လံာ်သးသယုၢ်တၢ် 1:17 - Sgaw Karen Common Bible

¹⁷ ယယူာ်ထီၣ်ယစုတဖၣ်ဘၣ်ဆၣ်ဒီးတမ့ၢ်လၢပှၤကမၤစၢၤယၤနီ တဂၤဘၣ်. ယွၤကိးထီၣ်တ့ၢ်ဒုၣ်ဒါတဖၣ်ဒ်သိးကထီဒါယၤကိးကပၤဒဲးလီၤ. အဝဲသ့ၣ်ပာ်ယၤဒ်တၢ်လီၤသးဘၣ်အၢတနီၤအသိးလီၤ.

လံာ်သးသယုၢ်တၢ် 1:17 Iomraidhean Croise

လံာ်စီၤပၤအခီၣ်ထံးတဘ့ၣ် 8:22

ဒီးလၢပှၤဂီၢ်မုၢ်အမဲာ်ညါန့ၣ်, စီၤၡလိၤမိၤလဲၤဂဲၤဆၢထၢၣ် လၢတၢ်လုၢ်လီၢ်အမဲာ်ညါ, ဒီးယူာ်ထီၣ်အစု, ဒီးဘါထုကဖၣ်တၢ်စံးဝဲ,

လံာ်စီၤပၤအခီၣ်ထံးတဘ့ၣ် 8:38

ဖဲတၢ်တတၢးတနါမ့တမ့ၢ်တၢ်ဆူးတၢ်ဆါအိၣ်ဝဲလၢအဝဲသ့ၣ်အကျါ မ့ၢ်ဂ့ၤန့ၣ်, ပှၤလၢနပှၤဂီၢ်မုၢ်အံၣ်စရ့လးအကျါတဂၤဂၤ, မ့ၢ်ကွၢ်ဃီၤဆူယွၤအတၢ်လုၢ်ဟံၣ်အံၤ, ယူာ်ထီၣ်အစုလၢတၢ်ထုကဖၣ်အပူၤအိၣ်ဒီးတၢ်သူၣ်ကၢ်သးလီၤန့ၣ်,

လံာ်စီၤပၤခံဘ့ၣ်တဘ့ၣ် 25:1

စီၤစံးဒကံယၤပူထီၣ်တၢ်ထီဒါကီၢ်ဘၤဘူၤလိၣ်အစီၤပၤနဘူး ကးန့စၢ်, ဒီးလၢတၢ်န့ၣ်အဃိစီၤနဘူၤကးန့စၢ်ဟဲဝဲဒီးကယဲၢ်အသုးမုၢ် ခဲလၢာ်ဒီးဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ခွံနံၣ်တနံၣ်အပူၤ, လါဆံဆဲၣ်လါတလါထီၣ်ဆံဆဲၣ်သီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, မၤထီၣ်တၢ်ဒူၣ်ဝးတရံးအီၤ,

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယၡါယၤ 54:11

ယွၤစံးဝဲ, “အိ, ဝ့ၢ်ယရူၤၡလ့ၣ်, ဝ့ၢ်လၢဘၣ်တူၢ်တၢ်, မၤစၢၤလီၤအသးတသ့ဘၣ်, ဒီးပှၤကမၤမုာ်အသးတအိၣ်နီ တဂၤဘၣ်နဲဒၣ်ဧၢ, ယကသူၣ်ထီၣ်က့ၤနတၢ်အခီၣ်ထံးတဖၣ်လၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်ယံးရမံယၤ 12:9

ယပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤဂာ်ဒီး ထိၣ်တဘ့ၣ် လၢအဘၣ်တၢ်ဖျးအီၤလၢကိးကပၤဒဲးလၢ လံာ်တဖၣ်န့ၣ်လီၤ. ကိးထီၣ်ဆၣ်ဖိကီၢ်ဖိအမံၤတဖၣ် လၢကဟဲဒီးပာ်ဖှိၣ်အသးလၢတၢ်အီၣ် အဝဲသ့ၣ်အစိၣ်တဖၣ်အဂီၢ်န့ၣ်တက့ၢ်.

လံာ်ယံးရမံယၤ 15:5

ယွၤစံးဝဲဒၣ်, “ဝ့ၢ်ယရူၤရှလ့ၣ်အပှၤဂီၢ်မုၢ်သ့ၣ်ဧၢ, မ့ၢ်မတၤ ကသးကညီၤသုလဲၣ်, ဒီးမ့ၢ်မတၤကသူၣ်အုးသးအုးလၢသုဃိန့ၣ်လဲၣ်. မ့ၢ်မတၤကအိၣ်ကတီၢ်တစိၢ်ဒီးသံကွၢ်သု, မ့ၢ်သုအိၣ်မုာ်အိၣ်ခုၣ်ကစီဒီဧါန့ၣ်လဲၣ်.

လံာ်ယံးရမံယၤ 16:6

ပှၤထူးပှၤတီၤဒီးပှၤဖှီၣ်ဖိယာ်ဖိကသံလၢထံကီၢ်အံၤအပူၤ, ဘၣ်ဆၣ် ပှၤတခူၣ်လီၤအဝဲသ့ၣ်မ့ၢ်ဂ့ၤ, ဟီၣ်တၢ်ယၢၤတၢ်လၢအဝဲသ့ၣ်အဂီၢ် မ့ၢ်ဂ့ၤနီတဂၤဘၣ်. ပှၤတဂဲာ်လီၤအသးမ့ၢ်ဂ့ၤ, လူၤအခိၣ်လၢတၢ်ဒုးနဲၣ်အတၢ်သးအုးအဃိမ့ၢ်ဂ့ၤနီတဂၤဘၣ်.

လံာ်ယံးရမံယၤ 34:22

ယကဟ့ၣ်လီၤတၢ်ကလုၢ်ဒီး အဝဲသ့ၣ်ကဟဲက့ၤကဒါက့ၤဆူ ဝ့ၢ်အံၤလီၤ. အဝဲသ့ၣ်ကထီၣ်ဒုးအီၤ, ဒီးမၤန့ၢ်အီၤ, ဒီးဒွဲၣ် အူထီၣ်ကွံာ်အီၤန့ၣ်လီၤ. ယကဒုးကဲထီၣ်ကီၢ် ယူဒၤအဝ့ၢ်တဖၣ် လၢမဲးမုၢ်ခိၣ်တတီၤဖဲ ပှၤ တအိၣ်နီတဂၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 6:3

စီၤပၤတဖၣ်ကသူၣ်ဒဲဖဲန့ၣ်ဃုာ်ဒီးအသုးမုၢ်တဖၣ်လီၤ. အဝဲသ့ၣ် ကသူၣ်ထီၣ်အဒဲတဖၣ်ဝးတရံးဝ့ၢ်န့ၣ်, ဒီးတဂၤစုာ်စုာ်ကသူၣ်ဒဲဖဲ တၢ်လီၢ်လၢအဘၣ်အသးန့ၣ်လီၤ.

လံာ်ယံးရမံယၤ 8:18

ယတၢ်သးအုးဘၣ်တၢ်မၤမုာ်ထီၣ်အီၤတန့ၢ်ဘၣ်. ယသးလီၤဘှါလၢယပူၤလီၤ.

လံာ်သးသယုၢ်တၢ် 1:16

လၢတၢ်န့ၣ်အဃိဒီးယမဲာ်ချံတဖၣ်ပုာ်ထီၣ်ယွၤလီၤလၢယမဲာ်ထံ မဲာ်နိန့ၣ်လီၤ. ပှၤမၤမုာ်ထီၣ်ယသးတသ့ဘၣ်နီတဂၤဘၣ်. ပှၤဟ့ၣ်ဆူၣ်ထီၣ်ယဂံၢ်ယဘါတသ့ဘၣ်နီတဂၤဘၣ်. ဒုၣ်ဒါတဖၣ်မၤနၢၤတ့ၢ်ယၤလံ. တၢ်တအိၣ်လီၤတဲာ်ဘၣ်ဒီးယပှၤဂီၢ် မုၢ်လၢတၢ်နီတမံၤလၢၤဘၣ်.

လံာ်သးသယုၢ်တၢ် 1:19

ယကိးထီၣ်တ့ၢ်ယဒီသိၣ်ဒီမှံၤတဖၣ်, ဘၣ်ဆၣ်ဒီးဂ့ၢ်လိာ်တ့ၢ်ဝဲ လၢကမၤစၢၤယၤအဂီၢ်လီၤ. ပှၤလုၢ်တၢ်အခိၣ်တဖၣ်ဒီးပှၤခိၣ်ပှၤနၢ်တဖၣ်သံဝဲလၢဝ့ၢ်အကျဲ တဖၣ်အပူၤ, ဖဲအဟးဃုတၢ်အီၣ်တၢ်အီလၢကဒုးမူဒံးအဝဲသ့ၣ်အဂီၢ်န့ၣ်လီၤ.

လံာ်သးသယုၢ်တၢ် 1:2

ဟီၣ်ဝဲယၢၤဝဲသီတနၤကျၢၤ, ဒီးမဲာ်ထံမဲာ်နိတဖၣ်ယွၤလီၤဝဲ လၢအဘိးပၤတဖၣ်လီၤ. ကယဲၢ်အတံၤသကိးလၢညါတဖၣ်အကျါပှၤ တအိၣ်လီၤတဲာ်ဘၣ်နီတဂၤလၢကမၤမုာ်ထီၣ်အီၤဘၣ်. အဒီသိၣ်ဒီမှံၤတဖၣ်ဟ့ၣ်လီၤကွံာ်အီၤဒီးခဲအံၤအဝဲသ့ၣ်ထီ ဒါအီၤလီၤ.

လံာ်သးသယုၢ်တၢ် 1:21

ဒိကနၣ်လၢ်ယတၢ်ကအုကစွါတက့ၢ်. ပှၤလၢကမၤမုာ်ထီၣ်ယၤတအိၣ်ဘၣ် နီတဂၤဘၣ်. ယဒုၣ်ယဒါတဖၣ်သးခုဝဲလၢနဟဲစိာ်တၢ်နးတၢ်ဖှီၣ်လၢယလိၤအဃိ လီၤ. ဟဲစိာ်မုၢ်တနံၤလၢနအၢၣ်လီၤအီလီၤတ့ၢ်ဒီးဒုးတူၢ်ဘၣ်ယဒုၣ် ယဒါတဖၣ်ဒ်ယတူၢ်ဘၣ်တၢ်အသိးတက့ၢ်.

လံာ်သးသယုၢ်တၢ် 1:8

အလၤကပီၤလီၤမၢ်ကွံာ်, အိၣ်ဘ့ၣ်ဆ့ဒၢဒီးလီၤသးဘၣ်အၢလံ. ကအုကစွါဝဲဒီးပာ်သဒၢအမဲာ်လၢတၢ်မဲာ်ဆှးအပူၤလီၤ. ဝ့ၢ်ယရူၤၡလ့ၣ်မၤဘၣ်အၢဘၣ်သီတ့ၢ်အသးဒီး တၢ်ဒဲးဘးအအၢအသီန့ၣ်လီၤ.

လံာ်သးသယုၢ်တၢ် 1:9

အတၢ်တကဆှီဘၣ်န့ၣ်ဘၣ်တၢ်ထံၣ်အီၤညီကဒၣ်, ဘၣ်ဆၣ်ဒီးတပာ်သူၣ်ပာ်သးလၢတၢ်ကစံၣ်ညီၣ်အီၤဃါမနၤအဂ့ၢ်ဘၣ်. အတၢ်လီၤပှီၢ်မ့ၢ်တၢ်လီၤပျံၤလီၤဖုးလီၤ. ပှၤမၤမုာ်ထီၣ်အီၤတသ့နီတဂၤဘၣ်. အဒုၣ်အဒါတဖၣ်မၤနၢၤတၢ်လံ. ဒီးကိးပသူထီၣ်ဝဲဆူယွၤအအိၣ်လၢတၢ်သးကညီၤအဂီၢ်လီၤ.

လံာ်သးသယုၢ်တၢ် 4:15

ပှၤဂီၢ်မုၢ်ကိးဃါတၢ်ဒီးစံး, “ဟးထီၣ်ကွံာ်တက့ၢ်. နမ့ၢ်တၢ်တကဆှီဘၣ်လီၤ. ထိးဘူးယၤတဂ့ၤ,” န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟးဝ့ၤဝီၤလၢပှၤတကလုာ်ဆူပှၤတကလုာ် ဒီးပှၤသဂၢၢ်တူၢ်လိာ်အီၤတအိၣ်ဘၣ်နီတဂၤဘၣ်.

လံာ်ဟိၤၡ့ 8:8

ကီၢ်အံၣ်စရ့လးကဲထီၣ်ဒ်ပှၤကလုာ်ဂၤတဖၣ်ဒီးအဘျုး တအိၣ်ဘၣ်ဒ်သိးဒၣ်သပၢၤလၢအသ့ၣ်ဖးတဖျၢၣ်န့ၣ်လီၤ.