လံာ်စီၤယိၤၡူ 9:5 - Sgaw Karen Common Bible

⁵ အဝဲသ့ၣ်ကူကၤထီၣ်တၢ်ကူတၢ်ကၤအလီၢ်လံၤဖီဃးတဖၣ်ဒီးခီၣ်ဖံး လၢအဘၣ်တၢ်ဆးကျးအီၤ, ဒီးကိၣ်လၢအစိာ်ဝဲလၢအသကိးစ့ၢ်ကီးဃ့ထီဒီးကုၤထီၣ်ဝဲ လီၤ.

လံာ်စီၤယိၤၡူ 9:5 Iomraidhean Croise

လံာ်လူၤကၣ် 15:22

ဘၣ်ဆၣ်ဒီးပၢ်ကိးဃီၤအတၢ်ခ့တၢ်ပှၤတဖၣ်ဒီးစံး, ‘မၤချ့ချ့တက့ၢ်. ဟဲစိာ်ဆ့ကၤဖးထီအဂ့ၤကတၢၢ်တဘ့ၣ်ဒီးဒုးကၤထီၣ်အီၤတက့ၢ်. ဖျီၣ်လီၤပသံးတဘိလၢအစုမုၢ်လိၤဒီးဒုးဒိးထီၣ်အီၤခီၣ်ဖံးတက့ၢ်.

လံာ်သိၣ်လီၤသီလီၤတၢ် 29:5

လၢအနံၣ်လွံၢ်ဆံအတီၢ်ပူၤ, ယွၤဆှၢတ့ၢ်သုခီဖျိပှၢ်မုၢ်ကနၢ, ဒီးသုကူသုသိးဒီးသုခီၣ်ဖံးတဖၣ်တလီၢ်လံၤကွံာ်ဘၣ်.

လံာ်သိၣ်လီၤသီလီၤတၢ် 33:25

မ်အဝဲအဝ့ၢ်တဖၣ်ဘၣ်တၢ်ဒီဒၣ်အီၤလၢထးတြဲၤ ဖးဒိၣ်တဖၣ်, ဒီးမ်အဝဲအိၣ်မူထီဘိလၢတၢ်ဘံၣ်တၢ်ဘၢအပူၤ န့ၣ်တက့ၢ်.”

လံာ်စီၤယိၤၡူ 9:12

ကွၢ်ပကိၣ်တက့ၢ်. ဖဲပဟးထီၣ်လၢပဟံၣ်လၢပကထံၣ်လိာ်ပသးဒီးသုအဂီၢ်န့ၣ်, ပကိၣ်အံၤလၢၤဒံးဝဲအဖၢလီၤ. ဘၣ်ဆၣ်ကွၢ်တက့ၢ်. အခဲအံၤဃ့ထီဒီးကုၤထီၣ်လံ.

လံာ်စီၤယိၤၡူ 9:13

ဖဲပမၤပှဲၤစပံးထံဒၢတၢ်ဖံးတဖၣ်အံၤအခါ, မ့ၢ်တၢ်အသီလီၤ. ဘၣ်ဆၣ်ကွၢ်တက့ၢ်. ယာ်လၢာ်လံ. ပကူပကၤဒီးပခီၣ်ဖံးတ ဖၣ်စ့ၢ်ကီးလီၢ်လံၤဒီးယာ်ကွံာ်လၢပတၢ်ဟဲယံၤဝဲအဃိလီၤ.”

လံာ်စီၤယိၤၡူ 9:4

ဒီးအဝဲသ့ၣ်ပာ်လီၤအသးလၢကလီန့ၢ်အီၤလီၤ. အဝဲသ့ၣ်လဲၤစိာ်တၢ်အီၣ်တနီၤ, ဒီးတီၣ်ထီၣ်ထၢၣ်လီၢ်လံၤဒီး စပံးထံအဒၢလီၢ်လံၤတဖၣ်လၢအကသ့ၣ်ယီၤတဖၣ်အလိၤဒီးလဲၤတၢ်လီၤ.

လံာ်စီၤယိၤၡူ 9:6

ဝံၤဒီးအဝဲသ့ၣ်လဲၤဝဲဆူသူၣ်ဒဲ အလီၢ်လၢဝ့ၢ်ကံးလကၤလးဒီးစံးဘၣ်စီၤယိၤၡူဒီးပှၤအံၣ်စရ့လးဖိတဖၣ်, “ပဟဲလၢကီၢ်လၢအယံၤတဘ့ၣ်လီၤ. ပအဲၣ်ဒိးလၢနကမၤတၢ်အၢၣ်လီၤအီ လီၤဒီးပှၤလီၤ.”