လံာ်သးသယုၢ်တၢ် 2:22 - Sgaw Karen Common Bible

²² နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်သးသယုၢ်တၢ် 2:22 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

လံာ်ယၡါယၤ 28:19

ကမၤဘၣ်ဒိဘၣ်ထံးသုတဘျီဝံၤတဘျီ, တဂီၤဝံၤတဂီၤလီၤ. သုကဘၣ်တူၢ်အီၤမုၢ်ဆါဆဲးလၢမုၢ်နၤလီၤ. တၢ်ကစီၣ်အသီတမံၤဘၣ်တမံၤလၢကစၢ်ယွၤအအိၣ်ကဟဲစိာ် တၢ်ပျံၤတၢ်ဖုးအသီန့ၣ်လီၤ.

လံာ်ယံးရမံယၤ 11:11

အဃိဒီးခဲအံၤ, ယၤ, ယွၤအံၤ, ယဟ့ၣ်ပလီၢ် အဝဲသ့ၣ်လၢယကဟဲစိာ်တၢ်ဟးဂီၤလၢအဝဲသ့ၣ်အဖီခိၣ်, ဒီးအဝဲသ့ၣ်တပူၤဖျဲးဝဲဘၣ်. ဒီးဖဲအဝဲသ့ၣ်ကိးထီၣ်ယၤလၢတၢ် မၤစၢၤအဂီၢ်န့ၣ်, ယတဒိကနၣ်အဝဲသ့ၣ်ဘၣ်.

လံာ်ယံးရမံယၤ 14:19

ယွၤဧၢ, မ့ၢ်နညိကွံာ်ကီၢ်ယူဒၤလၢာ်လၢာ်ဆ့ဆ့လံဧါ. မ့ၢ်နသးဟ့ဝ့ၢ်စံယိၣ်အပှၤဂီၢ်မုၢ်လံဧါ. ဘၣ်မနုၤအဃိနမၤဘၣ်ဒိဘၣ်ထံးပှၤအၢအၢသီသီ တုၤဒၣ်လဲာ် တၢ်မၤဘျါက့ၤပှၤတသ့န့ၣ်လဲၣ်. ပကွၢ်လၢ်တၢ်ဃူတၢ်ဖိး, ဘၣ်ဆၣ်တၢ်အဂ့ၤတမၤအသးနီတမံၤဘၣ်. ပမုၢ်လၢ်တၢ်မၤဘျါက့ၤ, ဘၣ်ဆၣ်တၢ်မၤပျံၤမၤဖုးဟဲလၢအလီၢ်န့ၣ်လီၤ.

လံာ်ယံးရမံယၤ 20:3

လၢခံတဂီၤ, ဖဲစီၤပၣ်ၡဃူၢ်ပျၢ်ထူၣ်ဖျဲးယၤလၢထး သွဲတဖၣ်ဝံၤအလီၢ်ခံန့ၣ်, ယစံးဘၣ်အီၤ, “ယွၤတကိးနမံၤလၢ စီၤပၣ်ၡဃူၢ်ဘၣ်. မံၤလၢအဝဲဒၣ်ဟ့ၣ်နၤန့ၣ်မ့ၢ်ဝဲ, “မၤကိၢ်မံစဘံာ်” လၢအခီပညီမ့ၢ်ဝဲ, တၢ်လီၢ်ပျံၤလီၤဖုးလၢ တၢ်လီၢ်ကိးပူၤဒဲး န့ၣ်လီၤ.”

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 44:7

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, သံကွၢ်သုခဲအံၤလၢ ဘၣ်မနုၤအဃိလၢ သုမၤတၢ်အၢတၢ်သီဒ်သိးအံၤ တမံၤထီဒါသုကစၢ်ဒၣ်သုဝဲန့ၣ်လဲၣ်. မ့ၢ်သုသးအိၣ်ဒုးလီၤဘၣ်တၢ်တတၢးတနါလၢ ပှၤပိာ်ခွါတဖၣ်, ပှၤပိာ်မုၣ်တဖၣ်, ဖိသၣ်တဖၣ်ဒီၤ ဖိသၣ်အီၣ်နုၢ်ထံ တဖၣ်အလိၤ, ဒ်သိးပှၤဂီၢ်မုၢ်အသုတအိၣ် တီၢ်လၢၤဘၣ် နီတဂၤအဂီၢ်န့ၣ်ဧါ.

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယံးရမံယၤ 6:25

ပလဲၤဆူခိခိၣ်တကပၤမ့ၢ်ဂ့ၤ, လဲၤတၢ်လၢကျဲမုၢ်တဖၣ်အလိၤမ့ၢ် ဂ့ၤတဘူၣ်ဘၣ်. အဂ့ၢ်ဒ်အံၤပဒုၣ်ပဒါတဖၣ်အိၣ် ဒီးအစုကဝဲၤကတဲာ်ကတီၤအသး, ဒီးတၢ်မၤပျံၤမၤဖုးအိၣ်ဝးဝး ပဃၢၤအဃိန့ၣ်လီၤ.”

လံာ်သိၣ်လီၤသီလီၤတၢ် 28:18

ယွၤကဆိၣ်အၢသုခီဖျိဟ့ၣ်သုလၢဖိတဖၣ်ထဲစှၤဂၤ, တၢ်မုၢ်တၢ်ဘိ, တၤသူတၤသၣ်ထဲတဆံးတက့ၢ်ဒီးဂီၤဘုၣ်ဂီၤဖံး ဒီးသိထဲစှၤကိာ်ဧိၤန့ၣ်လီၤ.