လံာ်စီၤယိၤၡူ 9:4 - Sgaw Karen Common Bible

⁴ ဒီးအဝဲသ့ၣ်ပာ်လီၤအသးလၢကလီန့ၢ်အီၤလီၤ. အဝဲသ့ၣ်လဲၤစိာ်တၢ်အီၣ်တနီၤ, ဒီးတီၣ်ထီၣ်ထၢၣ်လီၢ်လံၤဒီး စပံးထံအဒၢလီၢ်လံၤတဖၣ်လၢအကသ့ၣ်ယီၤတဖၣ်အလိၤဒီးလဲၤတၢ်လီၤ.

လံာ်စီၤယိၤၡူ 9:4 Iomraidhean Croise

လံာ်တၢ်ကဲထီၣ်အခီၣ်ထံး 34:13

မ့ၢ်လၢစီၤၡက့ၣ်မၤမဲာ်ဆှးတ့ၢ်လံအဝဲသ့ၣ်အဒီပုၢ်ဝဲၢ်မုၣ် နီၢ်ဒံနၤအဃိဒီးစီၤယၤကိာ်အဖိခွါတဖၣ်စံးဆၢစီၤၡက့ၣ်ဒီး အပၢ်စီၤဃမိၢ်လၢတၢ်လီတၢ်ဝ့ၤအပူၤန့ၣ်လီၤ.

စံးထီၣ်ပတြၢၤ 119:83

အဂ့ၢ်ဒ်အံၤ, ယမၤယသးဒ်ထံဒၢတၢ်ဖံးလၢ မ့ၣ်အူခုၣ်အပူၤအသိးန့ၣ်လီၤ. နာ်သက့ယတသးပ့ၤနီၣ် နတၢ်မၤလိာ်တဖၣ်န့ၣ်ဘၣ်.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်မးသဲ 9:17

ပှၤတဒၢနုာ်စ့ၢ်ကီးစပံးထံအသီလၢထံဒၢတၢ်ဖံးအလီၢ်လံၤအပူၤနီ တဂၤဘၣ်. အဂ့ၢ်ဒ်အံၤ, စပံးထံဒၢကပိၢ်ဖးဒီးစပံးထံကလီၤဂၢ်ကွံာ်ဒီး ထံဒၢတၢ်ဖံးစ့ၢ်ကီးကဟးဂီၤကွံာ်ဝဲလီၤ. မ့မ့ၢ်စပံးထံအသီန့ၣ်ပှၤဒၢနုာ်အီၤ လၢထံဒၢတၢ်ဖံးအသီအပူၤသတးဒီး, စပံးထံဒီးထံဒၢတၢ်ဖံးန့ၣ်တဟးဂီၤကွံာ်နီတခါဘၣ်န့ၣ်လီၤ.”

လံာ်မၢ်ကူး 2:22

စပံးထံအသီစ့ၢ်ကီး, ပှၤတဒၢနုာ်အီၤလၢထံဒၢတၢ်ဖံးလီၢ်လံၤတဖၣ်အပူၤနီတဂၤဘၣ်. မ့ၢ်ဒၢနုာ်ဝဲဒီး, စပံးထံန့ၣ်ကမၤပိၢ်ဖးကွံာ်ထံဒၢတၢ်ဖံးတဖၣ်လီၤ. အန့ၣ်ဒီး, စပံးထံဒီးထံဒၢတၢ်ဖံးတဖၣ်ကဟးဂီၤကွံာ်ခံမံၤလၢာ်လီၤ. မ့မ့ၢ်တခီ, စပံးထံအသီန့ၣ်ပှၤဘၣ်ဒၢနုာ်အီၤလၢထံဒၢတၢ်ဖံးအသီတဖၣ် အပူၤလီၤ.”

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

လံာ်စီၤယိၤၡူ 9:12

ကွၢ်ပကိၣ်တက့ၢ်. ဖဲပဟးထီၣ်လၢပဟံၣ်လၢပကထံၣ်လိာ်ပသးဒီးသုအဂီၢ်န့ၣ်, ပကိၣ်အံၤလၢၤဒံးဝဲအဖၢလီၤ. ဘၣ်ဆၣ်ကွၢ်တက့ၢ်. အခဲအံၤဃ့ထီဒီးကုၤထီၣ်လံ.

လံာ်စီၤယိၤၡူ 9:13

ဖဲပမၤပှဲၤစပံးထံဒၢတၢ်ဖံးတဖၣ်အံၤအခါ, မ့ၢ်တၢ်အသီလီၤ. ဘၣ်ဆၣ်ကွၢ်တက့ၢ်. ယာ်လၢာ်လံ. ပကူပကၤဒီးပခီၣ်ဖံးတ ဖၣ်စ့ၢ်ကီးလီၢ်လံၤဒီးယာ်ကွံာ်လၢပတၢ်ဟဲယံၤဝဲအဃိလီၤ.”

လံာ်စီၤယိၤၡူ 9:3

ဘၣ်ဆၣ်ဒီးပှၤကံးဘိၣ်ဖိလၢအမ့ၢ် ပှၤဃံၤဝံဖိတဖၣ်နၢ်ဟူတၢ်လၢစီၤယိၤၡူမၤတ့ၢ်ဘၣ်ဝ့ၢ်ယရံၤဃိဒီးဝ့ၢ်ဂဲ,

လံာ်စီၤယိၤၡူ 9:5

အဝဲသ့ၣ်ကူကၤထီၣ်တၢ်ကူတၢ်ကၤအလီၢ်လံၤဖီဃးတဖၣ်ဒီးခီၣ်ဖံး လၢအဘၣ်တၢ်ဆးကျးအီၤ, ဒီးကိၣ်လၢအစိာ်ဝဲလၢအသကိးစ့ၢ်ကီးဃ့ထီဒီးကုၤထီၣ်ဝဲ လီၤ.