လံာ်သးသယုၢ်တၢ် 2:18 - Sgaw Karen Common Bible

¹⁸ အိဝ့ၢ်ယရူၤၡလ့ၣ်ဧၢ, မ်နခိၣ်ဒူတဖၣ်ကိးပသူထီၣ်ဆူယွၤအအိၣ် တက့ၢ်. ပျဲနမဲာ်ထံတဖၣ်ယွၤလီၤဝဲဒ်ထံကျိတဖၣ်လၢမုၢ်ဆါဒီးလၢမုၢ် နၤတက့ၢ်. မၤလၢာ်မၤဂီၤကွံာ်နသးလၢတၢ်ဟီၣ်တၢ်ယၢၤဒီးတၢ်သူၣ်အုးသး အုးတက့ၢ်.

လံာ်သးသယုၢ်တၢ် 2:18 Iomraidhean Croise

စံးထီၣ်ပတြၢၤ 119:136

ယမဲာ်ထံယွၤလီၤဝဲဒ်ထံကျိအသိး, မ့ၢ်လၢပှၤတတိၢ်န့ၢ်ဘၣ်နတၢ်သိၣ်တၢ်သီ အဃိန့ၣ်လီၤ.

စံးထီၣ်ပတြၢၤ 119:145

ယွၤဧၢ, ယဃ့ကညးတၢ်လၢယသးဒီဖျၢၣ်ညါလီၤ. စံးဆၢလၢ်ယၤတက့ၢ်. ယကတိၢ်န့ၢ်နတၢ်မၤလိာ်တဖၣ်လီၤ.

လံာ်ယံးရမံယၤ 13:17

သုမ့ၢ်တဒိကနၣ်တၢ်ဘၣ်ဒီး, ယကဟီၣ်ခူသူၣ်လၢသုတၢ်ပာ်ထီၣ်ထီသုသး အဃိလီၤ. ယကဟီၣ်ကယၢၤနးနးကလဲာ်ဒီးယမဲာ်ထံကယွၤလီၤဝဲ မ့ၢ်လၢယွၤအပှၤဂီၢ်မုၢ်ဘၣ်တၢ်စိာ်မၢကဲကုၢ်အီၤအဃိန့ၣ်လီၤ.

လံာ်ယံးရမံယၤ 14:17

ယွၤမၤလိာ်တ့ၢ်ယၤလၢယကတဲဘၣ်ပှၤဂီၢ်မုၢ်ဘၣ်ဃးယတၢ်သူၣ်အုး သးအုးအဂ့ၢ်ဒီးစံး, “မ်မဲာ်ထံတဖၣ်ယွၤလီၤလၢယမဲာ်ချံတဖၣ်အပူၤလၢမုၢ်ဆါဆဲးလၢမုၢ်နၤ, ဒီးမ်ယသုတဆိကတီၢ်တၢ်ဟီၣ်တၢ်ယၢၤနီတစုတဂ့ၤ. အဂ့ၢ်ဒ်အံၤ, ယပှၤဂီၢ်မုၢ်တဖၣ်ဘၣ်ဒိဘၣ်ထံးနးနးကလဲာ်ဒီး တၢ်မၤဘၣ်ဒိဆါအီၤအၢအၢသီသီန့ၣ်လီၤ.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်သးသယုၢ်တၢ် 1:16

လၢတၢ်န့ၣ်အဃိဒီးယမဲာ်ချံတဖၣ်ပုာ်ထီၣ်ယွၤလီၤလၢယမဲာ်ထံ မဲာ်နိန့ၣ်လီၤ. ပှၤမၤမုာ်ထီၣ်ယသးတသ့ဘၣ်နီတဂၤဘၣ်. ပှၤဟ့ၣ်ဆူၣ်ထီၣ်ယဂံၢ်ယဘါတသ့ဘၣ်နီတဂၤဘၣ်. ဒုၣ်ဒါတဖၣ်မၤနၢၤတ့ၢ်ယၤလံ. တၢ်တအိၣ်လီၤတဲာ်ဘၣ်ဒီးယပှၤဂီၢ် မုၢ်လၢတၢ်နီတမံၤလၢၤဘၣ်.

လံာ်သးသယုၢ်တၢ် 1:2

ဟီၣ်ဝဲယၢၤဝဲသီတနၤကျၢၤ, ဒီးမဲာ်ထံမဲာ်နိတဖၣ်ယွၤလီၤဝဲ လၢအဘိးပၤတဖၣ်လီၤ. ကယဲၢ်အတံၤသကိးလၢညါတဖၣ်အကျါပှၤ တအိၣ်လီၤတဲာ်ဘၣ်နီတဂၤလၢကမၤမုာ်ထီၣ်အီၤဘၣ်. အဒီသိၣ်ဒီမှံၤတဖၣ်ဟ့ၣ်လီၤကွံာ်အီၤဒီးခဲအံၤအဝဲသ့ၣ်ထီ ဒါအီၤလီၤ.

လံာ်သးသယုၢ်တၢ် 2:8

ယွၤပာ်လီၤတ့ၢ်အသးကျၢၤမုဆှု လၢဝ့ၢ်စံယိၣ်အတၢ်ဒူၣ်တဖၣ်ကဘၣ် လီၤပှီၢ်ဝဲအဂီၢ်လီၤ. ထိၣ်နီၣ်တ့ၢ်အီၤခဲလၢာ်ဒ်သိးကမၤဟးဂီၤကွံာ်အီၤလၢာ်လၢာ်ဆ့ ဆ့လီၤတံၢ်လီၤဆဲးအဂီၢ်လီၤ. ဝ့ၢ်ခိၣ်ဒူဒီးအပၢၤတၢ်အလီၢ်တဖၣ်န့ၣ်ခဲအံၤဒါလီၤသကိးအသး လၢတၢ်ဟးဂီၤအပူၤလီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်ဃဘးကူာ် 2:11

တၢ်ဒူၣ်အလၢၢ်တဖၣ်ဒၣ်လဲာ်ကိးပသူထီၣ်ထီဒါသု ဒီးတၢ်ဒုးခိၣ်အကျိၤတဖၣ်ကကိးထီၣ်ကဒါထွဲတၢ်ကိးပသူထီၣ် န့ၣ်လီၤ.