လံာ်သးသယုၢ်တၢ် 1:6 - Sgaw Karen Common Bible

⁶ ဝ့ၢ်ယရူၤၡလ့ၣ်အတၢ်ကဟုကညီၢ်န့ၣ်မ့ၢ်တၢ်လၢအမၤတ့ၢ်အသးတမံၤ လီၤ. အပှၤခိၣ်ပှၤနၢ်တဖၣ်လီၤဂာ်ဒီးတၤဟိဖါလၢအဂံၢ်စၢ်ဘါစၢ်လၢ အသၣ်ဝံၤလီၤဒိအဃိ ဒီးအဂံၢ်အဘါဘူးကလၢာ်ကွံာ်လၢအဘၣ်ဃ့ၢ်ပူၤဖျဲးအသးလၢပှၤခး တၢ်ဖိတဖၣ်အဃိန့ၣ်လီၤ.

လံာ်သးသယုၢ်တၢ် 1:6 Iomraidhean Croise

လံာ်စီၤပၤခံဘ့ၣ်တဘ့ၣ် 19:21

ယွၤစံးတ့ၢ်ဒ်အံၤ, “ဝ့ၢ်ယရူၤၡလ့ၣ်နံၤဘၣ်ဖၣ်လဲနၤ, စီၤစၤနဃ့ရံာ်ဧၢ, ဒီးဒုၣ်ဒွဲၣ်ပယွဲနၤလီၤ.

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:5

ဘၣ်ဆၣ်ပှၤဘၤဘူၤလိၣ်ဖိအသုးမုၢ်လူၤထွဲစီၤပၤစံးဒကံယၤအ ခံ, ဖီၣ်န့ၢ်အီၤ, ဖဲတၢ်ပၢၤခိၣ်ဘူးဒီးဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

စံးထီၣ်ပတြၢၤ 50:2

လၢစံယိၣ်အတၢ်ဃံတၢ်လၤအလၢအပှဲၤအပူၤန့ၣ်, ကစၢ်ယွၤကပီၤထီၣ်ဝဲလီၤ.

စံးထီၣ်ပတြၢၤ 96:9

တုၤမ့ၢ်တၢ်စီဆှံတဂၤအိၣ်ဖျါထီၣ်ဒီး တီၤလီၤလၢအမဲာ်ညါတက့ၢ်. ပှၤဟီၣ်ခိၣ်ဖိခဲလၢာ်သ့ၣ်ဧၢ, ကနိးကစုာ်လၢအမဲာ်ညါတက့ၢ်.

လံာ်ယၡါယၤ 1:21

ဝ့ၢ်လၢတဘျီအကလုၢ်တီဝဲန့ၣ်, အိၣ်မူမၤဝဲဒ်ဃဲသဲမုၣ်တဂၤ အသိးလီၤ. တဘျီန့ၣ်, ပှဲၤဝဲဒီးပှၤတီပှၤလိၤတဖၣ်, ဘၣ်ဆၣ်ခဲအံၤအိၣ်တီၢ်ဒၣ်ထဲပှၤ မၤသံတၢ်တဖၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 4:5

ဝံၤဒီးလၢကစၢၢ်စံယိၣ်အဖီခိၣ်ဒီးလၢပှၤလၢအပာ်ဖှိၣ်အသးဖဲ န့ၣ်ခဲလၢာ်အဖီခိၣ်န့ၣ်, ယွၤကဆှၢလီၤတၢ်အၢၣ်လၢမုၢ်ဆါ ဒီးမ့ၣ်အူလုၣ်ဒီးမ့ၣ်လၣ်ကဲၤကပီၤလၢမုၢ်နၤလီၤ. ယွၤအလၤကပီၤကကးဘၢဒီးဒီဒၣ်အိၣ်ပှိၤဝ့ၢ်ဒီဝ့ၢ်လီၤ.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယံးရမံယၤ 29:4

ယွၤသ့တၢ်လၢာ်, “အံၣ်စရ့လးအကစၢ်ယွၤ စံးဘၣ်ပှၤဂီၢ်မုၢ် ခဲလၢာ်လၢ အဝဲပျဲတ့ၢ်စီၤနဘူၤကးန့စၢ်ကက့ၤစိာ်မၢကဲကုၢ် အီၤ လၢဝ့ၢ်ယရူၤရှလ့ၣ်ဆူ ကီၢ်ဘၤဘူၤလိၣ်အံၤ,

လံာ်ယံးရမံယၤ 47:3

အဝဲသ့ၣ် ကနၢ်ဟူကသ့ၣ်တဖၣ်အခီၣ်မ့ၣ်ထးယီၢ်တၢ်အသီၣ်, လ့ၣ်ကဟၣ်တဖၣ် ဃ့ၢ်သဖှိအသီၣ်, ဒီးလ့ၣ်ဖံဘၣ်တဖၣ်သီၣ်ရုၢ်ရုၢ်ရၢ်ရၢ်န့ၣ်လီၤ. ပၢ်တဖၣ်တဃၣ်ကဒါက့ၤဘၣ်အသးလၢအဖိတဖၣ်အဂီၢ်ဘၣ်. အဝဲသ့ၣ်အစုတဖၣ်ကလီၤစဲၤစၢ်အဲးစၢ်အီးလၢအဝဲသ့ၣ် အကပၤန့ၣ်လီၤ.

လံာ်ယံးရမံယၤ 48:41

ဒီးဝ့ၢ်တဖၣ်ဒီးတိာ်ဧိၤတာ်ဧိၤတဖၣ်ကဘၣ်တၢ်ဒုးန့ၢ်ကွံာ်အီၤန့ၣ်လီၤ. ဒီၤလၢနံၤအဝဲန့ၣ်, ကီၢ်မိၤအးအသုးဖိတဖၣ်ကပျံၤတၢ်ဒ်ပိာ်မုၣ်တဂၤလၢ အဟုးဆါအသိးန့ၣ်လီၤ.

လံာ်ယံးရမံယၤ 52:11

အန့ၣ်ဝံၤဒီး, အဝဲမၢပှၤအူခွဲးထီၣ်ကွံာ်စီၤစံးဒကံယၤအမဲာ်ချံတဖၣ်, မၢပှၤစၢဃာ်အီၤလၢထးသွဲတဖၣ်ဒီး က့ၤစိာ်ကွံာ်အီၤဆူ ကီၢ်ဘၤဘူၤလိၣ်န့ၣ်လီၤ. စီၤစံးဒကံယၤအိၣ်ဝဲလၢ ကီၢ်ဘၤဘူၤလိၣ်အဃိာ်ပူၤတုၤမုၢ်တနံၤလၢ အသံဝဲတစုန့ၣ်လီၤ.

လံာ်ယံးရမံယၤ 52:13

အဝဲဒွဲၣ်အူထီၣ်ကွံာ် ယွၤအတၢ်လုၢ်ဟံၣ်, စီၤပၤအနူၢ်, ဒီးပှၤဂီၢ်မုၢ်လၢ အကါဒိၣ်လၢအအိၣ်ဆိးလၢ ဝ့ၢ်ယရူၤရှလ့ၣ်အပူၤခဲလၢာ်အဟံၣ်အဃီတဖၣ်,

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ယဃ့းစက့လး 24:25

ယွၤစံးဝဲဒၣ်, ခဲကနံၣ်အံၤ, “ပှၤကညီလၢအသံသ့ဧၢ, ယွၤအတၢ်လုၢ်ဟံၣ်လၢအဂံၢ်ဆူၣ်ဘါဆူၣ်လၢအမ့ၢ်အဝဲသ့ၣ်အတၢ်ပာ် ကဖၢလၢသးဒီးတၢ်သးခု, လၢအဝဲသ့ၣ်အဲၣ်ဒိးကွၢ်ဃီၤဝဲဒီးလဲၤဝဲဆူ အအိၣ်န့ၣ်, ယကဟံးထီၣ်ကွံာ်လၢအဝဲသ့ၣ်အအိၣ်လီၤ. ယကစိာ်ထီၣ်ကွံာ်အဝဲသ့ၣ်အဖိခွါတဖၣ်ဒီးအဖိမုၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.