လံာ်သးသယုၢ်တၢ် 2:11 - Sgaw Karen Common Bible

¹¹ ယမဲာ်ချံတဖၣ်ဃ့ထီဝဲလၢမဲာ်ထံလၢာ်ကွံာ်အဃိဒီးယသးသမူအိၣ် လၢတၢ်ကိၢ်တၢ်ဂီၤအပူၤလီၤ. ယဂံၢ်ယဘါလၢာ်ကွံာ်ဝဲလၢတၢ်သးအုးဖဲယပှၤဂီၢ်မုၢ်ဘၣ်တၢ်မၤဟး ဂီၤကွံာ်အီၤန့ၣ်လီၤ. ဖိသၣ်တဖၣ်ဒီးဖိဆံးအီၣ်နုၢ်တဖၣ်သံတယူာ်ဝဲလၢဝ့ၢ်အကျဲတဖၣ် အပူၤန့ၣ်လီၤ.

လံာ်သးသယုၢ်တၢ် 2:11 Iomraidhean Croise

လံာ်စီၤယိၤဘး 16:13

ဒီးခးပျၢ်တဖၣ်ဆူယအိၣ်လၢတၢ်လီၢ်ကိးကပၤဒဲး, ပျၢ်သ့ၣ်တဖၣ်လၢအဆဲးဖျိဒီးမၤဆါယၤလီၤ. အန့ၣ်ဒၣ်လဲာ်တပာ်ဖျါထီၣ်အတၢ်သးကညီၤယၤဘၣ်.

လံာ်စီၤယိၤဘး 30:27

ယသးသူၣ်ကိၢ်သးဂီၤဒီးတဂၢၢ်တကျၢၤဘၣ်နီတစုဘၣ်. ဒီးတၢ်နးတၢ်ဖှီၣ်အမုၢ်နံၤတဖၣ်ချုးန့ၢ်ယၤလီၤ.

စံးထီၣ်ပတြၢၤ 119:82

ယမဲာ်ချံတဖၣ်ဘှံးဝဲလၢအခိးကွၢ်လၢ် နတၢ်အၢၣ်လီၤဖဲယစံး, “နကမၤစၢၤယၤအကတီၢ်ဖဲလဲၣ်” န့ၣ်လီၤ.

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

စံးထီၣ်ပတြၢၤ 31:9

ယွၤဧၢ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤ, ယအိၣ်လၢ တၢ်ကိၢ်တၢ်ဂီၤအပူၤလီၤ. ယမဲာ်ချံလီၤဘှံးဝဲလၢ တၢ်ဟီၣ်တၢ်ယၢၤနးမးအဃိ ဒီးယလီၤဘှံးလီၤတီၤလၢာ်လၢာ်ဆ့ဆ့လီၤ.

စံးထီၣ်ပတြၢၤ 38:8

ယဂံၢ်ယဘါလၢာ်ကွံာ်ဒီးယဘၣ်တၢ်ဆီၣ်တံၢ်သနံးယၤ, ယကအုကစွါယဲလၢ ယသးဘၣ်တၢ်ကိၢ်တၢ်ဂီၤအဃိလီၤ.

စံးထီၣ်ပတြၢၤ 6:7

ယမဲာ်ချံအဂံၢ်အဘါစၢ်လီၤဝဲ လၢယတၢ်ကိၢ်တၢ်ဂီၤအဃိ, ဒီးအတၢ်ထံၣ်တဆှံလၢၤဘၣ် လၢ ယဒုၣ်ယဒါခဲလၢာ်အဃိလီၤ.

စံးထီၣ်ပတြၢၤ 69:3

တၢ်ဘှံးယသးလၢယကိးထီၣ်အဃိ, ဒီးယကိာ်ယူၢ်ဃ့ထီဝဲလီၤ. ယမဲာ်ယုာ်ဝဲလၢယကွၢ်လၢ်ယကစၢ်ကဟဲ ဒီးမၤစၢၤယၤအဂီၢ်အဃိန့ၣ်လီၤ.

လံာ်ယၡါယၤ 22:4

ခဲကနံၣ်အံၤ, ပာ်လီၤတဲာ်ယၤထဲတဂၤဧိၤဒ်သိးယကဟီၣ်ယၢၤ နးနးကျံးကျံးလၢယပှၤဂီၢ်မုၢ်ခဲလၢာ်လၢအသံတ့ၢ် တဖၣ်အဂီၢ်န့ၣ်တက့ၢ်. ဂုာ်ကျဲးစၢးမၤမုာ်ထီၣ်က့ၤယၤတဂ့ၤ.

လံာ်ယၡါယၤ 38:14

ယကလုၢ်သီၣ်ကသွံဒံဒီးစၢ်ဝဲလီၤ. ယကအုဒ်ထိၣ်လွံၢ်အသိးလီၤ. ယမဲာ်ချံလီၤဘှံးဝဲလၢယကွၢ်ထီၣ်တၢ်ဆူမူခိၣ်အဃိလီၤ. ယွၤဧၢ, မၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်အံၤတက့ၢ်.

လံာ်ယၡါယၤ 51:20

ဖဲကျဲကိးဘိဒဲးအသနၢၣ်န့ၣ်, နပှၤဂီၢ်မုၢ်လီၤဘှံးလီၤတီၤဝဲလၢအဂံၢ်စၢ်ဘါစၢ်အဃိ, ဒီးအဝဲသ့ၣ်လီၤဂာ်ဒ်တၤဖးဘၣ်ထု လၢပှၤခးတၢ်ဖိတဂၤအပှာ်ပူၤအသိးန့ၣ်လီၤ. အဝဲသ့ၣ်ကလၢၢ်ဘၣ်ကစၢ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ.

လံာ်ယံးရမံယၤ 14:17

ယွၤမၤလိာ်တ့ၢ်ယၤလၢယကတဲဘၣ်ပှၤဂီၢ်မုၢ်ဘၣ်ဃးယတၢ်သူၣ်အုး သးအုးအဂ့ၢ်ဒီးစံး, “မ်မဲာ်ထံတဖၣ်ယွၤလီၤလၢယမဲာ်ချံတဖၣ်အပူၤလၢမုၢ်ဆါဆဲးလၢမုၢ်နၤ, ဒီးမ်ယသုတဆိကတီၢ်တၢ်ဟီၣ်တၢ်ယၢၤနီတစုတဂ့ၤ. အဂ့ၢ်ဒ်အံၤ, ယပှၤဂီၢ်မုၢ်တဖၣ်ဘၣ်ဒိဘၣ်ထံးနးနးကလဲာ်ဒီး တၢ်မၤဘၣ်ဒိဆါအီၤအၢအၢသီသီန့ၣ်လီၤ.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 44:7

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, သံကွၢ်သုခဲအံၤလၢ ဘၣ်မနုၤအဃိလၢ သုမၤတၢ်အၢတၢ်သီဒ်သိးအံၤ တမံၤထီဒါသုကစၢ်ဒၣ်သုဝဲန့ၣ်လဲၣ်. မ့ၢ်သုသးအိၣ်ဒုးလီၤဘၣ်တၢ်တတၢးတနါလၢ ပှၤပိာ်ခွါတဖၣ်, ပှၤပိာ်မုၣ်တဖၣ်, ဖိသၣ်တဖၣ်ဒီၤ ဖိသၣ်အီၣ်နုၢ်ထံ တဖၣ်အလိၤ, ဒ်သိးပှၤဂီၢ်မုၢ်အသုတအိၣ် တီၢ်လၢၤဘၣ် နီတဂၤအဂီၢ်န့ၣ်ဧါ.

လံာ်ယံးရမံယၤ 8:19

ဒိကနၣ်တက့ၢ်. ယနၢ်ဟူယပှၤဂီၢ်မုၢ်ကိးပသူထီၣ်လၢထံကီၢ် ဒီဘ့ၣ်ညါလီၤ. “မ့ၢ်ယွၤတအိၣ်လၢၤလၢဝ့ၢ်စံယိၣ်ဘၣ်ဧါ မ့ၢ်ဝ့ၢ်စံယိၣ်အစီၤပၤတအိၣ်လၢၤဖဲန့ၣ်ဘၣ်ဧါ.” ယွၤ, အဝဲသ့ၣ်အစီၤပၤ, စံးဆၢတၢ်ဒီးစံးဝဲ, “ဘၣ်မနုၤအဃိသုမၤသးဒိၣ်ထီၣ်ယၤခီ ဖျိသုဘူၣ်ထီၣ်ဘါထီၣ်သုတၢ်ဂီၤတၢ်ဖီၣ် ဒီးသကူးလီၤသုသးလၢသုပှၤတခီဘီမုၢ်ဖိအကစၢ်တဖၣ်လၢအဘျုး တအိၣ်ဘၣ်အမဲာ်ညါန့ၣ်လဲၣ်.”

လံာ်သးသယုၢ်တၢ် 1:11

အပှၤဂီၢ်မုၢ်ကအုကစွါဖဲအဟးဃုန့ၢ်တၢ်တမံၤမံၤလၢကအီၣ်ဝဲ အဂီၢ် ဒီးဟ့ၣ်လဲလိာ်အတၢ်ထူးတၢ်တီၤတဖၣ်လၢတၢ်အီၣ် အဂီၢ်ဒ်သိးကအိၣ်မူဘၣ်ဒံးဝဲအဂီၢ်လီၤ. ဝ့ၢ်ယရူၤၡလ့ၣ်ကိးထီၣ် ဝဲ, “ကွၢ်ဃီၤယၤ, ယွၤဧၢ, ထံၣ်ယၤလၢယတၢ်ကိၢ်တၢ်ဂီၤအပူၤတက့ၢ်.”

လံာ်သးသယုၢ်တၢ် 1:16

လၢတၢ်န့ၣ်အဃိဒီးယမဲာ်ချံတဖၣ်ပုာ်ထီၣ်ယွၤလီၤလၢယမဲာ်ထံ မဲာ်နိန့ၣ်လီၤ. ပှၤမၤမုာ်ထီၣ်ယသးတသ့ဘၣ်နီတဂၤဘၣ်. ပှၤဟ့ၣ်ဆူၣ်ထီၣ်ယဂံၢ်ယဘါတသ့ဘၣ်နီတဂၤဘၣ်. ဒုၣ်ဒါတဖၣ်မၤနၢၤတ့ၢ်ယၤလံ. တၢ်တအိၣ်လီၤတဲာ်ဘၣ်ဒီးယပှၤဂီၢ် မုၢ်လၢတၢ်နီတမံၤလၢၤဘၣ်.

လံာ်သးသယုၢ်တၢ် 1:20

ယွၤဧၢ, ကွၢ်ဃီၤယတၢ်ကိၢ်တၢ်ဂီၤ, ဒီးယသးအတၢ်နးတၢ်ဖှီၣ်တ က့ၢ်. ယသးသ့ၣ်ဖးတ့ၢ်လၢတၢ်သူၣ်အုးသးအုးလၢယတၢ်ဒဲးဘးတဖၣ် အဃိလီၤ. တၢ်မၤသံမၤဝီအိၣ်လၢကျဲတဖၣ်အပူၤ, ဒီးလၢဟံၣ်ပူၤဒၣ်လဲာ်တၢ်သံအိၣ်ဝဲလီၤ.

လံာ်သးသယုၢ်တၢ် 5:17

ပဆိးက့လၢပသူၣ်ကံၢ်သးလဲနီၢ်နီၢ်ဒီးပမဲာ်ထံတဖၣ် လီၤဆှု တုၤပထံၣ်တၢ်တသ့လၢၤဘၣ်.

လံာ်လူၤကၣ် 23:29

အဂ့ၢ်ဒ်အံၤ, မုၢ်နံၤမုၢ်သီတဖၣ်ကဟဲဝဲဖဲပှၤကစံး, ‘ပိာ်မုၣ်လၢအဖိတအိၣ်နီတစု, လၢအတဒၢထီၣ်နီတစု, ဒီးတဒုးအီၣ်နုၢ်ဘၣ်ဖိသၣ်နီတစုတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်’ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:4

စီၤဒၤဝံးဒီးအပှၤတဖၣ်ဟီၣ်ဝဲယၢၤဝဲဒီး တုၤလၢအလီၤဘှံးလီၤဘှါလၢာ်လၢာ်ဆ့ဆ့တစုန့ၣ်တဆိကတီၢ်ဘၣ်ဝဲဘၣ်.