣ်တဖၣ်ထီၣ်အ့ၣ်ဝဲ, ယွၤအတၢ်လုၢ်ဟံၣ်အလၢၢ် တဖၣ်လီၤပြံလီၤပြါလၢကျဲတဖၣ်အဖီခိၣ်လီၤ.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 13:13

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲလီၤ. “လၢယတၢ်သးထီၣ်အပူၤန့ၣ်ယကမၢလီၤကလံၤမုၢ်ဆူၣ်, တၢ်စူၤလီၤလီၤသလၢ်, ဒီးသူၣ်ဖးဒိၣ်တဖၣ်လၢကမၤဟးဂီၤတၢ်ဒူၣ် အဂီၢ်န့ၣ်လီၤ.

လံာ်ယဃ့းစက့လး 20:34

ယကဒုးနဲၣ်သုလၢယစိကမီၤဒီးယတၢ်သးဒိၣ်ထီၣ်ဖဲယပာ်ဖှိၣ်က့ၤ သုတပူၤဃီဒီးဟဲက့ၤစိာ်ကဒါက့ၤသုလၢကယဲၢ်ထံကီၢ်တဖၣ်ဖဲ သုဘၣ်တၢ်မၤလီၤပြံလီၤပြါတ့ၢ်သုန့ၣ်လီၤ.

လံာ်ယဃ့းစက့လး 22:22

လၢဝ့ၢ်ယရူၤၡလ့ၣ်အပူၤန့ၣ်, အဝဲသ့ၣ်တဖၣ်ကဘၣ်တၢ်မၤပှံၢ်ထီၣ်အီၤ ဒ်စ့ဘၣ်တၢ်မၤပှံၢ်ထီၣ်အီၤလၢဖၣ်ကပူၤတခါအပူၤအသိးန့ၣ်, ဝံၤဒီးအဝဲသ့ၣ်ကသ့ၣ်ညါဝဲလၢအကလၢၢ်ဘၣ်လံယွၤအတၢ်သးဒိၣ်ထီၣ် န့ၣ်လီၤ.”

လံာ်ယဃ့းစက့လး 24:25

ယွၤစံးဝဲဒၣ်, ခဲကနံၣ်အံၤ, “ပှၤကညီလၢအသံသ့ဧၢ, ယွၤအတၢ်လုၢ်ဟံၣ်လၢအဂံၢ်ဆူၣ်ဘါဆူၣ်လၢအမ့ၢ်အဝဲသ့ၣ်အတၢ်ပာ် ကဖၢလၢသးဒီးတၢ်သးခု, လၢအဝဲသ့ၣ်အဲၣ်ဒိးကွၢ်ဃီၤဝဲဒီးလဲၤဝဲဆူ အအိၣ်န့ၣ်, ယကဟံးထီၣ်ကွံာ်လၢအဝဲသ့ၣ်အအိၣ်လီၤ. ယကစိာ်ထီၣ်ကွံာ်အဝဲသ့ၣ်အဖိခွါတဖၣ်ဒီးအဖိမုၣ်တဖၣ်န့ၣ်လီၤ.

လံာ်ယဃ့းစက့လး 36:18

ယဒုးကလၢၢ်ဘၣ်အဝဲသ့ၣ်လၢယတၢ်သးကဲၤထီၣ်အသဟီၣ်အဆူၣ်, လၢတၢ်မၤသံတဖၣ်လၢအဝဲသ့ၣ်မၤတ့ၢ်ဝဲလၢကီၢ်ပူၤဒီးလၢတၢ်ဂီၤ တၢ်ဖီၣ်တဖၣ်လၢအဝဲသ့ၣ်မၤဘၣ်အၢကီၢ်အဃိန့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယဃ့းစက့လး 6:12

ပှၤတဖၣ်လၢအအိၣ်လၢတၢ်ဖးယံၤ, ကဆူးဆါထီၣ်ဝဲဒီးကသံဝဲလီၤ. ပှၤတဖၣ်လၢအအိၣ်ဘူးအိၣ်တံၢ်ကဘၣ်တၢ်မၤသံအီၤလၢတၢ်ဒုး အပူၤလီၤ. ပှၤတဖၣ်လၢအအိၣ်လီၤတဲာ်ဒံးန့ၣ်ကသၣ်ဝံၤလီၤဒိသံဝဲလီၤ. အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ.

လံာ်ယဃ့းစက့လး 7:14

ကွဲၤသီၣ်ထီၣ်ဝဲဒီးပှၤကိးဂၤဒဲးအိၣ်ကတဲာ်ကတီၤအသးလီၤ. ဘၣ်ဆၣ်ဒီး, ပှၤတဟးထီၣ်လဲၤဆူတၢ်ဒုးအပူၤနီတဂၤဘၣ်. အဂ့ၢ်ဒ်အံၤ, ကစၢ်ယွၤအတၢ်သးဒိၣ်ထီၣ်ကလီၤဘၣ်ပှၤကိးဂၤဒဲးဒ်သိးသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်နၤဃူၣ် 1:2

ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:16

စီၤၡမူၤအ့လးစံးဝဲဒၣ်, “တုၤကစၢ်ယွၤကဲထီၣ်နဒုၣ်နဒါဒီး တကနၣ်ဃုာ်နၤန့ၣ်ဘၣ်မနုၤနကိးယၤလဲၣ်.