လံာ်သးသယုၢ်တၢ် 2:20 - Sgaw Karen Common Bible

²⁰ ယွၤဧၢ, ဘၣ်မနုၤနစံၣ်ညီၣ်ပှၤဒ်သိးအံၤလဲၣ်, ကွၢ်ဆိကမိၣ်တၢ်တက့ၢ်. ပိာ်မုၣ်တဖၣ်အီၣ်က့ၤအဖိဆံးတဖၣ်လၢအအဲၣ်ဝဲအဖံးအညၣ်အနီၢ်ခိ ကသ့ဒ်လဲၣ်. ပှၤလုၢ်တၢ်အခိၣ်တဖၣ်ဒီးဝံတဖၣ်ဘၣ်တၢ်မၤသံအီၤလၢတၢ်လုၢ်ဟံၣ် ဒၣ်ဝဲအပူၤကကြၢးဝဲဒ်လဲၣ်.

လံာ်သးသယုၢ်တၢ် 2:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

စံးထီၣ်ပတြၢၤ 78:64

အပှၤလုၢ်တၢ်အခိၣ်တဖၣ်ဘၣ်တၢ်မၤသံအီၤလၢနး ဒီးအမုၣ်ကမဲတဖၣ်, တၢ်တပျဲအဟီၣ်တၢ်ယၢၤတၢ်ဘၣ်.

လံာ်တၢ်ဟးထီၣ်ကွံာ် 32:11

ဘၣ်ဆၣ်ဒီး, စီၤမိၤၡ့ဃ့ကညးဝဲယွၤ, အကစၢ်ယွၤဒီးစံး, “ယွၤဧၢ, ဘၣ်မနုၤလၢနဘၣ်သးထီၣ်ဘၣ်နပှၤဂီၢ်မုၢ်လၢနအုၣ်က့ၤ ခီၣ်က့ၤအီၤလၢကီၢ်အဲၤကူပတူးအပူၤလၢတၢ်ဂံၢ်တၢ်ဘါဒီးတၢ် စိကမီၤဖးဒိၣ်န့ၣ်အပူၤလဲၣ်.

လံာ်ယၡါယၤ 22:2

ဝ့ၢ်ဒီဝ့ၢ်ညါသီၣ်သထူၣ်ဘးလီ, ဒီးအိၣ်ပှဲၤဝဲဒီးတၢ်သီၣ်တၢ် သဲဒီးတၢ်ထိၣ်ဂဲၤသူၣ်ထီၣ်ဂဲၤသးန့ၣ်လီၤ. သုပှၤတဖၣ်လၢအသံတ့ၢ်လၢတၢ်ဒုးတၢ်ယၤအပူၤန့ၣ် တသံလၢအဒုးတၢ်အဃိဘၣ်.

လံာ်ယံးရမံယၤ 19:9

ဒုၣ်ဒါတဖၣ်ကကဝီၤဃာ်ဝ့ၢ်အံၤဒီးကကျဲးစၢးမၤသံအပှၤဂီၢ်မုၢ် န့ၣ်လီၤ. တၢ်ကဝီၤဃာ်အံၤကလီၤပျံၤလီၤဖုးဝဲဒိၣ်မးတုၤဒၣ်လဲာ် ပှၤဂီၢ်မုၢ်လၢဝ့ၢ်ပူၤကအီၣ်လိာ်အညၣ်တဂၤဒီးတဂၤတုၤဒၣ်လၢ အဖိဒၣ်ဝဲတဖၣ်အညၣ်ဒၣ်လဲာ်န့ၣ်လီၤ.”

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်သးသယုၢ်တၢ် 1:19

ယကိးထီၣ်တ့ၢ်ယဒီသိၣ်ဒီမှံၤတဖၣ်, ဘၣ်ဆၣ်ဒီးဂ့ၢ်လိာ်တ့ၢ်ဝဲ လၢကမၤစၢၤယၤအဂီၢ်လီၤ. ပှၤလုၢ်တၢ်အခိၣ်တဖၣ်ဒီးပှၤခိၣ်ပှၤနၢ်တဖၣ်သံဝဲလၢဝ့ၢ်အကျဲ တဖၣ်အပူၤ, ဖဲအဟးဃုတၢ်အီၣ်တၢ်အီလၢကဒုးမူဒံးအဝဲသ့ၣ်အဂီၢ်န့ၣ်လီၤ.

လံာ်သးသယုၢ်တၢ် 4:10

တၢ်နးတၢ်ဖှီၣ်လၢအဟဲတုၤဘၣ်ဆူယပှၤဂီၢ်မုၢ်အအိၣ်န့ၣ်ဟဲစိာ် တၢ်လီၤပျံၤလီၤဖုးဖးဒိၣ်လီၤ. မိၢ်လၢအအဲၣ်တၢ်ကွံတၢ်တဖၣ်ချီထီၣ်အဖိဒၣ်ဝဲ တဖၣ်လၢတၢ်အီၣ်အဂီၢ်လီၤ.

လံာ်သးသယုၢ်တၢ် 4:13

ဘၣ်ဆၣ်ဒီး, တၢ်မၤတ့ၢ်အသး, မ့ၢ်လၢအဝံတဖၣ်မၤတ့ၢ်တၢ်ဒဲးဘး ဒီးအပှၤလုၢ်တၢ်အခိၣ်တဖၣ်အတၢ်ကမၣ်အိၣ်လၢအဒုးအိၣ်ထီၣ် တၢ်မၤသံပှၤလၢအတၢ်ကမၣ်တအိၣ်တဖၣ်အဃိန့ၣ်လီၤ.

လံာ်သးသယုၢ်တၢ် 4:16

ယွၤတကနၣ်ဃုာ်လၢၤဘၣ်အဝဲသ့ၣ်ဘၣ်. အနီၢ်ကစၢ်ဒၣ်ဝဲမၤလီၤပြံလီၤပြါအဝဲသ့ၣ်လီၤ. အဝဲတဒုးနဲၣ်ဖျါထီၣ်တၢ်သူၣ်အိၣ်သးအိၣ်ဆူပပှၤလုၢ်တၢ်အခိၣ် တဖၣ်ဒီးပခိၣ်ပနၢ်တဖၣ်အအိၣ်ဘၣ်.

လံာ်ယဃ့းစက့လး 5:10

မၤသးဒ်န့ၣ်ဒီး, မိၢ်ပၢ်တဖၣ်လၢဝ့ၢ်ယရူၤရှလ့ၣ်အပူၤကအီၣ်အဖိ တဖၣ်, ဒီးအဖိတဖၣ်ကအီၣ်အမိၢ်ပၢ်တဖၣ်န့ၣ်လီၤ. ယကစံၣ်ညီၣ်နၤဒီးပှၤလၢအအိၣ်မူလီၤတဲာ်တဖၣ်န့ၣ်, ယကမၤလီၤပြံလီၤပြါအီၤဆူကလံၤကျိၤကိးကျိၤဒဲးန့ၣ်လီၤ.

လံာ်ယဃ့းစက့လး 9:7

ကစၢ်ယွၤစံးဘၣ်အဝဲသ့ၣ်, “မၤတကဆှီကွံာ်ယွၤအတၢ်လုၢ်ဟံၣ်တ က့ၢ်. မၤပှဲၤအဂၢၤတဖၣ်ဒီးတၢ်အစိၣ်တဖၣ်တက့ၢ်. မၤအခဲအံၤတက့ၢ်.” သတးဒီး, အဝဲသ့ၣ်စးထီၣ်မၤသံပှၤဂီၢ်မုၢ်လၢဝ့ၢ်အပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:29

ဒီးတၢ်ကသၣ်ဝံၤသုသးတုၤဒၣ် လဲာ်သုကအီၣ်က့ၤသုဖိဒၣ်သုဝဲလီၤ.

လံာ်သိၣ်လီၤသီလီၤတၢ် 9:26

ဒီးယဘါထုကဖၣ်တၢ်ဒီးစံး, ယွၤပၢဘၣ်တၢ်ခဲလၢာ်ကစၢ်ဧၢ, မၤဟးဂီၤကွံာ်နပှၤဂီၢ်မုၢ်ဒၣ်နဲတဂ့ၤ. ပှၤဂီၢ်မုၢ်အံၤနမၤပူၤဖျဲးတ့ၢ်အီၤဒီးထုးထီၣ်ကွံာ်အီၤလၢ ကီၢ်အဲၤကူပတူးအပူၤလၢနဂံၢ်နဘါဖးဒိၣ်ဒီးတၢ်စိတၢ်ကမီၤအပူၤန့ၣ် လီၤ.