လံာ်စီၤယိၤၡူ 9:2 - Sgaw Karen Common Bible

² အဝဲသ့ၣ်ပာ်ဖှိၣ်ထီၣ်အသးခဲလၢာ်လၢအသးတဖျၢၣ်ဃီလၢကဒုးစီၤ ယိၤၡူဒီးပှၤအံၣ်စရ့လးဖိအဂီၢ်န့ၣ်လီၤ.

လံာ်စီၤယိၤၡူ 9:2 Iomraidhean Croise

တၢ်ကတိၤဒိ. 11:21

နာ်သပှၢ်ကတၢၢ်လၢပှၤအၢပှၤသီကဘၣ်တၢ်စံၣ်ညီၣ်အီၤတက့ၢ်. မ့မ့ၢ်, ပှၤတီပှၤလိၤတဖၣ်န့ၣ်ကပူၤဖျဲးဝဲလီၤ.

လံာ်ယၡါယၤ 54:15

ပှၤမ့ၢ်ဟဲဒုးနၤတဂၤဂၤဒီး, မ့ၢ်အမၤဝဲလၢတၢ်တဘၣ်ယသးအပူၤန့ၣ်လီၤ. ပှၤလၢအဒုးတၢ်ထီဒါနၤတဂၤဂၤန့ၣ်, ကဃၣ်ကွံာ်ဝဲန့ၣ်လီၤ.

လံာ်ယၡါယၤ 8:12

“မၤဃုာ်မၤသကိးတၢ်ဒီးပှၤဂီၢ်မုၢ်အတၢ်ကူၣ်တဖၣ်န့ၣ်တဂ့ၤ, ဒီးပျံၤတၢ်တဖၣ်လၢအဝဲသ့ၣ်ပျံၤဝဲန့ၣ်တဂ့ၤ.

လံာ်စီၤယိၤၡူ 10:5

အန့ၣ်ဒီး, ပှၤအမိၢ်ဖိအစီၤပၤယဲၢ်ဂၤလၢအမ့ၢ်ဝဲစီၤပၤတဖၣ်လၢဝ့ၢ် ယရူၤၡလ့ၣ်, ဃ့ဘြိၣ်, ယၢ်မူသး, လၤကံၣ်ဒီးဧ့းကလိၣ်ပာ်ဖှိၣ်အသုးမုၢ်တဖၣ်, ကဝီၤဃာ်ဝ့ၢ်ကံးဘိၣ်ဒီးဒုးအီၤန့ၣ်လီၤ.

လံာ်စီၤယိၤၡူ 11:1

တုၤဝ့ၢ်ဃါစိၢ်အစီၤပၤယၤဘံၣ်နၢ်ဟူအံၣ်စရ့လးအတၢ်မၤနၢၤအဂ့ၢ်ဒီး, အဝဲဆှၢလီၤတၢ်ကစီၣ်ဆူဝ့ၢ်မၤဒိၣ်အစီၤပၤယိဘာ်အအိၣ်ဒီးဝ့ၢ် ၡံးမရိၣ်ဒီးဝ့ၢ်အးကၡးအစီၤပၤတဖၣ်အအိၣ်,

လံာ်စီၤယိၤၡူ 11:5

စီၤပၤတဖၣ်အံၤခဲလၢာ်ပာ်ဖှိၣ်အသးဒီးဟဲဝဲဒ်သိးသိးဒီးသူၣ်အ ဒဲဖဲမ့ၤရိၣ်အထံကျိဖိအနံၤလၢကဒုးတၢ်ဒီးအံၣ်စရ့လးအဂီၢ်န့ၣ်လီၤ.

လံာ်စီၤယိၤၡူ 24:11

သုခီဂာ်ထံကျိယၢ်ဒ့ၣ်ဒီးဟဲတုၤလၢဝ့ၢ်ယရံၤဃိလီၤ. ပှၤယရံၤဃိဖိဒုးတၢ်ဒီးသုလီၤ. ဒ်န့ၣ်အသိး, ပှၤပရးစၤဖိ, ပှၤကနၤဧၣ်ဖိ, ပှၤဃ့ၤသးဖိ, ပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိတဖၣ်ဒုးတၢ်ဒီးသုလီၤ. ဘၣ်ဆၣ်ယဟ့ၣ်သုတၢ်မၤနၢၤအဝဲသ့ၣ်ခဲလၢာ်န့ၣ်လီၤ.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.