လံာ်သးသယုၢ်တၢ် 1:22 - Sgaw Karen Common Bible

²² အုၣ်နသးထီဒါအဝဲသ့ၣ်လၢကယဲၢ်အတၢ်တတီတလိၤတဖၣ် အဃိတက့ၢ်. စံၣ်ညီၣ်အဝဲသ့ၣ်ဒ်နစံၣ်ညီၣ်တ့ၢ်ယၤလၢယတၢ်ဒဲးဘးတဖၣ်အဃိန့ၣ် တက့ၢ်. ယကအုကစွါလၢယတၢ်နးတၢ်ဖှီၣ်အပူၤဒီးယသးဆိးက့ဝဲလီၤ.”

လံာ်သးသယုၢ်တၢ် 1:22 Iomraidhean Croise

စံးထီၣ်ပတြၢၤ 143:7

ယွၤဧၢ, မၤချ့ချ့လၢနကမၤစၢၤယၤန့ၣ်တက့ၢ်. ယတၢ်မုၢ်လၢ်လၢာ်ကွံာ်လံ. ဒ်သိးယသုတကဲထီၣ်ဒ်ပှၤလၢအလဲၤလီၤဆူ တၢ်သံအကီၢ်ပူၤတဂ့ၤဒီး, ပာ်တဒၢနမဲာ်ဒီးယၤတဂ့ၤ.

စံးထီၣ်ပတြၢၤ 79:10

ဘၣ်မနုၤလၢပှၤကလုာ်တဖၣ်ကစံးဝဲ, “အကစၢ်ယွၤအိၣ်ဖဲလဲၣ်” န့ၣ်လဲၣ်. တၢ်မၤကၣ်နခ့နပှၤအသွံၣ်လၢအလူလီၤအသးန့ၣ်, မ်အအိၣ်ဖျါလၢပှၤကလုာ်တဖၣ်အကျါလၢပမဲာ်ညါန့ၣ်တက့ၢ်.

လံာ်ယၡါယၤ 13:7

ပှၤကိးဂၤဒဲးအစုတဖၣ်ကလီၤစၢ်လီၤစဲၤဒီးပှၤကိးဂၤဒဲးအတၢ် သးဒူကဟးမၢ်ကွံာ်ဝဲလီၤ.

လံာ်ယံးရမံယၤ 10:25

ဃၣ်ဃီၤနတၢ်သးကဲၤထီၣ်ဆူပှၤကလုာ် တဖၣ်လၢတဘူၣ်ထီၣ်ဘါထီၣ်နၤအဖီခိၣ် ဒီးဆူပှၤဂီၢ်မုၢ်တဖၣ်လၢအညိကွံာ်နၤအဖီခိၣ်တက့ၢ်. အဝဲသ့ၣ်မၤသံကွံာ်နပှၤဂီၢ်မုၢ်န့ၣ်လီၤ. အဝဲသ့ၣ်မၤဟးဂီၤကွံာ်ပှၤလၢာ်လၢာ်ဆ့ဆ့ ဒီးပာ်လီၤတဲာ်တ့ၢ်ပထံပကီၢ်လၢတၢ်ဟးဂီၤအပူၤလီၤ.

လံာ်ယံးရမံယၤ 18:23

ဘၣ်ဆၣ်ဒီးယွၤဧၢ, နသ့ၣ်ညါအဝဲသ့ၣ်အတၢ်ကူၣ်ကျဲၤတဖၣ်လၢ ကမၤသံယၤအဂီၢ်န့ၣ်လီၤ. ပျၢ်ဖျဲးအဝဲသ့ၣ်အတၢ်အၢတၢ်သီမ့ၢ်ဂ့ၤ, ပျဲပူၤအဝဲသ့ၣ်လၢအတၢ်ဒဲးဘးမ့ၢ်ဂ့ၤန့ၣ်တဂ့ၤ. ကွံာ်လီၤကွံာ်အဝဲသ့ၣ်လၢအတၢ်ဃၣ်ကွံာ်အပူၤဒီးမၤအဝဲသ့ၣ် ဖဲနသးဒိၣ်ထီၣ်ဒံးအဖၢမုၢ်အံၤန့ၣ်တက့ၢ်.”

လံာ်ယံးရမံယၤ 30:16

ဘၣ်ဆၣ်ဒီး ခဲအံၤ, ပှၤလၢအအ့ၣ်အီၣ် သုခဲလၢာ် ကဘၣ်တၢ်အ့ၣ်အီၣ်ကွံာ်အီၤ, ဒီးသုဒုၣ်သုဒါခဲလၢာ်, ကဘၣ်တၢ်စိာ်ကွံာ်အီၤ ဒ်ပှၤဘၣ်တၢ်စိာ်မၢကဲကုၢ်အီၤတဖၣ် အသိးန့ၣ်လီၤ. ပှၤလၢ အမၤနးမၤဖှီၣ်သုခဲလၢာ် ကဘၣ် တၢ်မၤနးမၤဖှီၣ်အီၤ, ဒီးပှၤလၢ အဂုာ်ဆူၣ်ပျီဆူၣ်သုတၢ်ခဲလၢာ် ကဘၣ်တၢ်ဂုာ်ဆူၣ်ပျီဆူၣ်အီၤ န့ၣ်လီၤ.

လံာ်ယံးရမံယၤ 51:35

ပျဲဝ့ၢ်စံယိၣ်အပှၤဂီၢ်မုၢ်တဖၣ်စံးဝဲ, “မ်မူဒါအိၣ်လၢကီၢ်ဘၤဘူၤလိၣ်အလိၤ လၢတၢ်မၤဆူၣ်မၤစိးလၢအမၤဘၣ်တ့ၢ် ပှၤအဃိန့ၣ်တက့ၢ်. ပျဲဝ့ၢ်ယရူၤၡလ့ၣ်အပှၤဂီၢ်မုၢ်စံးဝဲ, မ်မူဒါအိၣ်လၢကီၢ်ဘၤဘူၤလိၣ်အလိၤလၢတၢ်လၢ ပတူၢ်ဘၣ်ခီၣ်ဘၣ်တ့ၢ်အဃိန့ၣ်တက့ၢ်.”

လံာ်ယံးရမံယၤ 8:18

ယတၢ်သးအုးဘၣ်တၢ်မၤမုာ်ထီၣ်အီၤတန့ၢ်ဘၣ်. ယသးလီၤဘှါလၢယပူၤလီၤ.

လံာ်သးသယုၢ်တၢ် 1:13

ဆှၢလီၤဝဲမ့ၣ်အူလၢမူခိၣ်, မ့ၣ်အူလၢအအီၣ်တၢ်လၢယပူၤန့ၣ်လီၤ. အဝဲဆဲထီၣ်ထုလၢယဂီၢ်ဒီးဒုးလီၤဃံၤယၤ လၢဟီၣ်ခိၣ်လိၤလီၤ. အန့ၣ်ဝံၤဒီးညိကွံာ်တ့ၢ်ယၤ, ဒီးပာ်တ့ၢ်ယၤလၢ တၢ်ဆါတပယူာ်ဃီအပူၤန့ၣ်လီၤ.

လံာ်သးသယုၢ်တၢ် 5:17

ပဆိးက့လၢပသူၣ်ကံၢ်သးလဲနီၢ်နီၢ်ဒီးပမဲာ်ထံတဖၣ် လီၤဆှု တုၤပထံၣ်တၢ်တသ့လၢၤဘၣ်.

လံာ်လူၤကၣ် 23:31

အဂ့ၢ်ဒ်အံၤ, တၢ်မ့ၢ်မၤအသးလၢသ့ၣ်သံကစဲာ်အခါဒ်အံၤဒီး ဖဲသ့ၣ်ဃ့ထီအခါတၢ်ကမၤသးဒ်လဲၣ်.”

အ့းဖ့းစူး 3:13

လၢတၢ်န့ၣ်အဃိ, ယဃ့ကညးသုဒ်သိးသုသးအသု တဟးဂီၤလၢယတူၢ်တၢ်လၢသုခၢၣ်စးအဃိန့ၣ်တဂ့ၤ. တၢ်ခဲလၢာ်မ့ၢ်ဒၣ်လၢသုတၢ်န့ၢ်ဘျုးန့ၢ်ဖှိၣ်အဂီၢ်လီၤ.

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”