ယူဒၤ 1:7 - Sgaw Karen Common Bible

⁷ သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

ယူဒၤ 1:7 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 18:20

ဒီးယွၤစံးဘၣ်စီၤအၤဘြၤဟၣ်, “တၢ်ဆှိးထီၣ်လီၤပျံၤလီၤ ဖုးထီဒါဝ့ၢ်စဒိၣ်ဒီးဂမိရၤန့ၣ်အိၣ်ဝဲ, ဒီးအတၢ်ဒဲးဘးန့ၣ်ဒိၣ်နီၢ်မးလီၤ.

လံာ်တၢ်ကဲထီၣ်အခီၣ်ထံး 19:5

အဝဲသ့ၣ်ကိးထီၣ်စီၤလိာ်ဒီးသံကွၢ်ဝဲ, “ပှၤပိာ်ခွါလၢအဟဲ လၢကအိၣ်ဒီးနၤတနၤအံၤတဖၣ်န့ၣ်အိၣ်ဖဲလဲၣ်. ဟဲစိာ်ထီၣ်အဝဲသ့ၣ်ဆူပအိၣ်တက့ၢ်.” ဝ့ၢ်စဒိၣ်အပှၤပိာ်ခွါသ့ၣ် တဖၣ်အဲၣ်ဒိးမံဃုာ်ဂဲၤဃုာ်ဒီးအဝဲသ့ၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:46

ကယဲၢ်ပှၤပိာ်ခွါဒီးပှၤပိာ်မုၣ်လၢအမၤတၢ်ဒ်ပှၤဃဲသဲမုၣ်တဖၣ် အသိးလၢပှၤဘါတၢ်ဂီၤတၢ်ဖီၣ်အတၢ်လုၢ်လီၢ်တဖၣ်, လၢအအိၣ်လီၤတဲာ်တ့ၢ်ဒံးလၢအဝဲအပၢ်စီၤအၤစါအမုၢ်နံၤတဖၣ် န့ၣ်, အဝဲနီၣ်ထီၣ်ကွံာ်ဝဲခဲလၢာ်န့ၣ်လီၤ.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယံးရမံယၤ 20:16

မ်အဝဲဒၣ်ကလီၤဂာ်ဒီးဝ့ၢ်တဖၣ် လၢယွၤမၤဟးဂီၤတ့ၢ်အီၤတအိၣ်ဒီးတၢ်သးကညီၤဘၣ်န့ၣ်တက့ၢ်. မ်အဝဲဒၣ်ကနၢ်ဟူဘၣ်တၢ်ဆူးတၢ်ဆါအတၢ်ကိးပသူထီၣ်လၢ ဂီၤထၢၣ်သၢအကတီၢ်ဒီးတၢ်ဒုးတၢ်ယၤအတၢ်မၤဖုး မၤပျီၢ်လၢမုၢ်ထူၣ်အကတီၢ်န့ၣ်တက့ၢ်.

လံာ်ယံးရမံယၤ 50:40

တၢ်တမံၤဃီလၢ အဘၣ်တ့ၢ်ဝ့ၢ်စဒိၣ်ဒီး ဂမိရၤဖဲ ယမၤဟးဂီၤအဝဲသ့ၣ်ဒီး ဝ့ၢ်အိၣ်ဘူးအိၣ်တံၢ်တဖၣ် န့ၣ်ကဘၣ်စ့ၢ်ကီးဘၤဘူၤလိၣ်လီၤ. ပှၤတအိၣ်လၢၤဖဲန့ၣ် နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်သးသယုၢ်တၢ် 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဆါဒိၣ်န့ၢ်ဒံးပှၤအိၣ်လၢဝ့ၢ်စဒိၣ်အပူၤ တဖၣ်, လၢအဘၣ်သဂၢၢ်ဒီးတၢ်လီၤပှီၢ်သတူၢ်ကလာ်လၢကစၢ်ယွၤအစုတဖၣ်အတၢ် မၤအဃိန့ၣ်လီၤ.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်ဧၤမိၣ် 4:11

ယမၤဟးဂီၤကွံာ်တ့ၢ်သုတနီၤနီၤဒ်ယမၤဟးဂီၤတ့ၢ်ဝ့ၢ်စဒိၣ် ဒီးဝ့ၢ်ဂမိရၤအသိးလီၤ. ဒီးသုဝဲလၢအမူတ့ၢ်တဖၣ်န့ၣ်လီၤဂာ်ဒ်သ့ၣ်မုၣ်ခံလၢတၢ်ထုး ထီၣ်ကွံာ်အီၤလၢမ့ၣ်အူအပူၤအသိးန့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်. ယွၤစံးဝဲဒၣ်.

လံာ်မးသဲ 10:15

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ်ယွၤကပာ်ဖျါထီၣ်အတၢ်သး ကညီၤလၢပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အဖီခိၣ်အါန့ၢ်ဒံး အကပာ်ဖျါဝဲလၢပှၤတဖၣ်လၢဝ့ၢ်အဝဲန့ၣ်အပူၤအဖီခိၣ်တက့ၢ်လီၤ.

လံာ်မးသဲ 11:24

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ် ယွၤကပာ်ဖျါထီၣ်အတၢ်သးကညီၤလၢဝ့ၢ်စဒိၣ် အဖီခိၣ်အါန့ၢ်အကပာ်ဖျါထီၣ်ဝဲလၢနဖီခိၣ်တက့ၢ်လီၤ.”

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်လူၤကၣ် 17:29

ဖဲမုၢ်တနံၤလၢစီၤလိာ်ဟးထီၣ်ကွံာ်လၢဝ့ၢ်စဒိၣ်န့ၣ်, တၢ်ဟဲစူၤလီၤလၢမ့ၣ်အူဒီးကးလၢမူခိၣ်, ဒီးမၤသံကွံာ်အဝဲသ့ၣ်ကိးဂၤဒဲးလီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

၂ ပ့းတရူး 2:2

အန့ၣ်ဒၣ်လဲာ်, ပှၤအါဂၤကပိာ်ထွဲအဝဲသ့ၣ်အတၢ်ကလုာ်ကလိၤအကျဲ တဖၣ်အခံ, ဒီးလၢတၢ်လၢအဝဲသ့ၣ်မၤဝဲအဃိ, ပှၤဂၤတဖၣ်ကကတိၤအၢကတိၤသီတၢ်မ့ၢ်တၢ်တီအကျဲ န့ၣ်လီၤ.

၂ ပ့းတရူး 2:6

ယွၤစံၣ်ညီၣ်ဝ့ၢ်စဒိၣ်ဒီးဝ့ၢ်ဂမိရၤဒီးမၤဟးဂီၤကွံာ်အီၤလၢ မ့ၣ်အူ, ဒီးဒုးကဲထီၣ်အီၤလၢတၢ်အဒိအတဲာ်လၢပှၤလၢ အတယူးတယီၣ်ယွၤအဂီၢ်န့ၣ်လီၤ.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.