ယူဒၤ 1:1 - Sgaw Karen Common Bible

¹ လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,

ယူဒၤ 1:1 Iomraidhean Croise

လံာ်မးသဲ 10:3

စီၤဖံလံးပူးဒီးစီၤဘၢ်သလီးမဲ, စီၤသိၤမါဒီးပှၤဃ့သွဲ ဖိစီၤမးသဲ, စီၤယၤကိာ်လၢအမ့ၢ်စီၤအၤလဖဲအဖိခွါ, ဒီးစီၤလ့းဘဲကိးဝဲအမံၤသီလၢစီၤသးဒဲ,

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မၢ်ကူး 3:18

စီၤအၣ်ဒရ့း, စီၤဖံလံးပူး, စီၤဘၢ်သလီးမဲ, စီၤမးသဲ, စီၤသိၤမါ, စီၤအၤလဖဲအဖိခွါစီၤယၤကိာ်, စီၤသးဒဲ, ပှၤအဲၣ်အထံအကီၢ်စီၤၡံမိၣ်,

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်လူၤကၣ် 6:16

စီၤယၤကိာ်အဖိခွါစီၤယူဒၤ, ဒီးစီၤယူဒၤအံၣ်စကၤရံၤအိာ် လၢအကဲထီၣ်ပှၤဆါလီၤကွံာ်ယ့ၣ်ၡူးတဂၤန့ၣ်လီၤ.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 14:22

စီၤယူဒၤ (လၢအတမ့ၢ်စီၤယူဒၤအံၣ်စကၤရံၤအိာ်တဂၤ) စံးဝဲဒၣ်, “ကစၢ်ဧၢ, နကဒုးနဲၣ်နသးလၢပဝဲဒၣ်တဖၣ်အံၤဒီး တမ့ၢ်ဘၣ်လၢပှၤဟီၣ်ခိၣ်ဖိဘၣ်န့ၣ်, မၤအသးကသ့ဒ်လဲၣ်.”

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 17:15

ယတဃ့နၤဒ်သိးနကထုးထီၣ်ကွံာ်အဝဲသ့ၣ်လၢ ဟီၣ်ခိၣ်ချၢအဂီၢ်န့ၣ်ဘၣ်. မ့မ့ၢ်, ယဃ့နၤလၢနကအံးကွၢ်ကဟုကယာ်အဝဲသ့ၣ်ဒ်သိး အကပူၤဖျဲးဒီးတၢ်အၢတၢ်သီတဂၤအဂီၢ်န့ၣ်လီၤ.

လံာ်ယိၤဟၣ် 17:17

မၤစီဆှံထီၣ်အဝဲသ့ၣ်လၢနဂီၢ်ဒၣ်နဲခီဖျိတၢ်မ့ၢ်တၢ်တီ တက့ၢ်. နကလုၢ်နကထါန့ၣ်, မ့ၢ်တၢ်မ့ၢ်တၢ်တီလီၤ.

လံာ်ယိၤဟၣ် 17:19

ယပာ်စီဆှံယသးလၢအဝဲသ့ၣ်အဂီၢ်, ဒ်သိးအဝဲသ့ၣ်စ့ၢ်ကီးကပာ်စီဆှံအသးနီၢ်နီၢ်အဂီၢ်န့ၣ်လီၤ.

လံာ်ယိၤဟၣ် 6:39

ဒီးပှၤလၢအမၢလီၤယၤတဂၤဘၣ်အသးလၢယကမၤဒ်သိး ပှၤလၢအဝဲဟ့ၣ်လီၤယၤတဖၣ်အသုတလီၤမၢ်ကွံာ်နီတဂၤ တဂ့ၤ. ဒီးလၢယကဒုးဂဲၤဆၢထၢၣ်က့ၤအဝဲသ့ၣ်ခဲလၢာ်ဆူ တၢ်မူလၢမုၢ်နံၤခံကတၢၢ်န့ၣ်လီၤ.

မၤတၢ် 1:13

တုၤအက့ၤတုၤလၢဝ့ၢ်ယရူၤရှလ့ၣ်န့ၣ်ဒီး, အဝဲသ့ၣ်လဲၤထီၣ်ဝဲဆူဒၢးတဖျၢၣ်အပူၤလၢဟံၣ်ထးခီတဆီ, ဒၢးတဖျၢၣ်ဃီလၢအဝဲသ့ၣ်အိၣ်ဆိးဝဲတစိၢ်တလီၢ်လၢအပူၤ န့ၣ်လီၤ. ပှၤအိၣ်ဖဲန့ၣ်တဖၣ်မ့ၢ်ဝဲစီၤပ့းတရူး, စီၤယိၤဟၣ်, စီၤယၤကိာ်, စီၤအၣ်ဒရ့း, စီၤဖံလံးပူး, စီၤသိၤမါ, စီၤဘၢ်သလီးမဲ, စီၤမးသဲ, စီၤအၤလဖဲအဖိခွါစီၤယၤကိာ်, ပှၤအဲၣ်အထံအကီၢ်စီၤၡံမိၣ်, ဒီးစီၤယၤကိာ်အဖိခွါ စီၤယူဒၤတဖၣ်လီၤ.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

ရိမ့ၤ 1:1

လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

ရိမ့ၤ 1:6

တၢ်အံၤပၣ်ဃုာ်ဒီးသုဝဲလၢအအိၣ်လၢဝ့ၢ်ရိမ့ၤအပူၤ တဖၣ်, လၢကစၢ်ယွၤကိးထီၣ်တ့ၢ်အီၤဒ်သိးအကဘၣ် ဃးက့ၤဒီးယ့ၣ်ၡူးခရံာ်အဂီၢ်န့ၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

ရိမ့ၤ 9:24

အဂ့ၢ်ဒ်လဲၣ်န့ၣ်, ပမ့ၢ်ပှၤတဖၣ်လၢအဝဲကိးထီၣ်ဝဲ, တမ့ၢ်ထဲလၢပှၤယူဒၤဖိတဖၣ်အကျါဘၣ်. မ့မ့ၢ်လၢပှၤကလုာ်ဂၤတဖၣ်အကျါစ့ၢ်ကီးန့ၣ်လီၤ.

1 ကရံၣ်သူး 1:2

ဆူကစၢ်ယွၤအတၢ်အိၣ်ဖှိၣ်လၢအအိၣ်ဝဲဖဲဝ့ၢ်ကရံၣ်သူး, ဆူကယဲၢ်ပှၤလၢအဘၣ်တၢ်ကိးအီၤဒ်သိးအကကဲထီၣ်ကစၢ်ယွၤ အပှၤဂီၢ်မုၢ်စီဆှံ, လၢအဘၣ်ဃးဒီးအီၤလၢတၢ်ပာ်ဖှိၣ်ဃုာ်သး တပူၤဃီဒီးယ့ၣ်ၡူးခရံာ်အပူၤ, ပၣ်ဃုာ်ဒီးကယဲၢ်ပှၤအိၣ်လၢတၢ်လီၢ်ကိးပူၤဒဲးလၢအဘူၣ်ထီၣ်ဘါ ထီၣ်ပကစၢ်ယ့ၣ်ၡူးခရံာ်, အဝဲသ့ၣ်အကစၢ်ဒီးပကစၢ်တဂၤ, အအိၣ်

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

၁ သ့းစၤလနံ 2:12

ပဟ့ၣ်ဆူၣ်ဒီးမၤမုာ်ထီၣ်သုသး, ဒီးပသဆၣ်ထီၣ်သုခံတဘိ ယူၢ်ဃီ, ဒ်သိးသုကအိၣ်မူတၢ်အိၣ်မူလၢအဘၣ်ကစၢ်ယွၤအသး, ယွၤလၢအကိးဃီၤသုဒ်သိးသုကဒိးန့ၢ်ဃုာ်သကိးအဝဲအဘီ အမုၢ်ဒီးအလၤကပီၤဒၣ်ဝဲန့ၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

ယူဒၤ 1:21

ဒီးဟံးဃာ်ပၢၤဃာ်သုသးလၢကစၢ်ယွၤအတၢ်အဲၣ်တၢ်ကွံ အပူၤ, ဖဲသုအိၣ်ခိးပကစၢ်ယ့ၣ်ၡူးခရံာ်ကဟ့ၣ်လီၤသုတၢ်မူ အထူအယိာ်လၢအတၢ်သးကညီၤဒၣ်ဝဲအပူၤအခါန့ၣ်တက့ၢ်.

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.