လံာ်သးသယုၢ်တၢ် 2:12 - Sgaw Karen Common Bible

¹² ဟီၣ်ပသူထီၣ်ဝဲဆူအမိၢ်တဖၣ်အအိၣ်လၢတၢ်သူၣ်ဝံၤသၣ်စ့ၤဒီးတၢ် သးသူထံအပူၤန့ၣ်လီၤ. အဝဲသ့ၣ်လီၤဃံၤလၢကျဲတဖၣ်အဖီခိၣ်ဒ်ပှၤဘၣ်ဒိဘၣ်ထံးတဖၣ် အသိး ဒီးသံဝဲကယီကယီလၢအမိၢ်တဖၣ်အစုတီၤလိၤန့ၣ်လီၤ.

လံာ်သးသယုၢ်တၢ် 2:12 Iomraidhean Croise

လံာ်စီၤယိၤဘး 30:16

ဒီးခဲကနံၣ်အံၤယကသံယဲလီၤ. တၢ်လၢအကမၤမုာ်ထီၣ်က့ၤ ယၤလၢတၢ်နးတၢ်ဖှီၣ်တအိၣ်ဘၣ်နီတမံၤဘၣ်.

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

စံးထီၣ်ပတြၢၤ 62:8

ပှၤဂီၢ်မုၢ်သ့ၣ်ဧၢ, သန့ၤသုသးလၢအီၤကိးအကတီၢ်ဒဲး ဒီးတဲအီၤလၢသုတၢ်ကိၢ်တၢ်ဂီၤခဲလၢာ်န့ၣ်တက့ၢ်. ကစၢ်ယွၤမ့ၢ်တၢ်ပူၤဖျဲးအလီၢ်လၢပဂီၢ်လီၤ. စ့လၤ

လံာ်ယၡါယၤ 51:20

ဖဲကျဲကိးဘိဒဲးအသနၢၣ်န့ၣ်, နပှၤဂီၢ်မုၢ်လီၤဘှံးလီၤတီၤဝဲလၢအဂံၢ်စၢ်ဘါစၢ်အဃိ, ဒီးအဝဲသ့ၣ်လီၤဂာ်ဒ်တၤဖးဘၣ်ထု လၢပှၤခးတၢ်ဖိတဂၤအပှာ်ပူၤအသိးန့ၣ်လီၤ. အဝဲသ့ၣ်ကလၢၢ်ဘၣ်ကစၢ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်ယံးရမံယၤ 5:17

အဝဲသ့ၣ်ကအီၣ်လၢာ်ကွံာ်သုတၤသူတၤသၣ်တဖၣ်ဒီးသုတၢ်အီၣ် တၢ်အီတဖၣ်လီၤ. အဝဲသ့ၣ်ကမၤသံကွံာ်သုဖိခွါတဖၣ်ဒီးသုဖိမုၣ်တဖၣ်လီၤ. အဝဲသ့ၣ်ကမၤသံကွံာ်သုသိဒီးမဲာ်တဲးလဲးအဖုတဖၣ် ဒီးကမၤဟးဂီၤကွံာ်သုစပံးမုၢ်တဖၣ်ဒီးသုချၢၣ်ဒၢအထံးတဖၣ်လီၤ. သုဝ့ၢ်အိၣ်ဒီးတိာ်ဧိၤတာ်ဧိၤတဖၣ်လၢသုသန့ၤသုသးလၢအီၤန့ၣ်, ကဘၣ်တၢ်မၤဟးဂီၤကွံာ်အီၤလၢအဝဲသ့ၣ်အသုးမုၢ်န့ၣ်လီၤ.

လံာ်သးသယုၢ်တၢ် 1:11

အပှၤဂီၢ်မုၢ်ကအုကစွါဖဲအဟးဃုန့ၢ်တၢ်တမံၤမံၤလၢကအီၣ်ဝဲ အဂီၢ် ဒီးဟ့ၣ်လဲလိာ်အတၢ်ထူးတၢ်တီၤတဖၣ်လၢတၢ်အီၣ် အဂီၢ်ဒ်သိးကအိၣ်မူဘၣ်ဒံးဝဲအဂီၢ်လီၤ. ဝ့ၢ်ယရူၤၡလ့ၣ်ကိးထီၣ် ဝဲ, “ကွၢ်ဃီၤယၤ, ယွၤဧၢ, ထံၣ်ယၤလၢယတၢ်ကိၢ်တၢ်ဂီၤအပူၤတက့ၢ်.”

လံာ်သးသယုၢ်တၢ် 4:4

အဝဲသ့ၣ်ပျဲအဖိတဖၣ်သံဝဲလၢတၢ်သၣ်ဝံၤလီၤဒိဒီးတၢ်သူအသး လၢထံလီၤ. ဖိသၣ်တဖၣ်ဃ့အီၣ်တၢ်အီၣ်ဒီးပှၤဟ့ၣ်အီၤတအိၣ်ဘၣ်နီတဂၤဘၣ်.

လံာ်ယဃ့းစက့လး 30:24

အန့ၣ်ဝံၤဒီးယကမၤဆူၣ်ထီၣ်ကီၢ်ဘၤဘူၤလိၣ်အစီၤပၤအစုဒုၣ်တဖၣ် ဒီးပာ်လီၤယနးလၢအစုပူၤန့ၣ်လီၤ. ဘၣ်ဆၣ်ယကမၤကၢ်ကွံာ်ကီၢ်အဲၤကူပတူးအစီၤပၤအစု ဒုၣ်တဖၣ်ဒီးအဝဲကကအုကစွါဒီးသံကွံာ်လၢအဒုၣ်အဒါတဖၣ် အမဲာ်ညါန့ၣ်လီၤ.