လံာ်စီၤယိၤၡူ 9:3 - Sgaw Karen Common Bible

³ ဘၣ်ဆၣ်ဒီးပှၤကံးဘိၣ်ဖိလၢအမ့ၢ် ပှၤဃံၤဝံဖိတဖၣ်နၢ်ဟူတၢ်လၢစီၤယိၤၡူမၤတ့ၢ်ဘၣ်ဝ့ၢ်ယရံၤဃိဒီးဝ့ၢ်ဂဲ,

လံာ်စီၤယိၤၡူ 9:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:12

စီၤအဘံန့ၢ်ဒီးစီၤပၤအံၤၡဘိၡ့းအပဒိၣ်ပပှၢ်တဖၣ်ဟးထီၣ်လၢ ဝ့ၢ်မၤဃန့ၤဒီးလဲၤဆူဝ့ၢ်ကံးဘိၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:4

ပှၤကံးဘိၣ်ဖိစီၤယံးၡမၤယၤ, ပှၤသုးဖိလၢအမံၤဟူသၣ်ဖျါ တဂၤဒီးခိၣ်နၢ်လၢပှၤအဂၤသၢဆံအကျါတဂၤ, ပှၤကဒ့ရၤသးဖိစီၤယံးရမံယၤ, စီၤယၤဃစအ့လး, စီၤယိဃၤနၣ်ဒီးစီၤယိၤစၤဘး,

လံာ်ကွဲးနီၣ်တၢ်ခံဘ့ၣ်တဘ့ၣ် 1:3

မၤလိာ်ဝဲလၢအဝဲသ့ၣ်ကလဲၤသကိးတၢ်ဒီးအီၤဆူတၢ်ဘူၣ်ထီၣ်ဘါ ထီၣ်ယွၤအလီၢ်လၢအအိၣ်လၢဝ့ၢ်ကံးဘိၣ်န့ၣ်လီၤ. အဝဲသ့ၣ်လဲၤတၢ်ဖဲန့ၣ်မ့ၢ်လၢတၢ်လီၢ်န့ၣ်မ့ၢ်တၢ်လီၢ်ဖဲယွၤအဒဲ စီဆှံလၢယွၤအိၣ်ဝဲ, အိၣ်သူၣ်လီၤတ့ၢ်အသးအဃိလီၤ. ဒဲန့ၣ်မ့ၢ်ဒဲတဖျၢၣ်လၢယွၤအခ့အပှၤစီၤမိၤၡ့သူၣ်ထီၣ်တ့ၢ် အီၤလၢပှၢ်မုၢ်ကနၢအပူၤန့ၣ်လီၤ.

လံာ်ယံးရမံယၤ 28:1

တနံၣ်ဃီအဝဲန့ၣ်, လၢစီၤစံးဒယံယၤကဲထီၣ်သီစီၤပၤပှဲၤထီၣ် လွံၢ်နံၣ်တနံၣ်, လၢလါယဲၢ်လါတလါအပူၤန့ၣ်, ပှၤဝ့ၢ်ကံး ဘိၣ်ဖိ စီၤဧၤစူၢ်အဖိခွါ ဝံဃနၤနယၤကတိၤတၢ်ဒီး ယၤလၢယွၤအတၢ်လုၢ်ဟံၣ်အပူၤန့ၣ်လီၤ. လၢပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်အမဲာ်ညါန့ၣ်, အဝဲဒၣ်တဲဘၣ်ယၤလၢ,

လံာ်စီၤယိၤၡူ 10:1

တုၤဝ့ၢ်ယရူၤၡလ့ၣ်အစီၤပၤအဒိၤနံၤစ့ဒ့းနၢ်ဟူဝဲလၢစီၤယိၤၡူ မၤန့ၢ်ဒီးမၤဟးဂီၤဝ့ၢ်ဂဲလၢာ်လၢာ်ဆ့ဆ့ဒီးမၤသံအစီၤပၤဒ်အ မၤတ့ၢ်ဝဲလၢဝ့ၢ်ယရံၤဃိဒီးအစီၤပၤအသိး, ဒီးပှၤကံးဘိၣ်ဖိ တဖၣ်မၤဃူမၤဖိးအသးဒီးပှၤ အံၣ်စရ့လးဖိတဖၣ်ဒီးအိၣ်ဆိးလၢအဝဲသ့ၣ်အကျါလံန့ၣ်,

လံာ်စီၤယိၤၡူ 10:2

ပှၤဝ့ၢ်ယရူၤၡလ့ၣ်ဖိတဖၣ်ပျံၤ တၢ်ဖုးတၢ်ဒိၣ်မးလၢတၢ်ဂ့ၢ်အံၤအဃိန့ၣ်လီၤ. အဂ့ၢ်မ့ၢ်လၢကံးဘိၣ်မ့ၢ်ဝ့ၢ်လၢအဒိၣ်ထဲသိးဝ့ၢ်အဂၤတဖၣ်လၢ အအိၣ်ဒီးအစီၤပၤ, ဒီးမ့ၢ်ဝ့ၢ်လၢအဒိၣ်န့ၢ်ဒံးဝ့ၢ်ဂဲဒီးအပှၤတဖၣ်မ့ၢ်ပှၤလၢ အဒုးတၢ်သ့အဃိန့ၣ်လီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:30

ဒီးယွၤဟ့ၣ်လီၤစ့ၢ်ကီးဝ့ၢ်လံးဘနၤဒီးအစီၤပၤဆူပှၤအံၣ်စရ့လးဖိအစု ပူၤန့ၣ်လီၤ. အဝဲသ့ၣ်တဒုးပူၤဖျဲးပှၤနီတဂၤဘၣ်ဒီးမၤသံပှၤခဲ လၢာ်လၢဝ့ၢ်ပူၤန့ၣ်လီၤ. ဒ်အဝဲသ့ၣ်မၤတ့ၢ်ဝ့ၢ်ယရံၤဃိအစီၤပၤအသိး, မၤဝ့ၢ်လံးဘနၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 11:19

ဝ့ၢ်ထဲတဝ့ၢ်ဧိၤလၢအမၤတၢ်ဃူတၢ်ဖိး ဒီးပှၤအံၣ်စရ့လးဖိတဖၣ်န့ၣ်မ့ၢ်ဝ့ၢ်ကံးဘိၣ်, ဖဲပှၤဃံၤဝံဖိတနီၤအိၣ်ဝဲန့ၣ်လီၤ. မ့မ့ၢ်ဝ့ၢ်အဂၤတဖၣ်ဘၣ်တၢ်ဒုးန့ၢ်အီၤခဲလၢာ်န့ၣ်လီၤ.

လံာ်စီၤယိၤၡူ 18:25

အိၣ်စ့ၢ်ကီးဒီးဝ့ၢ်ကံးဘိၣ်, ရၤမါ, ဘအ့ရိး, မံးစပၤ, ကဖံရၤ, မိစၤ,

လံာ်စီၤယိၤၡူ 21:17

ဒီးလၢဘံၣ်ယၤမံၣ်အဒူၣ်အကျါ, အဝဲသ့ၣ်ဘၣ်တၢ်ဟ့ၣ်လီၤအီၤဝ့ၢ်လွံၢ်ဖျၢၣ်လၢအမ့ၢ်ဝဲကံးဘိၣ်, က့ဘၤ,

လံာ်စီၤယိၤၡူ 9:17

သတးဒီးအံၣ်စရ့လးဖိတဖၣ်ဟးထီၣ်ဒီးသၢသီတသီ န့ၣ်လဲၤတုၤဝဲလၢအဝဲသ့ၣ်အဝ့ၢ်တဖၣ်လၢအမ့ၢ်ကံးဘိၣ်, ကဖံရၤ, ဘအ့ရိး, ဒီးကံးရယးယဧၤရံၣ်န့ၣ်လီၤ.

လံာ်စီၤယိၤၡူ 9:22

စီၤယိၤၡူဟ့ၣ်လီၤအကလုၢ်လၢပှၤက ဟဲကိးပှၤကံးဘိၣ်ဖိတဖၣ်ဆူအအိၣ်ဒီးအဝဲသံကွၢ်အဝဲသ့ၣ်, “ဘၣ်မနုၤအဃိသုလီပှၤဒီးစံးလၢသုဟဲလၢတၢ်လီၢ်ဖးယံၤ န့ၣ်လဲၣ်. တၢ်နီၢ်နီၢ်တခီသုအိၣ်ဒၣ်ဖဲအံၤလီၤ.

လံာ်စီၤယိၤၡူ 9:4

ဒီးအဝဲသ့ၣ်ပာ်လီၤအသးလၢကလီန့ၢ်အီၤလီၤ. အဝဲသ့ၣ်လဲၤစိာ်တၢ်အီၣ်တနီၤ, ဒီးတီၣ်ထီၣ်ထၢၣ်လီၢ်လံၤဒီး စပံးထံအဒၢလီၢ်လံၤတဖၣ်လၢအကသ့ၣ်ယီၤတဖၣ်အလိၤဒီးလဲၤတၢ်လီၤ.