လံာ်သးသယုၢ်တၢ် 1:12 - Sgaw Karen Common Bible

¹² ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်သးသယုၢ်တၢ် 1:12 Iomraidhean Croise

စံးထီၣ်ပတြၢၤ 88:16

နတၢ်သးကဲၤထီၣ်မၤသဘှံးယၤ နတၢ်ဒုးလၢ နးမးန့ၣ်မၤဟးဂီၤယၤလီၤ.

လံာ်ယၡါယၤ 13:13

ယကမၤတုၤမူခိၣ်တဖၣ်ကနိးကစုာ်ဝဲ, ဒီးဟီၣ်ခိၣ်ကဘၣ်တၢ်တြုၤ ဖျိးကွံာ်အီၤလၢအလီၢ်ဒၣ်ဝဲလၢမုၢ်တနံၤဖဲယၤ, ယွၤသ့တၢ် လၢာ်ကစၢ်ဒုးနဲၣ်ယတၢ်သးကဲၤထီၣ်န့ၣ်လီၤ.

လံာ်ယံးရမံယၤ 10:19

ဝ့ၢ်ယရူၤၡလ့ၣ်အပှၤဂီၢ်မုၢ်ကိးထီၣ်ဝဲ, “ပဘၣ်ဒိဘၣ်ထံးဆါနးမးလဲၣ်. ပပူၤလီၢ်တဖၣ်တဘျါဘၣ်. ဒီးပဆိကမိၣ်လၢတၢ်အံၤမ့ၢ်တၢ်တမံၤလၢပတူၢ်အီၤ ကဘၣ်သ့ကစီဒီန့ၣ်လီၤ.

လံာ်ယံးရမံယၤ 18:16

အဝဲသ့ၣ်ဒုးကဲထီၣ်တ့ၢ်ကီၢ်အံၤလၢတၢ် လီၤပျံၤလီၤဖုးအလီၢ်တတီၤ, လၢတၢ်ကသးဘၣ်အၢအီၤလီၤထူလီၤယိာ် အဂီၢ်န့ၣ်လီၤ. ကယဲၢ်ပှၤလၢအလဲၤခီဘၣ်ဖဲန့ၣ်, ကကမၢကမၣ်ဒီးသူၣ်ပျံၤသးဖုး လၢတၢ်လၢအဝဲသ့ၣ်ထံၣ်ဘၣ်ဝဲအဃိန့ၣ်လီၤ. အဝဲသ့ၣ်ကဂံၤဂုၤအခိၣ်လၢ တၢ်ကမၢကမၣ်အပူၤန့ၣ်လီၤ.

လံာ်ယံးရမံယၤ 30:23

ယွၤအတၢ်သးကဲၤထီၣ်မ့ၢ်ကလံၤမုၢ်, ကလံၤမုၢ်အဆူၣ်လၢ ကအူတပျုာ်တပျီၤတၢ်လၢပှၤအအၢအသီတဖၣ် အခိၣ်အဖီခိၣ် န့ၣ်လီၤ.

လံာ်ယံးရမံယၤ 30:24

တချုးလၢယွၤမၤဝံၤကွံာ် ကယဲၢ်တၢ်လၢ အဝဲတိာ်ပာ် မၤဝဲတဖၣ်ဒံးဘၣ်န့ၣ်, ကလံၤမုၢ်အံၤတဆိကတီၢ်အသး ဘၣ်. လၢမုၢ်နံၤတဖၣ်လၢ အကဟဲဝဲအပူၤန့ၣ်, အပှၤဂီၢ်မုၢ် ကနၢ်ပၢၢ်တၢ်အံၤ ထံထံဆးဆးန့ၣ်လီၤ.

လံာ်ယံးရမံယၤ 30:7

တၢ်လီၤပျံၤလီၤဖုးအမုၢ်တနံၤဟဲဝဲလံ. မုၢ်နံၤအဂၤတၢ်ထိၣ်သတြီဒီး အီၤတသ့ဘၣ်. မ့ၢ်တၢ်ဆၢကတီၢ်အကိၢ်အဂီၤလၢ ယပှၤဂီၢ်မုၢ်အဂီၢ်လီၤ. ဘၣ်ဆၣ် အဝဲသ့ၣ်ကအိၣ်မူလီၤတဲာ်ဒံးဝဲလီၤ.”

လံာ်ယံးရမံယၤ 4:8

လၢတၢ်န့ၣ်အဃိ, ကူထီၣ်ကၤထီၣ်တၢ်ကံးယာ်, ဘၣ်မိၣ်ဘၣ်မးဒီး ဟီၣ်တၢ်ယၢၤတၢ်တက့ၢ်. အဂ့ၢ်ဒ်အံၤ, ယွၤအတၢ်သးကဲၤ ဒိၣ်ထီၣ်, တဃၣ်ယံၤကွံာ်ဘၣ်အသးလၢကီၢ်ယူဒၤဘၣ်.

လံာ်ယံးရမံယၤ 48:27

ကီၢ်မိၤအးဧၢ, သ့ၣ်နီၣ်ထီၣ်က့ၤနကတိၤဆါ ကီၢ်အံၣ်စရ့လး ပှၤဂီၢ်မုၢ်ဒ်လဲၣ်န့ၣ်တက့ၢ်. နမၤတ့ၢ်အဝဲသ့ၣ်ဒ် ပှၤလၢအဘၣ်တၢ်ဖီၣ်န့ၢ် ဃုာ်အီၤဒီးတမျိၤတမျာ်အသိးန့ၣ်လီၤ.

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်သးသယုၢ်တၢ် 2:1

ယွၤ, လၢအတၢ်သးဒိၣ်အပူၤကးဘၢတ့ၢ်ကစၢၢ်စံယိၣ်လၢတၢ်ခံးတၢ် နၤလီၤ. အတၢ်ကဟုကညီၢ်ဒ်လၢမူခိၣ်အသိးန့ၣ်, ယွၤဘိးဃၣ်ကွံာ်ဝဲဆူတၢ် ဟးဂူာ်ဟးဂီၤတဖၣ်အပူၤလီၤ. လၢအတၢ်သးဒိၣ်အမုၢ်တနံၤန့ၣ်ညိကွံာ်အတၢ်လုၢ်ဟံၣ်ဒၣ်လဲာ်လီၤ.

လံာ်သးသယုၢ်တၢ် 2:13

ဝ့ၢ်ယရူၤၡလ့ၣ်, ဝ့ၢ်ယရူၤၡလ့ၣ်လၢဘၣ်တၢ်အဲၣ်အီၤဧၢ, ယစံးတၢ်မနုၤကသ့လဲၣ်. ယမၤမုာ်ထီၣ်နၤကသ့ဒ်လဲၣ်. ပှၤတတူၢ်ဘၣ်တၢ်ဒ်သိးအံၤနီတဂၤဘၣ်. နတၢ်နးတၢ်ဖှီၣ်န့ၣ်အကတၢၢ်တအိၣ်ဘၣ်ဒ်ပီၣ်လဲၣ်ဖးဒိၣ်အသိးဒီး တၢ်မုၢ်လၢ်အိၣ်ထီၣ်တသ့ဘၣ်နီတမံၤဘၣ်.

လံာ်ဒၤနံးယ့လး 9:12

နမၤတ့ၢ်တၢ်လၢနစံးတ့ၢ်နကမၤအီၤလၢပလိၤဒီးပပှၤပၢတၢ် တဖၣ်အလိၤန့ၣ်လီၤ. နစံၣ်ညီၣ်တ့ၢ်ဝ့ၢ်ယရူၤၡလ့ၣ်နးဒိၣ်န့ၢ်ဒံး ဝ့ၢ်အဂုၤအဂၤလၢဟီၣ်ခိၣ်ချၢ,

လံာ်ယိၤအ့လး 2:2

ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်မးသဲ 24:21

အဂ့ၢ်ဒ်အံၤ, အကတီၢ်ဖဲန့ၣ်အတၢ်နးတၢ်ဖှီၣ်န့ၣ်ကလီၤပျံၤလီၤဖုးဒိၣ်န့ၢ်အါန့ၢ်ဒံးတၢ်လၢ အမၤတ့ၢ်အသး, စးထီၣ်လၢဟီၣ်ခိၣ်အိၣ်ထီၣ်သီတုၤလၢမုၢ်မဆါတနံၤအံၤ, ဒီးတၢ်နးမးဒ်သိးအံၤန့ၣ်ဆူညါစ့ၢ်ကီးတမၤအသးနီတဘျီလၢၤဘၣ်.