လံာ်စီၤယိၤၡူ 9:18 - Sgaw Karen Common Bible

¹⁸ ဘၣ်ဆၣ်ဒီးပှၤအံၣ်စရ့လးဖိတဖၣ်မၤသံအဝဲသ့ၣ်တသ့ဘၣ်. မ့ၢ်လၢအဝဲသ့ၣ်အခိၣ်အနၢ်တဖၣ်ဆိၣ်လီၤတ့ၢ်လံအသးလၢယွၤ, အံၣ်စရ့လးအကစၢ်ယွၤ, အမံၤအပူၤအဃိန့ၣ်လီၤ. ပှၤဂီၢ်မုၢ်ခဲလၢာ်ကဒူးကဒ့ၣ်တၢ်ထီဒါပှၤခိၣ်ပှၤနၢ်တဖၣ်န့ၣ် လီၤ.

လံာ်စီၤယိၤၡူ 9:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:7

ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:2

တချုးနကတိၤဒံးတၢ်န့ၣ်, ဆိကမိၣ်တၢ်တက့ၢ်. ဒီးအၢၣ်လီၤတၢ်ဒီးကစၢ်ယွၤချ့ဒံးချ့ဒူးလၢတၢ်တဆိကမိၣ်အပူၤတဂ့ၤ. အဝဲအိၣ်လၢမူခိၣ်, မ့မ့ၢ်နဲနအိၣ်လၢဟီၣ်ခိၣ်လိၤလီၤ. အဃိဒီး, စံးကတိၤတၢ်အါန့ၢ်ဒံးတၢ်လၢနကြၢးစံးကတိၤအီၤတဂ့ၤ.

လံာ်ပှၤစံၣ်တဲၤတဲလီၤတၢ် 5:6

ပျဲနတၢ်ကတိၤဒၣ်နဲတဖၣ်ဆှၢနၤဆူတၢ်ဒဲးဘးအပူၤတုၤနကဘၣ်တဲ ဘၣ်က့ၤကစၢ်ယွၤအပှၤလုၢ်တၢ်အခိၣ်လၢ, “ယအၢၣ်လီၤတၢ်ကမၣ်လံ” န့ၣ်တဂ့ၤ. ဘၣ်မနုၤအဃိနမၤသးဒိၣ်ကစၢ်ယွၤန့ၣ်လဲၣ်. ဘၣ်မနုၤအဃိနပျဲအမၤဟးဂီၤတၢ်လၢနမၤတ့ၢ်လံအီၤန့ၣ်လဲၣ်.

လံာ်ပှၤစံၣ်တဲၤတဲလီၤတၢ် 9:2

တၢ်လီၤဆီတအိၣ်နီတမံၤဘၣ်. တၢ်ဘူၣ်တၢ်တီၢ်တမံၤဃီတုၤအိၣ်ပှၤ တီပှၤလိၤဒီးပှၤတတီတလိၤ, ပှၤအဂ့ၤဒီးပှၤအတဂ့ၤ, ပှၤတဖၣ်လၢအအဲၣ်တၢ်ဘူၣ်တၢ်ဘါဒီးပှၤတဖၣ်လၢအတအဲၣ်ဘၣ်, ပှၤတဖၣ်လၢအလုၢ်ထီၣ်တၢ်ဒီးပှၤတဖၣ်လၢအတလုၢ်ထီၣ်တၢ်န့ၣ်လီၤ. ပှၤအဂ့ၤတဂၤတဂ့ၤဒိၣ်န့ၢ်ပှၤတၢ်ဒဲးဘးဖိတဂၤဘၣ်. ပှၤလၢအဆိၣ်လီၤအသးတဂၤ, တဂ့ၤဒိၣ်န့ၢ်ပှၤလၢအတမၤဝဲတဂၤန့ၣ် ဘၣ်.

လံာ်တၢ်ဂံၢ် 30:3

ဖဲပိာ်မုာ်သးစၢ်တဂၤအိၣ်ဒံးဝဲလၢအပၢ်အဟံၣ်ပူၤဒီးမၤတၢ် ဆိၣ်တမံၤလၢကဟ့ၣ်တၢ်တမံၤမံၤဆူယွၤမ့ၢ်ဂ့ၤ, အၢၣ်လီၤအီလီၤဝဲလၢကဟးဆှဲးလၢတၢ်တမံၤမံၤမ့ၢ်ဂ့ၤန့ၣ်,

လံာ်သိၣ်လီၤသီလီၤတၢ် 23:22

သုမ့ၢ်တမၤတၢ်ဆိၣ်တမံၤဒီးယွၤန့ၣ်, တမ့ၢ်ဘၣ်တၢ်ဒဲးဘးဘၣ်.

လံာ်သိၣ်လီၤသီလီၤတၢ် 23:23

ဘၣ်ဆၣ်ဒီးသုမ့ၢ်မၤတၢ်ဆိၣ်တမံၤဒ်သုတၢ်သးအိၣ်ဒၣ်ဝဲအသိး န့ၣ်မၤလီၤတံၢ်လၢသုကတိၢ်န့ၢ်ဖံးဃာ်အီၤတက့ၢ်.

လံာ်သိၣ်လီၤသီလီၤတၢ် 23:24

တုၤသုဟးလၢကျဲဖိတဘိလၢပှၤတဂၤဂၤအစပံးလီၢ်အပူၤန့ၣ်, သုအီၣ်စပံးသၣ်တဖၣ်ဒ်သုအဲၣ်ဒိးအီၣ်အသိးသ့ဝဲ, ဘၣ်ဆၣ်ဒီးသုတဘၣ်က့ၤစိာ်အီၤနီတမံၤလၢသုတၢ်ပူၤတၢ်တ့ၤ အပူၤဘၣ်.

လံာ်စီၤယိၤၡူ 9:17

သတးဒီးအံၣ်စရ့လးဖိတဖၣ်ဟးထီၣ်ဒီးသၢသီတသီ န့ၣ်လဲၤတုၤဝဲလၢအဝဲသ့ၣ်အဝ့ၢ်တဖၣ်လၢအမ့ၢ်ကံးဘိၣ်, ကဖံရၤ, ဘအ့ရိး, ဒီးကံးရယးယဧၤရံၣ်န့ၣ်လီၤ.

လံာ်စီၤယိၤၡူ 9:19

ဘၣ်ဆၣ်ဒီးအဝဲသ့ၣ်စံးဆၢဝဲ, “ပဆိၣ်လီၤပသးဒီးအဝဲသ့ၣ်လၢယွၤ, အံၣ်စရ့လးအကစၢ်ယွၤအမံၤအပူၤအဃိ, ပထိးဘူးအဝဲသ့ၣ်တသ့ဘၣ်န့ၣ်လီၤ.