လံာ်စီၤယိၤၡူ 9:17 - Sgaw Karen Common Bible

¹⁷ သတးဒီးအံၣ်စရ့လးဖိတဖၣ်ဟးထီၣ်ဒီးသၢသီတသီ န့ၣ်လဲၤတုၤဝဲလၢအဝဲသ့ၣ်အဝ့ၢ်တဖၣ်လၢအမ့ၢ်ကံးဘိၣ်, ကဖံရၤ, ဘအ့ရိး, ဒီးကံးရယးယဧၤရံၣ်န့ၣ်လီၤ.

လံာ်စီၤယိၤၡူ 9:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 4:2

စီၤအံၤၡဘိၡ့းအိၣ်ဒီးအသုးခိၣ်ခံဂၤလၢအမ့ၢ်သုးဖိခံဖု အခိၣ်, ပှၤဘအ့ရိးဖိလၢဘံၣ်ယၤမံၣ်အဒူၣ်ပူၤ, စီၤရံးမိၣ်အဖိခွါ, စီၤဘၤနါဒီးစီၤရ့ကးတဖၣ်လီၤ. (ပှၤဘအ့ရိးဘၣ်တၢ်ဂံၢ်ဃုာ်အီၤလၢဘံၣ်ယၤမံၣ်အဒူၣ်အကျါလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:4

ပှၤကံးဘိၣ်ဖိစီၤယံးၡမၤယၤ, ပှၤသုးဖိလၢအမံၤဟူသၣ်ဖျါ တဂၤဒီးခိၣ်နၢ်လၢပှၤအဂၤသၢဆံအကျါတဂၤ, ပှၤကဒ့ရၤသးဖိစီၤယံးရမံယၤ, စီၤယၤဃစအ့လး, စီၤယိဃၤနၣ်ဒီးစီၤယိၤစၤဘး,

လံာ်ကွဲးနီၣ်တၢ်အခီၣ်ထံးတဘ့ၣ် 2:50

ပှၤသ့ၣ်တဖၣ်အံၤမ့ၢ်စ့ၢ်ကီးစီၤကၤလ့းအစၢၤအသွဲၣ်တဖၣ်န့ၣ် လီၤ. စီၤဃူၢ်မ့ၢ်စီၤကၤလ့းဒီးနီၢ်အ့ဖရးသးအဖိခွါဝဲၢ်ကိန့ၣ် လီၤ. စီၤဃူၢ်အဖိခွါစီၤၡိဘလးသူၣ်ထီၣ်ကံးရယးဧၤရံၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 2:52

စီၤၡိဘလး, ပှၤလၢအသူၣ်ထီၣ်ကံးရယးယဧၤရံၣ်န့ၣ်မ့ၢ်ပှၤဃ့ၤ ရိအ့းဖိ, ဘၣ်ထွဲဒီးမနူဃးတဝာ်

လံာ်ကွဲးနီၣ်တၢ်အခီၣ်ထံးတဘ့ၣ် 2:53

ပှၤကံးရယးယဧၤရံၣ်, ပှၤယံးသၢ်, ပှၤပူၤသး, ပှၤၡူၤမသးဒီးပှၤမံၤၡရံဖိအဒူၣ်တဖၣ်အပၢ်ဖးဒိၣ်လၢပျၢၤန့ၣ်လီၤ. (ပှၤဂီၢ်မုၢ်အိၣ်လၢဝ့ၢ်တဖၣ်လၢစၤရၤသးဧၤဒီးအ့ၡတၤအူလးန့ၣ် မ့ၢ်ပှၤအဒူၣ်တဖၣ်အံၤအဒူၣ်ဖိထၢဖိန့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 21:29

ဖဲဆၢကတီၢ်အံၤန့ၣ်, ဒဲစီဆှံလၢကစၢ်ယွၤအိၣ်ဝဲဆိးဝဲလၢအ ပူၤ, လၢစီၤမိၤၡ့ဘှီထီၣ်တ့ၢ်ဝဲလၢပှၢ်မုၢ်ကနၢအပူၤ, ဒီးတၢ်လုၢ်လီၢ်လၢတၢ်လုၢ်တၢ်ပာ်တဖၣ်ဘၣ်တၢ်ဆိၣ်ကဲၤထီၣ်အီၤလၢ အဖီခိၣ်န့ၣ်အိၣ်ဒံးဒၣ်လၢတၢ်ဘူၣ်ထီၣ်ဘါထီၣ်အလီၢ်လၢဝ့ၢ်ကံး ဘိၣ်န့ၣ်လီၤ.

လံာ်စီၤနဃ့မယၤ 7:29

ပှၤကံးရယးယဧၤရံၣ်ဖိ, ပှၤတဖံရၤဖိ, ဒီးပှၤဘအ့ရိးဖိ, နွံကယၤလွံၢ်ဆံသၢ ဂၤ

လံာ်ယံးရမံယၤ 26:20

(ပှၤအိၣ်ဒံးဝဲ အဂၤတဂၤ, လၢအမ့ၢ်ဝဲ စီၤၡမါယၤလၢ ကံးရယး ယဧၤရံၣ်အပူၤ အဖိခွါ စီၤအူၤရံယၤ, လၢအ ကတိၤတ့ၢ်တၢ်လၢ ယွၤအမံၤအပူၤထီဒါ ဝ့ၢ်အံၤဒီးပှၤ ုကလုာ်အံၤ ဒ်သိးဒၣ်စီၤယံးရမံၤယၤ မၤတ့ၢ်ဝဲခဲအံၤန့ၣ်လီၤ.

လံာ်စီၤယိၤၡူ 10:2

ပှၤဝ့ၢ်ယရူၤၡလ့ၣ်ဖိတဖၣ်ပျံၤ တၢ်ဖုးတၢ်ဒိၣ်မးလၢတၢ်ဂ့ၢ်အံၤအဃိန့ၣ်လီၤ. အဂ့ၢ်မ့ၢ်လၢကံးဘိၣ်မ့ၢ်ဝ့ၢ်လၢအဒိၣ်ထဲသိးဝ့ၢ်အဂၤတဖၣ်လၢ အအိၣ်ဒီးအစီၤပၤ, ဒီးမ့ၢ်ဝ့ၢ်လၢအဒိၣ်န့ၢ်ဒံးဝ့ၢ်ဂဲဒီးအပှၤတဖၣ်မ့ၢ်ပှၤလၢ အဒုးတၢ်သ့အဃိန့ၣ်လီၤ.

လံာ်စီၤယိၤၡူ 15:60

အိၣ်ဒီးကံးရယးဘဧၤလး (မ့တမ့ၢ်ကံးရယးယဧၤရံၣ်) ဒီးရးဘးန့ၣ်လီၤ. မ့ၢ်ဝ့ၢ်ခံဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 15:9

ဖဲန့ၣ်ဝံၤဒီးလဲၤဆူန့ဖတိၤအထံထီၣ် ပၢၢ်ဒီးဟးထီၣ်ဝဲဆူဝ့ၢ်တဖၣ်လၢအအိၣ်လၢကစၢၢ်ဧ့ၤဖရိၣ်အကပၤလီၤ. ဖဲန့ၣ်တရံးအသးဆူဝ့ၢ်ဘဧၤလၤ (မ့တမ့ၢ်ကံးရယးယဧၤရံၣ်,)

လံာ်စီၤယိၤၡူ 18:14

ဝံၤဒီးကီၢ်ဆၢန့ၣ်လဲၤဆူအဂၤတကျိၤဒၣ်, စးထီၣ်လၢကစၢၢ်အံၤ အမုၢ်နုာ်တကပၤဒီးလီၤဆူကလံၤထံးဒီးလဲၤဆူ ဝ့ၢ်ကံးရယးဘဧၤလး (မ့တမ့ၢ်ကီၢ်ကံးရယးယဧၤရံၣ်) လၢအဘၣ်ဃးဒီးယူဒၤအဒူၣ်လီၤ. အဝဲအံၤမ့ၢ်မုၢ်နုာ်အကီၢ်ဆၢန့ၣ်လီၤ.

လံာ်စီၤယိၤၡူ 18:15

ကလံၤထံးအကီၢ်ဆၢစးထီၣ်အသးဖဲဝ့ၢ်ကံးရးယးယဧၤရံၣ်အကနူၤထံး ဒီးလဲၤဆူန့ဖတိၤအထံထီၣ်ပၢၢ်န့ၣ်လီၤ.

လံာ်စီၤယိၤၡူ 9:16

အဝဲသ့ၣ်မၤတၢ်အၢၣ်လီၤအီလီၤဝံၤသၢသီအလီၢ်ခံန့ၣ်, ပှၤအံၣ်စရ့လးဖိတဖၣ်သ့ၣ်ညါဘၣ်ဝဲလၢပှၤသ့ၣ်တဖၣ် အံၤမ့ၢ်ဒၣ်ပှၤလၢအခိၣ်အဃၢၤဒီးအိၣ်ဆိးလၢအဝဲသ့ၣ်အသိးအကျါ န့ၣ်လီၤ.

လံာ်စီၤယိၤၡူ 9:18

ဘၣ်ဆၣ်ဒီးပှၤအံၣ်စရ့လးဖိတဖၣ်မၤသံအဝဲသ့ၣ်တသ့ဘၣ်. မ့ၢ်လၢအဝဲသ့ၣ်အခိၣ်အနၢ်တဖၣ်ဆိၣ်လီၤတ့ၢ်လံအသးလၢယွၤ, အံၣ်စရ့လးအကစၢ်ယွၤ, အမံၤအပူၤအဃိန့ၣ်လီၤ. ပှၤဂီၢ်မုၢ်ခဲလၢာ်ကဒူးကဒ့ၣ်တၢ်ထီဒါပှၤခိၣ်ပှၤနၢ်တဖၣ်န့ၣ် လီၤ.

လံာ်စီၤယိၤၡူ 9:3

ဘၣ်ဆၣ်ဒီးပှၤကံးဘိၣ်ဖိလၢအမ့ၢ် ပှၤဃံၤဝံဖိတဖၣ်နၢ်ဟူတၢ်လၢစီၤယိၤၡူမၤတ့ၢ်ဘၣ်ဝ့ၢ်ယရံၤဃိဒီးဝ့ၢ်ဂဲ,

လံာ်စီၤယိၤၡူ 9:9

အဝဲသ့ၣ်စံးဘၣ်အီၤ, “ပဝဲနခ့နပှၤတဖၣ်အံၤပဟဲလၢထံကီၢ်လၢအယံၤတဘ့ၣ်, မ့ၢ်လၢပနၢ်ဟူဘၣ်ယွၤနကစၢ်အဂ့ၢ်အဃိလီၤ. ပနၢ်ဟူဘၣ်တၢ်ခဲလၢာ်လၢအဝဲမၤဝဲလၢကီၢ်အဲၤကူပတူး အပူၤ,

လံာ်ပှၤစံၣ်ညီၣ်ကွီၢ် 18:12

အဝဲသ့ၣ်လဲၤထီၣ်ဒီးသူၣ်ဒဲလၢကံးရယးယဧၤရံၣ်အမုၢ်နုာ်လၢ ကီၢ်ယူဒၤအပူၤလီၤ. မၤသးဒ်န့ၣ်ဒီး, တၢ်လီၢ်အံၤဘၣ်တၢ်ကိးအီၤလၢဒၣ်သူၣ်ဒဲအလီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:21

အဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ် ဆူပှၤဂီၢ်မုၢ်အိၣ်လၢဝ့ၢ်ကံးရယးယဧၤရံၣ်အပူၤလၢအကစံးဝဲ, “ပှၤဖလ့ၡသးဖိတဖၣ်ဆှၢကဒါက့ၤ ယွၤအတၢ်အၢၣ်လီၤအီလီၤအတလါစီဆှံလံ. ဟဲဒီးဟံးန့ၢ်အီၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 7:1

မၤသးဒ်န့ၣ်ဒီး, ပှၤဂီၢ်မုၢ်လၢဝ့ၢ်ကံးရယးယဧၤရံၣ်မၤန့ၢ်ယွၤ အတၢ်အၢၣ်လီၤအီလီၤအတလါစီဆှံ ဒီးလဲၤစိာ်ဝဲဆူပှၤတဂၤလၢ အမံၤမ့ၢ်စီၤအဘံနဒာ် အဟံၣ်လၢအအိၣ်လၢကစၢၢ်ကလိတဖျၢၣ်အဖီခိၣ်န့ၣ်လီၤ. အဝဲသ့ၣ်ပာ်စီဆှံထီၣ်စီၤအဘံနဒာ်အဖိခွါစီၤအလၤဧၤစၢ်လၢ အကကဲထီၣ်ပှၤအံးထွဲကွၢ်ထွဲတလါစီဆှံန့ၣ်လီၤ.