လံာ်သးသယုၢ်တၢ် 2:10 - Sgaw Karen Common Bible

¹⁰ ဝ့ၢ်ယရူၤၡလ့ၣ်အပှၤသူၣ်က့သးပှၢ်တဖၣ်ဆ့ၣ်နီၤလၢဟီၣ်ခိၣ်လိၤလၢ တၢ်အိၣ်ဘှီၣ်ကလာ်အပူၤ အိၣ်ဒီးဖၣ်ကမူၣ်လၢအဝဲသ့ၣ်အခိၣ်လိၤဒီးဆ့ကၤထၢၣ် သွ့လၢအနီၢ်ခိအလိၤလီၤ. သးစၢ်ပိာ်မုၣ်ဖိတဖၣ်ဆုးလီၤအခိၣ်ဆူဟီၣ်ခိၣ်လိၤလီၤ.

လံာ်သးသယုၢ်တၢ် 2:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:19

အဝဲဖှံလီၤဖၣ်ဆါတဖၣ်လၢအခိၣ်လိၤ, ဖှီယာ်အဆ့ကၤဖးထီ ဒီးမၤဘၢအမဲာ်သၣ်လၢအစုတဖၣ်ဒီးဟးထီၣ်ကွံာ်လၢတၢ်ဟီၣ်တၢ်ယၢၤ အပူၤန့ၣ်လီၤ.

လံာ်ယၡါယၤ 15:3

ပှၤဂီၢ်မုၢ်လၢကျဲတဖၣ်အပူၤန့ၣ်ကူကၤထၢၣ်တၢ်ကံးယာ်တဖၣ်ဒီးလၢ ဝ့ၢ်အတၢ်လီၢ်ဖးလဲၢ်အပူၤဒီးလၢဟံၣ်ခိၣ်ဒုးတဖၣ်အဖီခိၣ်န့ၣ် ပှၤဂီၢ်မုၢ်ကအုကစွါဒီးဟီၣ်ဝဲယၢၤဝဲလီၤ.

လံာ်ယၡါယၤ 3:24

လၢကသူတၢ်နၢမူတဖၣ်အလီၢ်အဝဲသ့ၣ် ကနၢအုၣ်နၢပူးလီၤ. ဒီးလၢယီၢ်တကိးအ ဂ့ၤတဖၣ်အလီၢ်န့ၣ်ကသူဝဲပျံၤသွဲးတဖဲး တဖၣ်လီၤ. ဒီးလၢကအိၣ်ဒီးခိၣ်သူဃံလၤ အလီၢ်အခိၣ်ကကျိလီၤ. ဒီးလၢတၢ်ကူတၢ်ကၤဃံ လၤတဖၣ်အလီၢ်, အဝဲသ့ၣ်ကကူထီၣ်ကၤထီၣ်တၢ်ယာ်ဘုၣ်ယာ်ဖျ့တဖၣ်, ဒီးအတၢ်ဃံတၢ် လၤကဘၣ်တၢ်ဘိးကဒါအီၤဆူတၢ်မဲာ်ဆှးန့ၣ်လီၤ.

လံာ်ယၡါယၤ 3:26

ဝ့ၢ်အတြဲၤတဖၣ်ကသူၣ်အုးသးအုးဒီးဟီၣ်ဝဲယၢၤဝဲ, ဒီးဝ့ၢ်အကစၢ်ဒၣ်ဝဲကလီၤဂာ်ဒ်ပိာ်မုၣ်အိၣ်ဘ့ၣ်ဆ့ တဂၤဆ့ၣ်နီၤလၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 36:22

အန့ၣ်ဒီး, စီၤအ့ၤလယါကံၣ်, စီၤၡ့ၤဘနၤ, ဒီစီၤယိၤအၤဖှီ ယာ်အဆ့ကၤတဖၣ်လၢတၢ်သးအုးအပူၤဒီးလဲၤတၢ်ဒီးပာ်ဖျါထီၣ် က့ၤတၢ်လၢကီၢ်အၤၡူၢ်အသုးခိၣ်စံးဘၣ်တ့ၢ်ဝဲဆူစီၤပၤ အအိၣ်န့ၣ်လီၤ.

လံာ်ယၡါယၤ 47:1

ယွၤစံးဝဲ, “ဝ့ၢ်ဘၤဘူၤလိၣ်ဧၢ, ဟဲလီၤလၢနလီၢ်ပစိာ် ဒီးဆ့ၣ်နီၤလၢဖၣ်ကမူၣ်အကျါလၢဟီၣ်ခိၣ်လိၤ န့ၣ်တက့ၢ်. တဘျီနမ့ၢ်တ့ၢ်နဲဒ်ပှၤမုၣ်ကနီၤဖိတဂၤအသိး, ဝ့ၢ်တဝ့ၢ်လၢတဘၣ်တၢ်မၤန့ၢ်မၤနၢၤအီၤဘၣ်. ဘၣ်ဆၣ်ဒီးခဲအံၤန့ၣ်နတစၢ်တဒွဲဒီးကပုာ်လုးဒ်လၢညါ အသိးလၢၤဘၣ်. ခဲအံၤနမ့ၢ်နဲကုၢ်တဂၤလီၤ.

လံာ်ယၡါယၤ 47:5

ယွၤစံးဘၣ်ဝ့ၢ်ဘၤဘူၤလိၣ်, “ဆ့ၣ်နီၤလၢတၢ်အိၣ်ဃိကလာ်ဒီးလၢတၢ်ခံးတၢ်နၤ အပူၤတက့ၢ်. အဝဲသ့ၣ်တကိးနၤလၢပှၤကလုာ်တဖၣ် အနီၢ်ပၤမုၣ်လၢၤဘၣ်.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်သးသယုၢ်တၢ် 1:4

ခဲကနံၣ်အံၤပှၤကဟဲဆူတၢ်လုၢ်ဟံၣ်ဒ်သိးကဘူၣ်ထီၣ်ဘါထီၣ်တၢ်လၢ မုၢ်နံၤစီဆှံတဖၣ်န့ၣ်တအိၣ်ဘၣ်နီတဂၤဘၣ်. ဖိသၣ်ပိာ်မုၣ်လၢအသးဝံၣ်တ့ၢ်တၢ်ဖဲန့ၣ်တဖၣ်တူၢ်ဘၣ်တၢ်ဒီးပှၤ လုၢ်တၢ်အခိၣ်တဖၣ်မၤသ့ထဲတၢ်ကအုကစွါဧိၤလီၤ. ဝ့ၢ်အတြဲၤတဖၣ်ဆၢထၢၣ်အိၣ်ကလီဒီးကစၢၢ်စံယိၣ်အိၣ်လၢတၢ်ကိၢ် တၢ်ဂီၤဖးဒိၣ်အပူၤလီၤ.

လံာ်သးသယုၢ်တၢ် 3:28

ဖဲပတူၢ်ဘၣ်တၢ်န့ၣ်ကြၢးပဆ့ၣ်နီၤထဲတဂၤဧိၤကစုဒု လၢတၢ်သးစူၤအပူၤလီၤ.

လံာ်သးသယုၢ်တၢ် 4:16

ယွၤတကနၣ်ဃုာ်လၢၤဘၣ်အဝဲသ့ၣ်ဘၣ်. အနီၢ်ကစၢ်ဒၣ်ဝဲမၤလီၤပြံလီၤပြါအဝဲသ့ၣ်လီၤ. အဝဲတဒုးနဲၣ်ဖျါထီၣ်တၢ်သူၣ်အိၣ်သးအိၣ်ဆူပပှၤလုၢ်တၢ်အခိၣ် တဖၣ်ဒီးပခိၣ်ပနၢ်တဖၣ်အအိၣ်ဘၣ်.

လံာ်သးသယုၢ်တၢ် 4:5

ပှၤဂီၢ်မုၢ်လၢတဘျီမ့ၢ်ပှၤအီၣ်တၢ်အီၣ်အဂ့ၤကတၢၢ်တဖၣ်သၣ်ဝံၤ လီၤဒိသံဝဲလၢကျဲတဖၣ်အပူၤလီၤ. ပှၤဘၣ်တၢ်လုၢ်ဒိၣ်ထီၣ်အီၤလၢတၢ်ဘီၣ်တၢ်ညီအပူၤတဖၣ်လူၤကမုၢ် တၢ်လၢတၢ်ဘၣ်စူးကွံာ်တဂိာ်တသီၣ်ဘၣ်အကျါလၢကထံၣ်န့ၢ်တၢ်အီၣ် အဂီၢ်န့ၣ်လီၤ.

လံာ်သးသယုၢ်တၢ် 5:12

ပခိၣ်ပနၢ်တဖၣ်ဘၣ်တၢ်မၤန့ၢ်အီၤဒီးစၢသံအီၤ, ဒီးပပှၤသူၣ်က့သးပှၢ်တဖၣ်တဘၣ်တၢ်ပာ်ကဲအီၤဘၣ်.

လံာ်သးသယုၢ်တၢ် 5:14

ပှၤသူၣ်က့သးပှၢ်တဖၣ်တဆ့ၣ်နီၤလၢၤဘၣ်လၢ ဝ့ၢ်အတြဲၤ, ဒီးပှၤသးစၢ်တဖၣ်တသူၣ်ဝံၣ်သးဆၢတၢ်လၢၤဘၣ်.

လံာ်ယဃ့းစက့လး 27:30

အဝဲသ့ၣ်ခဲလၢာ် ဘၣ်မိၣ်ဘၣ်မးနးနးကလဲာ်လၢနဂီၢ်, ဖှံထီၣ် ဟီၣ်ခိၣ်ကမူၣ်တဖၣ် လၢအခိၣ်လိၤဒီးထွၣ်တလ့ၣ်အသးလၢ ဖၣ်ဆၣ်ကျါန့ၣ်လီၤ.

လံာ်ယဃ့းစက့လး 27:31

အဝဲသ့ၣ်လူၤကွံာ်အခိၣ်တဖၣ်လၢ နဂီၢ်ဒီးကူထီၣ်ကၤထီၣ်ဝဲထၢၣ် တၢ်ကံးညၣ်န့ၣ်လီၤ. အဝဲသ့ၣ်အသးတဖၣ် ဆါဝဲနးနးကလဲာ် ဒ်အဟီၣ်ဝဲနးနး ကလဲာ်အသိးန့ၣ်လီၤ.

လံာ်ယဃ့းစက့လး 7:18

အဝဲသ့ၣ်ကကူထီၣ်ကၤထီၣ်ထၢၣ်တၢ်ကံးယာ်ဒီးအဝဲသ့ၣ်ကကနိး ကစုာ်ဝဲဒီဂၤညါန့ၣ်လီၤ. အခိၣ်တဖၣ်ကဘၣ်တၢ်လူၤကွံာ်အီၤ, ဒီးအဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤန့ၣ်လီၤ.

လံာ်ယိၤအ့လး 1:8

ပှၤဂီၢ်မုၢ်သ့ၣ်ဧၢ, ဟီၣ်ဒ်မုၣ်ကနီၤတဂၤလၢအသူၣ်အုးသးအုး လၢပိာ်ခွါလၢအဝဲကဒိးတ့ဒိးဖျီအသး ဒီးအီၤတဂၤအတၢ်သံအဃိန့ၣ်တက့ၢ်.

လံာ်ဧၤမိၣ် 5:13

မၤသးဒ်န့ၣ်ဒီး, ပှၤလၢအကူၣ်တၢ်သ့န့ၣ်ကအိၣ်ဃိကလာ်လၢတၢ် အကတီၢ်ဒ်သိးအံၤအပူၤန့ၣ်လီၤ. အဂ့ၢ်ဒ်အံၤ, မ့ၢ်တၢ်အကတီၢ်လၢအအၢလီၤ.

လံာ်ဧၤမိၣ် 8:13

လၢမုၢ်တနံၤန့ၣ်ပိာ်ခွါသးစၢ်လၢအဂံၢ်ဆူၣ်ဘါဆူၣ်ဒီးပိာ်မုၣ် လၢအဃံအလၤတဖၣ်ကလီၤဘှါဝဲလၢတၢ်သူအသးအဃိန့ၣ်လီၤ.

လံာ်ဧၤမိၣ် 8:3

လၢမုၢ်တနံၤန့ၣ်တၢ်သးဝံၣ်တဖၣ်လၢနူၢ်ဧိၤစီၤဧိၤ အပူၤကကဲထီၣ်တၢ်သူၣ်အုးသးအုးအတၢ်ဟီၣ်တၢ်ယၢၤတဖၣ်န့ၣ်လီၤ. တၢ်သံစိၣ်တဖၣ်ကအိၣ်လၢတၢ်လီၢ်ကိးပူၤဒဲး, ဒီးကဘၣ်တၢ်စူးကွံာ်အီၤကစုဒုန့ၣ်လီၤ.

လံာ်ယိၤနါ 3:6

တုၤဝ့ၢ်နံၤနဝ့အစီၤပၤနၢ်ဟူတၢ်ကစီၣ်န့ၣ်, အဝဲဒၣ်ဂဲၤဆၢထၢၣ်လၢအလီၢ်ပစိာ်, ဘ့ၣ်လီၤကွံာ်စီၤပၤအကူအ သိး, ဒီးသိးထီၣ်ဝဲဆ့ကၤထၢၣ်သွ့, ဒီးဆ့ၣ်နီၤဝဲလၢဖၣ်ဆါအကျါန့ၣ်လီၤ.

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.

လံာ်လီၣ်ဖျါ 18:19

အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”