လံာ်သးသယုၢ်တၢ် 1:3 - Sgaw Karen Common Bible

³ ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်သးသယုၢ်တၢ် 1:3 Iomraidhean Croise

လံာ်စီၤပၤခံဘ့ၣ်တဘ့ၣ် 25:11

ဝံၤဒီးစီၤနဘူစၢ်ရဒၣ်စိာ်ထီၣ်ကွံာ်, ပှၤဂီၢ်မုၢ်လၢအအိၣ်လီၤ တဲာ်ဒံးလၢဝ့ၢ်ပူၤခဲလၢာ်, ပှၤမၤတၢ်သ့ဂ့ၤဂ့ၤလၢအအိၣ်လီၤတဲာ်ဒံးတဖၣ်, ဒီးပှၤတဖၣ်လၢအပာ်လီၤတဲာ်အကီၢ်ဒီးခီနုာ်ဆူပှၤဘၤဘူၤလိၣ် ဖိတဖၣ်အကျါ, န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:21

အိၣ်ဝဲလၢကီၢ်ဃမါသးအလီၢ်ကဝီၤပူၤန့ၣ်လီၤ. ဖဲန့ၣ်စီၤပၤမၢပှၤဒိပှၤတီၢ်အဝဲသ့ၣ်ဒီးမၤသံကွံာ်အီၤန့ၣ် လီၤ. လၢတၢ်န့ၣ်အဃိကီၢ်ယူဒၤပှၤဂီၢ်မုၢ်ဘၣ်တၢ်စိာ်ထီၣ်ကွံာ်အီၤလၢ အထံအကီၢ်ဆူတၢ်စိာ်မၢကဲကုၢ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:5

ဘၣ်ဆၣ်ပှၤဘၤဘူၤလိၣ်ဖိအသုးမုၢ်လူၤထွဲစီၤပၤစံးဒကံယၤအ ခံ, ဖီၣ်န့ၢ်အီၤ, ဖဲတၢ်ပၢၤခိၣ်ဘူးဒီးဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်ယံးရမံယၤ 13:19

ကီၢ်ယူဒၤကလံၤထံးအဝ့ၢ်တဖၣ်ဘၣ်တၢ်ကဝီၤဃာ်အီၤလံ. ပှၤလဲၤခီဂာ်အဝဲသ့ၣ်တသ့နီတဂၤဘၣ်. ကီၢ်ယူဒၤအပှၤဂီၢ်မုၢ် ခဲလၢာ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အပူၤလံန့ၣ်လီၤ.

လံာ်ယံးရမံယၤ 16:16

ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်ယံးရမံယၤ 24:9

ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.

လံာ်ယံးရမံယၤ 39:9

လၢခံကတၢၢ်, စီၤနဘူစၢ်ရဒၣ်လၢ အမ့ၢ်သုးခိၣ်ကျၢၢ်န့ၣ်, စိာ်ကွံာ်ပှၤဂီၢ်မုၢ်လၢ အိၣ်လီၤတဲာ်လၢ ဝ့ၢ်ပူၤတဖၣ် အဟဲဃ့ၢ်ခီနုာ်ဆူ အဝဲသ့ၣ်အအိၣ်, ဒ်ကုၢ်တဖၣ်အသိးဆူ ကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 52:15

ဝံၤဒီး, စီၤနဘူစၢ်ရဒၣ်က့ၤ ကိးကွံာ်ပှၤဂီၢ်မုၢ်လၢအအိၣ်လီၤတဲာ် လၢဝ့ၢ်အပူၤ, ပှၤမၤတၢ်ဖိအသ့အဘၣ်လၢ အအိၣ်တီၢ်တဖၣ်, ဒီးပှၤအဂၤတဖၣ်လၢ အပာ်လီၤတဲာ်အကီၢ်ဒီး ခီနုာ်ဆူပှၤဘၤဘူၤလိၣ်ဖိတဖၣ်အကျါန့ၣ်လီၤ.

လံာ်ယံးရမံယၤ 52:8

ဘၣ်ဆၣ်ဒီး, ကီၢ်ဘၤဘူၤလိၣ်အသုးမုၢ် လူၤစီၤပၤစံးဒကံယၤ, ဖီၣ်န့ၢ်အီၤဖဲ ပျီပူၤဘူးဒီး ဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်သးသယုၢ်တၢ် 2:9

ဝ့ၢ်အပဲတြီတဖၣ်ဒါလီၤအသးလီၤဘျၢကွံာ်လၢတၢ်လီၤပှီၢ်လီၤ ကလဲတဖၣ်အဖီလာ်ဒီးအနီၣ်ဘိတဖၣ်ဘၣ်တၢ်ဒိကၢ်လီၤကလဲကွံာ်အီၤ န့ၣ်လီၤ. စီၤပၤဒီးပှၤတူၢ်ဒိၣ်ကီၤဒိၣ်တဖၣ်န့ၣ်ခဲအံၤအိၣ်လၢတၢ်စိာ် မၢကဲကုၢ်အီၤအပူၤလီၤ. ပှၤယူဒၤဖိအတၢ်သိၣ်တၢ်သီန့ၣ်တဘၣ်တၢ်သိၣ်လိသီလိအီလၢၤဘၣ် ဒီးဝံတဖၣ်တန့ၢ်ဘၣ်တၢ်ထံၣ်လၢညါခီလၢယွၤအအိၣ်နီတမံၤလၢၤ ဘၣ်.

လံာ်သးသယုၢ်တၢ် 4:15

ပှၤဂီၢ်မုၢ်ကိးဃါတၢ်ဒီးစံး, “ဟးထီၣ်ကွံာ်တက့ၢ်. နမ့ၢ်တၢ်တကဆှီဘၣ်လီၤ. ထိးဘူးယၤတဂ့ၤ,” န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟးဝ့ၤဝီၤလၢပှၤတကလုာ်ဆူပှၤတကလုာ် ဒီးပှၤသဂၢၢ်တူၢ်လိာ်အီၤတအိၣ်ဘၣ်နီတဂၤဘၣ်.

လံာ်သးသယုၢ်တၢ် 5:5

ပဘၣ်တၢ်နီၣ်ဆူၣ်ပှၤဒ်ကသ့ၣ်လၤမ့တမ့ၢ်ကီၤလၤအူးတဖၣ် အသိးန့ၣ်လီၤ. တၢ်ဘှံးပသးဘၣ်ဆၣ်ဒီးတၢ်တဒုးအိၣ်ဘှံးပှၤဘၣ်.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်သိၣ်လီၤသီလီၤတၢ် 28:48

လၢတၢ်န့ၣ်အဃိ, သုကမၤဒုၣ်ဒါတဖၣ်လၢယွၤကဆှၢလီၤအီၤဒ်သိး ကထီဒါသုအတၢ်န့ၣ်လီၤ. သုကသၣ်ဝံၤသၣ်စ့ၤ, တၢ်ကသူသုသးလၢထံ, ဒီးအိၣ်ဘ့ၣ်ဆ့, လိၣ်ဘၣ်တၢ်ကိးမံၤဒဲး န့ၣ်လီၤ. ယွၤကမၤနးမၤဖှီၣ်သုဆါဆါကလဲာ်တုၤလီၤလၢသုဘၣ်တၢ်မၤဟး ဂီၤကွံာ်သုတစုန့ၣ်လီၤ.