ယူဒၤ 1:9 - Sgaw Karen Common Bible

⁹ ကလူးအခိၣ်မံၤက့လးဒၣ်လဲာ်တမၤတၢ်အံၤဘၣ်. လၢအတၢ်အ့ၣ်လိာ်အသးဒီးမုၣ်ကီၤလံၢ်အပူၤ, ဖဲအဝဲသ့ၣ်ကတိၤဂ့ၢ်လိာ်တၢ်ဘၣ်ဃးဒီးမတၤ ကဟံးန့ၢ်စီၤမိၤၡ့အစိၣ်အဂ့ၢ်န့ၣ်, မံၤက့လးကတိၤဒုၣ်ဒွဲၣ်စံးအၢမုၣ်ကီၤလံၢ်တဘူၣ်ဘၣ်. မ့မ့ၢ်တခီစံးဝဲ, “မ်ကစၢ်သိၣ်ဃီၣ်နၤတက့ၢ်.”

ယူဒၤ 1:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:17

စီၤဒၤဝံးလဲၤထီၣ်သဂၢၢ်အဝဲသ့ၣ်ဒီးစံးဝဲ, “သုမ့ၢ်ဟဲဒ်တံၤသကိးတဖၣ်လၢကမၤစၢၤယၤအဂီၢ်န့ၣ်ဒီးယတူၢ် လိာ်မုာ်သုဖဲအံၤလီၤ. အိၣ်သကိးဒီးပှၤတက့ၢ်. ဘၣ်ဆၣ်သုမ့ၢ်ဟဲဒ်သုကဟ့ၣ်လီၤယၤဆူယဒုၣ်ယဒါတဖၣ်အစုပူၤန့ၣ် ဒီးယမ့ၢ်တကျဲးစၢးမၤဆါသုဒၣ်လဲာ်န့ၣ်, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤကသ့ၣ်ညါဝဲဒီးကစံၣ်ညီၣ် သုန့ၣ်လီၤ.”

လံာ်တၢ်ဟးထီၣ်ကွံာ် 22:28

ကတိၤအၢတၢ်ဘၣ်ဃးဒီးကစၢ်ယွၤအဂ့ၢ်တဂ့ၤ. ဒီးဆိၣ်အၢသုပှၤဂီၢ်မုၢ်အခိၣ်အနၢ်တဂၤတဂ့ၤ.

လံာ်ဒၤနံးယ့လး 10:13

ကလူးလၢအပၢၤကီၢ်ပၤရၣ်အဘီအမုၢ်န့ၣ်ထီဒါယၤခံဆံတသီလီၤ. အန့ၣ်သတးဒီးမူခိၣ်ကလူးတဖၣ်အခိၣ်အဒိၣ်ကတၢၢ်မံၤက့လး ဟဲဝဲဒ်သိးကမၤစၢၤယၤလီၤ. အဂ့ၢ်ဒ်အံၤ, ယဘၣ်တၢ်ပာ်လီၤတဲာ်ကွံာ်ယၤထဲတဂၤဧိၤလၢကီၢ်ပၤရၣ်အပူၤလီၤ.

လံာ်ဒၤနံးယ့လး 10:21

ပှၤလၢအကမၤစၢၤယၤန့ၣ်မ့တမ့ၢ်ဘၣ်ကလူးလၢအပၢၤအံၣ်စရ့လး, မံၤက့လးဘၣ်ဒီး, ပှၤတအိၣ်ဘၣ်နီတဂၤဘၣ်.

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်စကၤရယၤ 3:2

ယွၤအကလူးစံးဘၣ်မုၣ်ကီၤလံၢ်, “မုၣ်ကီၤလံၢ်ဧၢ, မ်ယွၤသိၣ်ဃီၣ်နၤတက့ၢ်. မ်ယွၤလၢအအဲၣ်ဝ့ၢ်ယရူၤၡလ့ၣ်သိၣ်ဃီၣ်နၤတက့ၢ်. ပှၤတဂၤအံၤမ့ၢ်သ့ၣ်မုၣ်ခံတဘိလၢအဘၣ်တၢ်ထုးထီၣ်ကွံာ်အီၤလၢ မ့ၣ်အူပူၤလီၤ.”

လံာ်မၢ်ကူး 15:29

ပှၤလၢအလဲၤဘၣ်ဖဲန့ၣ် တဖၣ်ကတိၤဒုၣ်ဒွဲၣ်စံးအၢအီၤ, ဒီးဂံၤဂုၤအခိၣ်ဒီးစံးဝဲ, “အီၢ်, နစံးလၢနကမၤဟးဂီၤကွံာ်တၢ်လုၢ်ဟံၣ် ဒီးဘှီထီၣ်က့ၤကဒီးအီၤလၢသၢသီအတီၢ်ပူၤတမ့ၢ်ဘၣ်ဧါ.

လံာ်သိၣ်လီၤသီလီၤတၢ် 34:6

ယွၤခူၣ်လီၤကွံာ်အီၤလၢတၢ်တြီၤပူၤတတီၤလၢကီၢ်မိၤအးအပူၤ, အိၣ်သဃီၤဝဲဖဲဝ့ၢ်ဘ့ၤသပဧိၢ်အမဲာ်ညါ, ဘၣ်ဆၣ်တုၤလၢမုၢ်မဆါ တနံၤအံၤန့ၣ်, ပှၤတသ့ၣ်ညါဘၣ်တၢ်လီၢ်လီၤတံၢ်လီၤဆဲးဖဲ အဝဲဘၣ်တၢ်ခူၣ်လီၤအီၤန့ၣ်နီတဂၤဘၣ်.

၁ သ့းစၤလနံ 4:16

တၢ်ဟ့ၣ်လီၤတၢ်ကလုၢ်ကသီၣ်ထီၣ်ဖးဒိၣ်, ကလူးအဒိၣ်ကတၢၢ်အကလုၢ်ဒီးကစၢ်ယွၤအကွဲၤကသီၣ် ထီၣ်, ဒီးကစၢ်အနီၢ်ကစၢ်ဒၣ်ဝဲကဟဲလီၤလၢမူခိၣ်လီၤ. ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးခရံာ်အပူၤ တဖၣ်ကဂဲၤဆၢထၢၣ်သမူထီၣ်က့ၤအဆိကတၢၢ်န့ၣ်လီၤ.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

၂ ပ့းတရူး 2:11

ကလူးလၢအဂံၢ်ဆူၣ်ဘါဆူၣ်ဒီးအစိကမီၤဒိၣ်န့ၢ်ဒံးသရၣ် အဘျၣ်တဖၣ်အံၤဒၣ်လဲာ်, တပာ်တၢ်ကမၣ်ဒီးဒုၣ်ဒွဲၣ်အဝဲသ့ၣ်လၢကစၢ်ယွၤအမဲာ်ညါန့ၣ်ဘၣ်.

လံာ်လီၣ်ဖျါ 12:7

တုၤနုၤတစုတၢ်ဒုးတၢ်ယၤအိၣ်ထီၣ်လၢမူခိၣ်လီၤ. မံၤက့လးဒီးအကလူးတဖၣ်ဒုးတၢ်ထီဒါပယိၤ, ဒီးပယိၤဒုးဆၢအီၤဃုာ်ဒီးအကလူးတဖၣ်လီၤ.