လံာ်သးသယုၢ်တၢ် 2:15 - Sgaw Karen Common Bible

¹⁵ ပှၤဂီၢ်မုၢ်လဲၤတြုာ်ဘၣ်ဖဲဝ့ၢ်အဃၢၤတဖၣ်ကွၢ်ဃီၤနၤလၢတၢ်ဒုၣ် ဒွဲၣ်အပူၤလီၤ. အဝဲသ့ၣ်ကျၢၢ်ကျာ်အခိၣ်တဖၣ်ဒီးနံၤဘၣ်ဖၣ်လဲဝ့ၢ်ယရူၤၡလ့ၣ်အတၢ် ဟးဂီၤတဖၣ်ဒီးစံး “တၢ်အံၤမ့ၢ်ဝ့ၢ်အဃံအလၤန့ၣ်ဧါ. တၢ်အံၤမ့ၢ်ဟီၣ်ခိၣ်ချၢ အတၢ်ပာ်ကဖၢလၢသးန့ၣ်ဧါ.”

လံာ်သးသယုၢ်တၢ် 2:15 Iomraidhean Croise

လံာ်စီၤပၤခံဘ့ၣ်တဘ့ၣ် 19:21

ယွၤစံးတ့ၢ်ဒ်အံၤ, “ဝ့ၢ်ယရူၤၡလ့ၣ်နံၤဘၣ်ဖၣ်လဲနၤ, စီၤစၤနဃ့ရံာ်ဧၢ, ဒီးဒုၣ်ဒွဲၣ်ပယွဲနၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:21

ခဲကနံၣ်အံၤယွၤအတၢ်လုၢ်ဟံၣ်အံၤဘၣ်တၢ်ပာ်ကပီၤအီၤဒိၣ်မးဘၣ်ဆၣ်, အန့ၣ်တစု, ပှၤတဂၤလၢ်လၢ်လၢအလဲၤခီတြူာ်ဘၣ်အီၤန့ၣ်, ကကမၢကမၣ်ဒီးကသံကွၢ်ဝဲ, ဘၣ်မနုၤအဃိ ယွၤမၤထံကီၢ်အံၤဒီးယွၤအတၢ်လုၢ်ဟံၣ်အံၤဒ်န့ၣ်လဲၣ်.

စံးထီၣ်ပတြၢၤ 109:25

ယကဲထီၣ်တၢ်ဒုၣ်ဒွဲၣ်အလီၢ်လၢပှၤထီဒါယၤတဖၣ်အဂီၢ်ဒီး တုၤအဝဲသ့ၣ်ထံၣ်ယၤန့ၣ်, အဝဲသ့ၣ်ကျၢၢ်ကျာ်အခိၣ်တဖၣ်လီၤ.

စံးထီၣ်ပတြၢၤ 22:7

ပှၤလၢအထံၣ်ယၤခဲလၢာ်ဒုၣ်ဒွဲၣ်ယၤ, အဝဲသ့ၣ်လ့ၣ်အပျ့ၤလၢယၤဒီးကျၢၢ်ကျာ်အခိၣ်လီၤ.

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 48:3

ကစၢ်ယွၤပာ်ဖျါတ့ၢ်ဝဲလၢတၢ်ပူၤဖျဲးအလီၢ်အိၣ်ဒီးအီၤလၢ ဝ့ၢ်အတိာ်ဧိၤတာ်ဧိၤအပူၤန့ၣ်လီၤ.

စံးထီၣ်ပတြၢၤ 50:2

လၢစံယိၣ်အတၢ်ဃံတၢ်လၤအလၢအပှဲၤအပူၤန့ၣ်, ကစၢ်ယွၤကပီၤထီၣ်ဝဲလီၤ.

စံးထီၣ်ပတြၢၤ 64:8

လၢအဝဲသ့ၣ်အတၢ်ကတိၤတဖၣ်န့ၣ်အဃိ ယွၤကမၤဟးဂီၤအဝဲသ့ၣ်, ဒီးပှၤလၢအထံၣ်အဝဲသ့ၣ်ခဲလၢာ် ကကျၢၢ်ကျာ်အခိၣ်လီၤ.

လံာ်ယၡါယၤ 28:21

ယွၤကဒုးတၢ်ဒ်အမၤတ့ၢ်ဝဲဖဲကစၢၢ်ပရၤစံၣ်ဒီးလၢကံးဘိၣ် အကစၢၢ်ကဆူးအသိး, ဒ်သိးအကမၤတၢ်လၢအတိာ်မၤဝဲလီၤ. အဂ့ၢ်ဒ်အံၤ, အတၢ်မၤတဖၣ်ကဖျါလီၤလိၢ်လီၤလးဝဲလီၤ. အဝဲကမၤဝံၤအတၢ်မၤ, အတၢ်မၤလၢပနၢ်ပၢၢ်အဂ့ၢ်တသ့န့ၣ်လီၤ.

လံာ်ယၡါယၤ 37:22

ယွၤစံးတ့ၢ်ဝဲဒၣ်, “ဝ့ၢ်ယရူၤၡလ့ၣ်နံၤဘၣ်ဖၣ်လဲနၤဒီးသး ဘၣ်အၢနၤလံ, စီၤပၤစီၤစၤနဃ့ရံာ်ဧၢ.

လံာ်ယၡါယၤ 64:11

ဒီးပတၢ်လုၢ်ဟံၣ်, တၢ်အလီၢ်စီဆှံဒီးဃံဝဲလၤဝဲဖဲပမိၢ်ပၢ် ဖံဖုလၢပျၢၤတဖၣ်စံးထီၣ်ပတြၢၤတ့ၢ်နၤန့ၣ်, ဘၣ်တၢ်မၤဟးဂီၤကွံာ်အီၤလၢမ့ၣ်အူလံ. ကယဲၢ်တၢ်လီၢ်တဖၣ် လၢပအဲၣ်တ့ၢ်အီၤအိၣ်လၢတၢ်ဟးဂီၤအပူၤလံ.

လံာ်ယံးရမံယၤ 18:16

အဝဲသ့ၣ်ဒုးကဲထီၣ်တ့ၢ်ကီၢ်အံၤလၢတၢ် လီၤပျံၤလီၤဖုးအလီၢ်တတီၤ, လၢတၢ်ကသးဘၣ်အၢအီၤလီၤထူလီၤယိာ် အဂီၢ်န့ၣ်လီၤ. ကယဲၢ်ပှၤလၢအလဲၤခီဘၣ်ဖဲန့ၣ်, ကကမၢကမၣ်ဒီးသူၣ်ပျံၤသးဖုး လၢတၢ်လၢအဝဲသ့ၣ်ထံၣ်ဘၣ်ဝဲအဃိန့ၣ်လီၤ. အဝဲသ့ၣ်ကဂံၤဂုၤအခိၣ်လၢ တၢ်ကမၢကမၣ်အပူၤန့ၣ်လီၤ.

လံာ်ယံးရမံယၤ 19:8

ယကဟဲစိာ်တၢ်မၤဟးဂီၤလီၤပျံၤလီၤဖုးဒ်န့ၣ်သိးလၢဝ့ၢ်အံၤအဖီခိၣ် ဒ်သိးပှၤခဲလၢာ်လၢအလဲၤခီဘၣ်ဝ့ၢ်အံၤကပျံၤတၢ်ဖုးတၢ်ဒီး ကကမၢကမၣ်ဝဲန့ၣ်လီၤ.

လံာ်ယံးရမံယၤ 25:18

ဝ့ၢ်ယရူၤၡလ့ၣ်ဒီး ကီၢ်ယူဒၤအဝ့ၢ်တဖၣ်ခဲလၢာ်, ဃုာ်ဒီး အစိကမီၤတဖၣ်ဒီး အခိၣ်အနၢ်တဖၣ် ဘၣ်တၢ်မၢအီၤလၢ ကအီဝဲ, ဒ်သိးအဝဲသ့ၣ် ကကဲထီၣ်မဲးမုၢ်ခိၣ်တတီၤ, တၢ်ထံၣ်ဘၣ်အလီၢ်လၢအလီၤပျံၤလီၤဖုးဒီး လီၤကမၢကမၣ်သတးဒီး ပှၤဂီၢ်မုၢ်ကသူအဝဲသ့ၣ်အမံၤဒ်တၢ်ဆိၣ်အၢဒ် အဝဲသ့ၣ်မၤဒံးဝဲခဲအံၤအသိးန့ၣ်လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 26:6

သုမ့ၢ်တစူၢ်ဒံးဒၣ်တၢ်ဆူညါန့ၣ်, ယကမၤယွၤအတၢ်လုၢ်ဟံၣ် အံၤ ဒ်ယမၤတ့ၢ်ဝ့ၢ်ၡံလိၣ်အသိး, ဒီးပှၤကလုာ်လၢဟီၣ်ခိၣ်ချၢခဲလၢာ် ကသူဝ့ၢ်အံၤ အမံၤဒ်တၢ်ဆိၣ်အၢတမံၤအသိးန့ၣ်လီၤ.”

လံာ်ယံးရမံယၤ 29:18

ယကလူၤအဝဲသ့ၣ်လၢ တၢ်ဒုးတၢ်ယၤ, တၢ်သၣ်ဝံၤ လီၤဒိ, ဒီးတၢ်ဆူးတၢ်ဆါဒီး ကယဲၢ်ပှၤကလုာ်လၢ ဟီၣ်ခိၣ်ချၢကဘၣ် တၢ်မၤပျံၤမၤဖုးအီၤလၢ တၢ်လၢ အဝဲသ့ၣ်ထံၣ်ဘၣ်ဝဲအဃိန့ၣ်လီၤ. တပူၤလၢ်လၢ် ဖဲယမၤလီၤပြံလီၤပြါအဝဲသ့ၣ်န့ၣ် ပှၤဂီၢ်မုၢ်ကကမၢကမၣ်ဒီး အိၣ်ဒီးတၢ်ပျံၤတၢ်ဖုးလၢ တၢ်လၢအမၤတ့ၢ်အသးဒီး အဝဲသ့ၣ်အဃိန့ၣ်လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်ဒီး သူအဝဲသ့ၣ်အမံၤဒ် တၢ်ဆိၣ်အၢ တမံၤအသိးန့ၣ်လီၤ.

လံာ်ယံးရမံယၤ 48:27

ကီၢ်မိၤအးဧၢ, သ့ၣ်နီၣ်ထီၣ်က့ၤနကတိၤဆါ ကီၢ်အံၣ်စရ့လး ပှၤဂီၢ်မုၢ်ဒ်လဲၣ်န့ၣ်တက့ၢ်. နမၤတ့ၢ်အဝဲသ့ၣ်ဒ် ပှၤလၢအဘၣ်တၢ်ဖီၣ်န့ၢ် ဃုာ်အီၤဒီးတမျိၤတမျာ်အသိးန့ၣ်လီၤ.

လံာ်ယံးရမံယၤ 51:37

ထံကီၢ်န့ၣ် ကကဲထီၣ်တၢ်ဟးဂီၤတဖၣ်အတၢ်ပူၣ် ထီၣ်အသးတပူၣ်ဖဲဆၣ်ဖိကီၢ်ဖိအမံၤတဖၣ်အိၣ်ဆိး ဝဲန့ၣ်လီၤ. ကမ့ၢ်တၢ်ထံၣ်အလီၢ်လၢ အလီၤပျံၤလီၤဖုးဝဲ တတီၤလီၤ. ပှၤကအိၣ်ကဆိးဖဲန့ၣ် တအိၣ်နီတဂၤဘၣ်. ဒီးပှၤလၢ အထံၣ်ဘၣ်အီၤခဲလၢာ်န့ၣ်, ကပျံၤတၢ်ဖုးတၢ်လီၤ.

လံာ်သးသယုၢ်တၢ် 1:21

ဒိကနၣ်လၢ်ယတၢ်ကအုကစွါတက့ၢ်. ပှၤလၢကမၤမုာ်ထီၣ်ယၤတအိၣ်ဘၣ် နီတဂၤဘၣ်. ယဒုၣ်ယဒါတဖၣ်သးခုဝဲလၢနဟဲစိာ်တၢ်နးတၢ်ဖှီၣ်လၢယလိၤအဃိ လီၤ. ဟဲစိာ်မုၢ်တနံၤလၢနအၢၣ်လီၤအီလီၤတ့ၢ်ဒီးဒုးတူၢ်ဘၣ်ယဒုၣ် ယဒါတဖၣ်ဒ်ယတူၢ်ဘၣ်တၢ်အသိးတက့ၢ်.

လံာ်သးသယုၢ်တၢ် 1:8

အလၤကပီၤလီၤမၢ်ကွံာ်, အိၣ်ဘ့ၣ်ဆ့ဒၢဒီးလီၤသးဘၣ်အၢလံ. ကအုကစွါဝဲဒီးပာ်သဒၢအမဲာ်လၢတၢ်မဲာ်ဆှးအပူၤလီၤ. ဝ့ၢ်ယရူၤၡလ့ၣ်မၤဘၣ်အၢဘၣ်သီတ့ၢ်အသးဒီး တၢ်ဒဲးဘးအအၢအသီန့ၣ်လီၤ.

လံာ်သးသယုၢ်တၢ် 2:16

ကယဲၢ်နဒုၣ်နဒါခဲလၢာ်ဒုၣ်ဒွဲၣ်နၤဒီးကွၢ်ဟ့ကွၢ်ကျိၣ်နၤလၢ တၢ်သးဟ့အပူၤလီၤ. အဝဲသ့ၣ်ဝံာ်နိးဝံၣ်နါ, သံးနိးသံးနါဒီးစံးဝဲ, “ပမၤဟးဂီၤကွံာ်အီၤလံ. အအံၤမ့ၢ်မုၢ်တနံၤလၢပအိၣ်ခိးတ့ၢ်ဝဲလီၤ.”

လံာ်သးသယုၢ်တၢ် 2:6

ဒိလီၤသဘှံးကွံာ်ဝဲတၢ်လုၢ်ဟံၣ်ဖဲပဘူၣ်ထီၣ်ဘါထီၣ်တ့ၢ်အီၤ န့ၣ်လီၤ. ဆိကတီၢ်ကွံာ်ဝဲမုၢ်နံၤစီဆှံတဖၣ်ဒီးမုၢ်အိၣ်ဘှံးအနံၤတဖၣ် လီၤ. စီၤပၤဒီးပှၤလုၢ်တၢ်အခိၣ်ကလၢၢ်ဘၣ်အတၢ်သးဒိၣ် အသဟီၣ်ဒ်သိးသိးလီၤ.

လံာ်ယဃ့းစက့လး 16:13

နအိၣ်ဒီးတၢ်ကယၢကယဲတဖၣ်လၢထူဒီးစ့, ဒီးထီဘိနကူသိးဒၣ်တၢ်ကူတၢ်ကၤဖှီဝါကဆှၣ် လၢတၢ်ဆးဒဲးကံၣ်ဒဲးဝ့ၤအီၤဒီးတၢ်ကူတၢ်ကၤသတိၢ်န့ၣ်လီၤ. နအီၣ်ကိၣ်လၢအဘၣ်တၢ်မၤအီၤလၢကိၣ်ကမူၣ်အဂ့ၤကတၢၢ်ဒီးနအိၣ်ဒီး ကနဲစီဒီးသ့ၣ်စၤယံးအသိလၢနကအီၣ်အီၤအဂီၢ်န့ၣ်လီၤ. နတၢ်ဃံတၢ်လၤန့ၣ်မၤကတုၤပှၤအသး ဒီးနကဲထီၣ်နီၢ်ပၤမုၣ်တဂၤန့ၣ်လီၤ.

လံာ်ယဃ့းစက့လး 16:14

နကဲထီၣ်ပှၤလၢအမံၤဟူသၣ်ဖျါလၢပှၤကိးကလုာ်ဒဲး အကျါလၢနတၢ်ဃံတၢ်လၤအလၢအပှဲၤအဃိန့ၣ်လီၤ. အဂ့ၢ်ဒ်အံၤ, ယမ့ၢ်တ့ၢ်ပှၤတဂၤလၢအဒုးဃံဒုးလၤနၤထဲထဲအံၤညါန့ၣ်လီၤ. တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 23:32

ယွၤပၢဘၣ်တၢ်ခဲလၢာ်ကစၢ်စံးဝဲ, “နကအီၣ်တၢ်လၢနဒီပုၢ်ဝဲၢ်မုၣ်အလီခီပူၤလီၤ. လီခီန့ၣ်ဒိၣ်ဝဲဒီးယိာ်ဝဲလီၤ. ပှၤကိးဂၤဒဲးကသးဘၣ်အၢဒီးကနံၤဘၣ်ဖၣ်လဲနၤလီၤ. လီခီန့ၣ်ပှဲၤဝဲလီၤ.

လံာ်ယဃ့းစက့လး 25:6

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ, သုဒဲသုစုတဖၣ်ဒီးစံၣ်ထီၣ်လၢတၢ်သူၣ်ခုသးခုအပူၤန့ၣ်လီၤ. သုမၤလီၤသးဘၣ်အၢကီၢ်အံၣ်စရ့လးန့ၣ်လီၤ.

လံာ်ယဃ့းစက့လး 5:15

ဖဲယသးဒိၣ်ထီၣ်ဒီးသးကဲၤထီၣ်ဘၣ်သုဒီးစံၣ်ညီၣ်သုန့ၣ်, ကယဲၢ်ပှၤကလုာ်အိၣ်ဝးတရံးသုတဖၣ်ကပျံၤတၢ်ဖုးတၢ်လီၤ. အဝဲသ့ၣ်ကကွၢ်ဃီၤသုလၢတၢ်သးဘၣ်အၢသုအပူၤဒီးကဒုၣ်ဒွဲၣ်စံး အၢသုန့ၣ်လီၤ.

လံာ်ဒၤနံးယ့လး 9:16

နအိၣ်ပှိၤတ့ၢ်ပှၤလၢပျၢၤလီၤ. မၤသးဒ်န့ၣ်ဒီးသးဒိၣ်ဝ့ၢ်ယရူၤ ၡလ့ၣ်လၢၤတဂ့ၤ. မ့ၢ်ဝဲနဝ့ၢ်, နကစၢၢ်စီဆှံလီၤ. ကယဲၢ်ပှၤ ဂီၢ်မုၢ်ခဲလၢာ်လၢအအိၣ်လၢထံကီၢ်ခိၣ်ဃၢၤတဖၣ်ကွၢ်တလီၤ ဝ့ၢ်ယရူၤၡလ့ၣ်ဒီးနပှၤဂီၢ်မုၢ်, လၢပတၢ်ဒဲးဘးတဖၣ်အဃိ, ဒီးတၢ်အၢတၢ်သီလၢမိၢ်ပၢ် ဖံဖုလၢပျၢၤတဖၣ်မၤတ့ၢ်ဝဲအဃိန့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်နၤဃူၣ် 3:19

ကသံၣ်ဖီၣ်တအိၣ်ဘၣ်နီတမံၤလၢနတၢ်ဘၣ်ဒိဘၣ်ထံးတဖၣ် အဂီၢ်ဘၣ်. ဒီးနပူၤလီၢ်ပူၤကျဲတဖၣ်ဘျါက့ၤတသ့ဘၣ်. ကယဲၢ်ပှၤလၢအနၢ်ဟူနတၢ်ဟးဂီၤအကစီၣ်တဖၣ် န့ၣ်ဒဲအစုလၢတၢ်သူၣ်ဖှံသးညီအပူၤန့ၣ်လီၤ. အဂ့ၢ်ဒ်အံၤ, ပှၤကပူၤဖျဲးလၢနတၢ်မၤအၢမၤသီအကတၢၢ်တအိၣ်ဘၣ်န့ၣ်တ အိၣ်ဘၣ်တ့ၢ်နီတဂၤဘၣ်.

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

လံာ်မးသဲ 27:39

ပှၤတဖၣ်လၢအလဲၤထီၣ်က့ၤလီၤဘၣ်ကျဲဖဲတၢ်လီၢ်န့ၣ်, ဂံၤဂုၤအခိၣ်ဒီး ကတိၤဒုၣ်ဒွဲၣ်စံးအၢယ့ၣ်ၡူးဒီးစံး,

လံာ်မၢ်ကူး 15:29

ပှၤလၢအလဲၤဘၣ်ဖဲန့ၣ် တဖၣ်ကတိၤဒုၣ်ဒွဲၣ်စံးအၢအီၤ, ဒီးဂံၤဂုၤအခိၣ်ဒီးစံးဝဲ, “အီၢ်, နစံးလၢနကမၤဟးဂီၤကွံာ်တၢ်လုၢ်ဟံၣ် ဒီးဘှီထီၣ်က့ၤကဒီးအီၤလၢသၢသီအတီၢ်ပူၤတမ့ၢ်ဘၣ်ဧါ.