လံာ်စီၤယိၤၡူ 9:1 - Sgaw Karen Common Bible

¹ အံၣ်စရ့လးအတၢ်မၤနၢၤအံၤဘၣ်တၢ်သ့ၣ်ညါအီၤလၢစီၤပၤတဖၣ်လၢ ထံကျိယၢ်ဒ့ၣ်အမုၢ်နုာ်လၢကစၢၢ်ကလိတဖၣ်, လၢကစၢၢ်ခီၣ်ထံးတဖၣ်, ဒီးလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ, ဒီးလၢကလံၤစိးန့ၣ်ယံၤဝဲတုၤလၢလဘၤနိၣ်, လၢအမ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ အစီၤပၤတဖၣ်အအိၣ်န့ၣ်လီၤ.

လံာ်စီၤယိၤၡူ 9:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:7

အန့ၣ်ဝံၤဒီးအဝဲသ့ၣ်လဲၤဆူကလံၤထံးဆူဝ့ၢ်ထါယၢၣ်လၢအအိၣ် ဒီးအတိာ်ခၢၣ်သနၢၣ်, လဲၤကဒီးဆူညါတုၤဆူ ကယဲၢ်ပှၤဃံၤဝံဖိဒီးပှၤကနၤဧၣ်ဖိအဝ့ၢ်ခဲလၢာ်, ဒီးလၢခံကတၢၢ်န့ၣ်တုၤဆူ ဝ့ၢ်ဘ့ၢ်ၡဘၤအိၣ်လၢကီၢ်ယူဒၤကလံၤထံးတခီန့ၣ်လီၤ.

လံာ်တၢ်ဟးထီၣ်ကွံာ် 23:23

ယကလူးကလဲၤတၢ်လၢသုမဲာ်ညါဒီးဆှၢသုဆူပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤကနၤဧၣ်ဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်အကီၢ်ပူၤဒီးယကမၤဟးဂီၤ အဝဲသ့ၣ်လီၤ.

လံာ်တၢ်ဟးထီၣ်ကွံာ် 23:31

ယကမၤလဲၢ်ထီၣ်သုကီၢ်အဆၢစးထီၣ်လၢပီၣ်လဲၣ်က့ၣ်ကျီၤအကၣ်ဘၣ် ပၢၢ်တုၤလၢထံကျိဖးဒိၣ်ဖရၤသးဒီးစးထီၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်တုၤလၢပှၢ်မုၢ်ကနၢန့ၣ်လီၤ. ယကဟ့ၣ်သုတၢ်စိတၢ်ကမီၤလၢပှၤအိၣ်လၢကီၢ်န့ၣ်တဖၣ်အဖီခိၣ်ဒီး သုကနီၣ်ထီၣ်ကွံာ်အီၤဖဲသုလဲၤထီၣ်ဒုးတၢ်န့ၣ်လီၤ.

လံာ်တၢ်ဟးထီၣ်ကွံာ် 3:17

ဒီးယပာ်လီၤတ့ၢ်လံယသးလၢယကထုးထီၣ်ကွံာ်အဝဲသ့ၣ်လၢကီၢ် အဲၤကူပတူး, တၢ်လီၢ်ဖဲအဝဲသ့ၣ်ဘၣ်တၢ်မၤအၢမၤနးအီၤ နးမးဒီးကဆှၢအီၤဆူပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အကီၢ်, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီန့ၣ်လီၤ.

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

လံာ်တၢ်ဂံၢ် 13:29

ပှၤဧမၤလ့းဖိတဖၣ်အိၣ်လၢကီၢ်န့ၣ်အကလံၤထံးတခီ, ပှၤဃ့ၤသးဖိ, ပှၤယဘူၣ်ဖိ, ပှၤအမိၢ်ဖိတဖၣ်အိၣ်လၢကီၢ်အတၢ်လူၢ် ဒီခိၣ်ဒီးပှၤကနၤဧၣ်ဖိတဖၣ်အိၣ်လၢပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အဃၢၤဒီးထံကျိယၢ်ဒ့ၣ်အကၢၢ်နံၤဒီတရဲၣ်ညါန့ၣ် လီၤ.”

လံာ်တၢ်ဂံၢ် 34:6

မုၢ်နုာ်အထံဆၢကီၢ်ဆၢန့ၣ်ကမ့ၢ်ဝဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်သိၣ်လီၤသီလီၤတၢ် 3:25

ယွၤဧၢ, ပျဲယခီဂာ်ထံကျိယၢ်ဒ့ၣ်ဒီးပျဲယထံၣ်ဘၣ်ကီၢ်လၢအပှဲၤ ဒီးဟီၣ်ခိၣ်ညၣ်ထ့ၣ်အဂ့ၤလၢအအိၣ်လၢထံကျိဘးခီ, တၢ်လူၢ်တၢ်တြီၤအကီၢ်ဃံလၤဒီးလဘၤနိၣ်အကစၢ်ကလိတဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 4:49

ကီၢ်န့ၣ်အိၣ်စ့ၢ်ကီးဒီးကယဲၢ်လီၢ်ကဝီၤလၢထံကျိယၢ်ဒ့ၣ် အမုၢ်ထီၣ်တခီ, ယံၤဝဲလၢကလံၤထံးတခီတုၤဆူပီၣ်လဲၣ်သံ, ဒီးလၢမုၢ်ထီၣ်တကပၤန့ၣ်တုၤဆူကစၢၢ်ပံးစကၤအခီၣ်ထံးန့ၣ်လီၤ.

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်စီၤယိၤၡူ 1:15

တုၤအနုာ်လီၤမၤန့ၢ်တၢ်လီၢ်လၢထံကျိယၢ်ဒ့ၣ်အမုၢ်နုာ်တကပၤလၢ ယွၤသုကစၢ်ဟ့ၣ်လီၤအဝဲသ့ၣ်န့ၣ်လီၤ. ဖဲပှၤအံၣ်စရ့လးဖိအဒူၣ်ခဲလၢာ်မၤန့ၢ်အလီၢ်အိၣ်လီၢ်ဆိးလၢ အဂီၢ်လံဒီး, သုကဟဲက့ၤဒီးအိၣ်ဆိးဖဲအံၤလၢသုလီၢ်ဒၣ် သုဝဲလၢထံကျိယၢ်ဒ့ၣ်အမုၢ်ထီၣ်တကပၤ, လၢယွၤအခ့အပှၤစီၤမိၤၡ့ဟ့ၣ်လီၤသုန့ၣ်လီၤ.”

လံာ်စီၤယိၤၡူ 1:4

သုကီၢ်ဆၢကစးထီၣ်အသးလၢပှၢ်မုၢ်ကနၢလၢကလံၤထံးဒီးကတုၤဝဲ လၢလဘၤနိၣ်အကစၢၢ်တဖၣ်လၢကလံၤစိး, ဒီးလၢထံကျိဖးဒိၣ်ဖရၤသးလၢမုၢ်ထီၣ်တခီ, ဃ့ၤသးဖိအကီၢ်ဒီဘ့ၣ်, ဒီးတုၤလၢပီၣ်လဲၣ်ဖးဒိၣ်လၢမုၢ်နုာ် တခီန့ၣ်လီၤ.

လံာ်စီၤယိၤၡူ 10:23

ဒီးအဝဲသ့ၣ်မၤဒ်န့ၣ်, ဒီးဟဲဆှၢထီၣ်စီၤပၤယဲၢ်ဂၤန့ၣ်လၢတၢ်က အိပူၤဆူအအိၣ်, ဝ့ၢ်ယရူၤၡလ့ၣ်အစီၤပၤ, ဃ့ဘြိၣ်အစီၤပၤ, ယၢ်မူသးအစီၤပၤ, လၤကံၣ်အစီၤပၤ, ဒီးဧ့းကလိၣ်အစီၤပၤန့ၣ် လီၤ.

လံာ်စီၤယိၤၡူ 11:17

တၢ်လီၢ်တဖၣ်အံၤစးထီၣ်အသးလၢကစၢၢ်ဃးလးလၢကလံၤထံးဘူးဒီး ကီၢ်စ့အၢ်, ပၢၢ်တုၤလၢဝ့ၢ်ဘဧၤလးကးလၢကလံၤစိးလၢလဘၤနိၣ်တၢ်ပၢၤခိၣ် လၢကစၢၢ်ဃ့ရမိၣ်အကလံၤထံးန့ၣ်လီၤ. ဒီးမၤန့ၢ်အစီၤပၤခဲလၢာ်, ကျီသံကွံာ်အီၤ, ဒီးမၤသံကွံာ်အီၤခဲလၢာ်န့ၣ်လီၤ.

လံာ်စီၤယိၤၡူ 13:5

ဒီးပှၤကံးဘလးဖိအကီၢ်, ကီၢ်လဘၤနိၣ်ဒီဘ့ၣ်တုၤလၢမုၢ်ထီၣ်, စးထီၣ်လၢဝ့ၢ်ဘဧၤလးကးလၢအအိၣ်လၢကစၢၢ်ဃ့ရမိၣ်အက လံၤထံးတုၤလၢတၢ်လဲၤနုာ်ဆူဝ့ၢ်ဃမါသးလီၤ.

လံာ်စီၤယိၤၡူ 15:12

လၢအမ့ၢ်ကီၢ်အဆၢလၢမုၢ်နုာ်တခီန့ၣ်လီၤ. လၢကီၢ်အဆၢတဖၣ်အပူၤ အံၤပှၤယူဒၤအဒူၣ်ဖိထၢဖိတဖၣ်အိၣ်ဝဲန့ၣ်လီၤ.

လံာ်စီၤယိၤၡူ 22:4

အခဲအံၤ, ယွၤသုကစၢ်ဟ့ၣ်လီၤသုဒီပုၢ်ဝဲၢ်ပှၤအံၣ်စရ့လးဖိတဖၣ် လၢတၢ်ဃူတၢ်ဖိးဒ်အအၢၣ်လီၤတ့ၢ်ဝဲအသိးန့ၣ်လီၤ. လၢတၢ်န့ၣ်အဃိ, က့ၤသုဝဲဆူကီၢ်လၢအမ့ၢ်သုတၢ်န့ၢ်သါ, ကီၢ်လၢထံကျိယၢ်ဒ့ၣ်အမုၢ်ထီၣ်တကပၤလၢယွၤအခ့အပှၤ စီၤမိၤၡ့ဟ့ၣ်လီၤသုန့ၣ်တက့ၢ်.

လံာ်စီၤယိၤၡူ 23:4

ကွၢ်ကွၢ်, ယနီၤလီၤန့ၢ်သုတၢ်န့ၢ်သါလၢသုဒူၣ်တဖၣ်အဂီၢ်လၢပှၤကလုာ်အအိၣ်လီၤတဲာ်ဒံးတဖၣ်အကီၢ်, ဃုာ်ဒီးပှၤကလုာ်လၢယမၤနၢၤတ့ၢ်လံခဲလၢာ်အကီၢ်စးထီၣ်လၢ ထံကျိယၢ်ဒ့ၣ်တုၤလၢမုၢ်ထီၣ်လၢပီၣ်လဲၣ်ဖးဒိၣ်မဲးဒံးယၢၣ်ရ့နယၢၣ်လၢမုၢ်နုာ်န့ၣ်လီၤ.

လံာ်စီၤယိၤၡူ 24:11

သုခီဂာ်ထံကျိယၢ်ဒ့ၣ်ဒီးဟဲတုၤလၢဝ့ၢ်ယရံၤဃိလီၤ. ပှၤယရံၤဃိဖိဒုးတၢ်ဒီးသုလီၤ. ဒ်န့ၣ်အသိး, ပှၤပရးစၤဖိ, ပှၤကနၤဧၣ်ဖိ, ပှၤဃ့ၤသးဖိ, ပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိတဖၣ်ဒုးတၢ်ဒီးသုလီၤ. ဘၣ်ဆၣ်ယဟ့ၣ်သုတၢ်မၤနၢၤအဝဲသ့ၣ်ခဲလၢာ်န့ၣ်လီၤ.

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,

လံာ်စီၤယိၤၡူ 3:17

ဖဲပှၤဂီၢ်မုၢ်ခီဂာ်တၢ်လၢခိအခါ, ပှၤလုၢ်တၢ်အခိၣ်တဖၣ်လၢအ စိာ်ယွၤအတၢ်အၢၣ်လီၤအီလီၤအတလါန့ၣ်, အိၣ်ဆၢထၢၣ်လၢ ခိလၢယၢ်ဒ့ၣ်အခၢၣ်သးတုၤလၢပှၤဂီၢ်မုၢ်ခီဂာ်တၢ်လၢာ်တစု န့ၣ်လီၤ.

လံာ်စီၤယိၤၡူ 5:1

ဖဲပှၤအမိၢ်ဖိအစီၤပၤခဲလၢာ်လၢ အအိၣ်လၢထံကျိယၢ်ဒ့ၣ်အမုၢ်နုာ်, ဒီးပှၤကနၤဧၣ်ဖိအစီၤပၤခဲလၢာ်လၢအအိၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်အနံၤ, နၢ်ဟူဝဲလၢကစၢ်မၤလီၤသံးကွံာ်ယၢ်ဒ့ၣ်အထံတုၤလၢပှၤအံၣ်စရ့ လးဖိခဲလၢာ်ခီဂာ်တၢ်သ့သတးဒီး, အဝဲသ့ၣ်အသးလီၤစၢ်ဝဲဒီးတၢ်သူၣ်ဒူ သးဒူတအိၣ်လၢၤလၢအပူၤလၢပှၤအံၣ်စရ့လးဖိ တဖၣ်အဃိန့ၣ်လီၤ.

လံာ်စီၤယိၤၡူ 6:27

ဒီးယွၤအိၣ်ဒီးစီၤယိၤၡူ, ဒီးအမံၤဟူထီၣ်သါလီၤလၢကီၢ်ဒီ ဘ့ၣ်ညါအပူၤန့ၣ်လီၤ.

လံာ်စီၤယိၤၡူ 9:7

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ပှၤဃ့ၤဝံဖိတဖၣ်, “ဘၣ်တဘၣ်သုအိၣ်သုဆိးလၢပကျါအဃိဒီး, ပမၤတၢ်အၢၣ်လီၤအီ လီၤဒီးသုကသ့ဒ်လဲၣ်.”