ယူဒၤ 1:12 - Sgaw Karen Common Bible

¹² အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.

ယူဒၤ 1:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 7:20

အန့ၣ်တစုယကဟီထီၣ်ကွံာ်သုလၢထံဧိၤကီၢ်ဧိၤလၢယဟ့ၣ်လီၤတ့ၢ် သုအပူၤဒီးယကပာ်လီၤတဲာ်ကွံာ်ယွၤအတၢ်လုၢ်ဟံၣ်အံၤ, လၢယပာ်စီဆှံတ့ၢ်လံအီၤဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါ ထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုးကဲထီၣ်အီၤလၢတၢ်လီၤ နံၤဘၣ်ဖၣ်လဲအလီၢ်ဒီးပာ်အီၤဒ်တၢ်လီၤသးဘၣ်အၢအလီၢ်န့ၣ်လီၤ.

လံာ်စီၤယိၤဘး 8:17

အဂံၢ်တဖၣ်ဘံဝးတရံးလၢၢ်သ့ၣ်တဖၣ်ဒီးဟံးဃာ်ကျၢၤလၢၢ် ကိးဖျၢၣ်ဒဲးန့ၣ်လီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 37:2

အဂ့ၢ်ဒ်အံၤ, တယံာ်ဘၣ်ဒီး အဝဲသ့ၣ်ကလီၤညွံးကွံာ်ဝဲဒ်တပံၢ်အသိး ဒီးကဃ့ထီကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

တၢ်ကတိၤဒိ. 25:14

ပှၤလၢအအၢၣ်လီၤအသးလၢကဟ့ၣ်တၢ်ဒီးတဟ့ၣ်ဝဲနီတဘျီဘၣ်တဖၣ် န့ၣ်, လီၤဂာ်ဒီးတၢ်အၢၣ်တဖၣ်ဒီးကလံၤလၢတဟဲစိာ်မူခိၣ်ထံ ဘၣ်အသိးန့ၣ်လီၤ.

လံာ်ယဃ့းစက့လး 17:9

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်သံကွၢ် တၢ်န့ၣ်လီၤ. မ့ၢ်စပံးမုၢ်အံၤကဒီးဒိၣ်ထီၣ်စ့ၢ်ကီးဧါ. လံာ်ကြီကြာ်အဆိကတၢၢ်တဘ့ၣ်တထဲးထီၣ်ကွံာ်အီၤလၢအဂံၢ်, ဒ့ကွံာ်အစပံးသၣ်တဖၣ်, ဒီးမၤကၢ်ကွံာ်အဒ့တဖၣ်ဒီးပျဲအဃ့ ထီကွံာ်ဘၣ်န့ၣ်ဧါ. လၢတၢ်ကထဲးထီၣ်ကွံာ်အီၤအဂီၢ်န့ၣ်, တလိၣ်တၢ်ဂံၢ်တၢ်ဘါအါအါကဲာ်ဆိးမ့ၢ်ဂ့ၤ, ပှၤတကလုာ်လၢအဂံၢ် ဆူၣ်အဘါဆူၣ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.

လံာ်ယဃ့းစက့လး 34:18

သုဝဲတနီၤ, သုတသးမံလၢတၢ်အီၣ်ဘၣ်နီၣ်အဂ့ၤကတၢၢ် အဃိဘၣ်. သုယီၢ်တံၢ်လီၤဒၣ်လဲာ်တၢ်လၢသု အီၣ်တဖၣ်န့ၣ်လီၤ. သုအိထံအဆှံဒီးသုမၤဒုထီၣ်တၢ် လၢသုတအိအီၤန့ၣ်လီၤ.

လံာ်ယဃ့းစက့လး 34:8

ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး, ယစံးယဲ, ဂ့ၤဒိၣ် ဒၣ်တၢ်တက့ၢ်လၢသုဒိကနၣ်ယၤန့ၣ်လီၤ. ယသိဘၣ်တၢ်လူၤဖီၣ် ဆူၣ်အီၤလၢဆၣ်ဖီကီၢ်ဖိအမံၤတဖၣ်လၢမၤသံဒီးအီၣ်ကွံာ် အဝဲသ့ၣ်, မ့ၢ်လၢပှၤကွၢ်သိတအိၣ်နီတဂၤအဃိန့ၣ်လီၤ. ယပှၤကွၢ်သိတဖၣ်တဂုာ်ကျဲးစၢးဃုထံၣ်က့ၤသိတဖၣ်ဘၣ်. အဝဲသ့ၣ်အံးထွဲကွၢ်ထွဲလီၤက့ၤအသးဒၣ်ဝဲဒီး တအံးထွဲကွၢ်ထွဲသိန့ၣ်ဘၣ်.

လံာ်ဟိၤၡ့ 6:4

ဘၣ်ဆၣ်ယွၤစံးဝဲဒၣ်, ကီၢ်အံၣ်စရ့လးဒီးကီၢ်ယူဒၤဧၢ, ယကမၤတၢ်မနုၤဒီးသုန့ၣ်လဲၣ်. သုတၢ်အဲၣ်ယၤအံၤဟါမၢ်ကွံာ်ချ့ချ့ ကလဲာ်ဒ်မုၢ်ဂီၤအဘှ့ၣ်အသိး, လီၤဂာ်ဒ်ပစီၤထံလၢအလီၤမၢ် ကွံာ်လၢဂီၤထၢၣ်သၢတဂီၤအဆၢကတီၢ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:43

ဖဲလၢၢ်တဖၣ်ဘၣ်တၢ်သုးကွံာ်အီၤ, ဒီးတၢ်အဒူၣ်တဖၣ်ဘၣ်တၢ်ကွးကွံာ်အီၤဒီးမၤက့ၤအီၤအ သီဝံၤဘၣ်ဆၣ်တၢ်ဆါအၢအဃၢ်မ့ၢ်ဟဲအိၣ်ထီၣ်ကဒီးလၢဟံၣ်ပူၤန့ၣ်

လံာ်မးသဲ 13:6

ဘၣ်ဆၣ်တုၤမုၢ်ဟဲထီၣ်ဒီးဆဲးလီၤဘၣ်လၢတၢ်အမုၢ်အဘိတဖၣ် အလိၤန့ၣ်, မ့ၢ်လၢအဂံၢ်တယိာ်ဘၣ်အဃိဒီးဃ့ထီကွံာ်ဝဲလီၤ.

လံာ်မးသဲ 15:13

အဝဲစံးဆၢတၢ်ဒီးစံး, “ကယဲၢ်တၢ်မုၢ်တၢ်ဘိလၢယပၢ်လၢမူခိၣ်တဂၤ တသူၣ်လီၤဘၣ်ဝဲန့ၣ်, ကဘၣ်တၢ်ထဲးထီၣ်ကွံာ်အီၤလီၤ.

လံာ်မၢ်ကူး 4:6

တုၤမုၢ်ဟဲထီၣ်ထီထီၣ်ဒီးတၢ်ကိၢ်ဆူၣ်ထီၣ်န့ၣ်, တၢ်အမုၢ်ဖိလၢအဟဲမဲထီၣ်တဖၣ်အဂံၢ်စဲၤလီၤအသးတယိာ်ဘၣ်အဃိ, ဃ့ထီကွံာ်ဝဲဒၣ်လီၤ.

လံာ်လူၤကၣ် 12:45

ဘၣ်ဆၣ်ဒီးတၢ်ခ့တၢ်ပှၤအဝဲန့ၣ်မ့ၢ်စံးလီၤက့ၤအသး, ‘ယကစၢ်ကဟဲက့ၤအဆၢကတီၢ်ယံာ်ဒံးဝဲလီၤ. ဒီးဒိတီၢ်တၢ်ခ့တၢ်ပှၤပိာ်မုၣ်ပိာ်ခွါခဲလၢာ်, ဒီးအီၣ်တၢ်ဒီးအီတၢ်ဒီးအီမူၤအသးန့ၣ်,

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

လံာ်လူၤကၣ် 8:6

တနီၤလီၤဘၣ်လၢလၢၢ်ခိၣ်, ဒီးဖဲတၢ်မုၢ်တၢ်ဘိတဖၣ်မဲထီၣ်န့ၣ်, မ့ၢ်လၢဟီၣ်ခိၣ်တစုၣ်စီၣ်ဘၣ်အဃိ, အဝဲသ့ၣ်ဃ့ထီကွံာ်ဝဲဒၣ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

၁ တံၤမသ့း 5:6

မ့မ့ၢ်, မုၣ်ကမဲတဂၤလၢအဃုအတၢ်မုာ်တၢ်လၤဒၣ်ဝဲန့ၣ်, မူဘၣ်ဆၣ်ဒီးသံဝဲလံန့ၣ်လီၤ.

ဧ့ၤဘြံၤ 13:9

တဘၣ်ပျဲတၢ်သိၣ်လိအကလုာ်ကလုာ်ဒီးအလီၤတိၢ်လီၤဆီ တဖၣ်ထုးဝ့ၤဝီၤသုတဂ့ၤ. အဂ့ၢ်ဒ်အံၤ, ဂ့ၤဝဲလၢပဒိးန့ၢ်တၢ်ဂံၢ်တၢ်ဘါဘၣ်ဃးဒီးသူၣ်ဒီးသးလၢ ကစၢ်ယွၤအဘျုးအဖှိၣ်ဒီးတမ့ၢ်ဘၣ်လၢတၢ်အီၣ်တၢ်အီ အတၢ်သိၣ်တၢ်ဘျၢန့ၣ်ဘၣ်. အဂ့ၢ်မ့ၢ်လၢပှၤလၢစူၢ်တၢ်ဘျၢ တဖၣ်အံၤန့ၣ်, တန့ၢ်ဘျုးန့ၢ်ဖှိၣ်ဘၣ်ဝဲဘၣ်.

ယၤကိာ် 5:5

သုတၢ်အိၣ်မူလၢဟီၣ်ခိၣ်အံၤပှဲၤဒီးဟီၣ်ခိၣ်အတၢ်မုာ်တၢ် ပၢၤဒီးအတၢ်မုာ်လၤသးဖှံလီၤ. သုမၤဘီၣ်ထီၣ်သိထီၣ်သုသးလၢတၢ်မၤသံသုအမုၢ်တနံၤ အဂီၢ်လီၤ.