လံာ်စီၤယိၤၡူ 9:8 - Sgaw Karen Common Bible

⁸ အဝဲသ့ၣ်စံးဘၣ်စီၤယိၤၡူ, “ပမ့ၢ်နခ့နပှၤတဖၣ်လီၤ.” ဒီးစီၤယိၤၡူစံးဘၣ်အဝဲသ့ၣ်, “သုမ့ၢ်မတၤတဖၣ်လဲၣ်. ဒီးသုဟဲဖဲလဲၣ်ခီလဲၣ်.”

လံာ်စီၤယိၤၡူ 9:8 Iomraidhean Croise

လံာ်စီၤပၤခံဘ့ၣ်တဘ့ၣ် 10:5

လၢတၢ်န့ၣ်အဃိပဒိၣ်လၢအအိၣ်မူအိၣ်ဒါလၢနူၢ်ပူၤစီၤပူၤဒီး ပဒိၣ်လၢအအိၣ်ဒီးမူဒါလၢဝ့ၢ်အဖီခိၣ်ဃုာ်ဒီးခူဖိဝ့ၢ်ဖိ အတူၢ်ဒိၣ်ကီၤဒိၣ်တဖၣ်, ဒီးပှၤကွၢ်ထွဲတၢ်တဖၣ်, ဆှၢလီၤတၢ်ကစီၣ်အံၤဆူစီၤယ့ၤဟူအအိၣ်စံးဝဲ, “ပမ့ၢ်နခ့နပှၤတဖၣ်ဒီးပအိၣ်ကတဲာ်ကတီၤပသးလၢ ပကမၤကယဲၢ်တၢ်လၢနစံးဘၣ်ပှၤတမံၤလၢ်လၢ်န့ၣ်လီၤ. ဘၣ်ဆၣ်ပတပာ်ထီၣ်ပှၤနီတဂၤလၢစီၤပၤန့ၣ်ဘၣ်. မၤတၢ်တမံၤလၢ်လၢ်လၢနဆိကမိၣ်လၢအမ့ၢ်တၢ်အဂ့ၤကတၢၢ်န့ၣ် တက့ၢ်.”

လံာ်သိၣ်လီၤသီလီၤတၢ် 20:11

အဝဲသ့ၣ်မ့ၢ်အိးထီၣ်အတြဲၤတဖၣ်ဒီးဟ့ၣ်လီၤအသးန့ၣ်, အဝဲသ့ၣ်ခဲလၢာ်ကဘၣ်ကဲထီၣ်သုကုၢ်သုပှၤတဖၣ်ဒီးမၤန့ၢ်သုတၢ် မၤလၢတၢ်မၢဆူၣ်အီၤန့ၣ်လီၤ.

လံာ်စီၤယိၤၡူ 10:6

ဒီးပှၤကံးဘိၣ်ဖိတဖၣ်ဆှၢလီၤတၢ် ကစီၣ်ဆူစီၤယိၤၡူလၢအသူၣ်ဒဲလၢဝ့ၢ်ကံးလကၤလးအအိၣ်ဒီးစံး ဝဲ, “တဘၣ်ပာ်တီၢ်ပှၤတဂ့ၤ. ဟဲတဘျီဃီဒီးမၤစၢၤပှၤတက့ၢ်. ဟဲမၤပူၤဖျဲးပှၤလၢပှၤအမိၢ်ဖိအစီၤပၤလၢအအိၣ်လၢကစၢၢ်ခံကလိ လိၤလၢအပာ်ဖှိၣ်အသးဒီးဒုးတၢ်ဒီးပှၤတဖၣ်အစုပူၤတက့ၢ်.”

လံာ်စီၤယိၤၡူ 9:11

ဒီးပခိၣ်ပနၢ်တဖၣ်ဒီးကယဲၢ်မ့ၢ်ပှၤအိၣ်လၢပကီၢ်ပူၤ ခဲလၢာ်စံးဘၣ်ပှၤလၢပကဟံးန့ၢ်တၢ်အီၣ်တၢ်အီလၢပတၢ်လဲၤထံၣ် လိာ်သုအဂီၢ်ဒီးစံးဘၣ်သု, ပမ့ၢ်သုခ့သုပှၤတဖၣ်လီၤ. အခဲအံၤမၤတၢ်အၢၣ်လီၤအီလီၤဒီးပှၤတက့ၢ်.

လံာ်စီၤယိၤၡူ 9:23

မ့ၢ်လၢသုမၤတၢ်ဒ်အံၤအဃိ, သုဘၣ်တၢ်ဆိၣ်အၢဒီးသုကမ့ၢ်ဒၣ်ကုၢ်ထီဘိဒီးသုကဘၣ်ကျီ သ့ၣ်မုၣ်ဒီးဒၢၣ်ထံလၢယကစၢ်ယွၤအဟံၣ်အဂီၢ်န့ၣ်လီၤ.”

လံာ်စီၤယိၤၡူ 9:25

ဒီး, ကွၢ်ကွၢ်, ခဲအံၤပအိၣ်လၢနစုပူၤလီၤ. တၢ်လၢနဆိက မိၣ်လၢအဘၣ်ဒီးဂ့ၤလၢနမဲာ်န့ၣ်, မၤဘၣ်ပှၤတက့ၢ်.”

လံာ်စီၤယိၤၡူ 9:27

ဘၣ်ဆၣ်ဒီး, တကတီၢ်ဃီန့ၣ်အဝဲဒုးကဲထီၣ်အဝဲသ့ၣ်လၢကုၢ်တဖၣ် လၢအကျီသ့ၣ်မုၣ်ဒီးဒၢၣ်ထံလၢပှၤအံၣ်စရ့လးဖိတဖၣ်အဂီၢ်ဒီး လၢယွၤအတၢ်လုၢ်လီၢ်အဂီၢ်န့ၣ်လီၤ. အဝဲသ့ၣ်မၤတၢ်မၤအံၤတုၤလီၤလၢမုၢ်မဆါတနံၤအံၤလၢတၢ်လီၢ် ဖဲယွၤဃုထၢလၢပှၤကဘူၣ်ထီၣ်ဘါထီၣ်အီၤအဂီၢ်န့ၣ်လီၤ.