လံာ်စီၤယိၤၡူ 8:8 - Sgaw Karen Common Bible

⁸ သုဒုးန့ၢ်ဝ့ၢ်ဝံၤဒီး, ဒွဲၣ်အူထီၣ်အီၤလၢမ့ၣ်အူဒ်ယွၤမၤလိာ်တ့ၢ်သုအသိးန့ၣ်တက့ၢ်. အအံၤမ့ၢ်တၢ်မၤလိာ်တဖၣ်လၢသုဂီၢ်န့ၣ်လီၤ.”

လံာ်စီၤယိၤၡူ 8:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်သိၣ်လီၤသီလီၤတၢ် 20:16

မ့မ့ၢ်, တုၤသုမၤန့ၢ်ဝ့ၢ်တဖၣ်လၢအအိၣ်ဝဲလၢထံကီၢ်လၢယွၤ, သုကစၢ်ယွၤကဟ့ၣ်လီၤသုအပူၤန့ၣ်, မၤသံကွံာ်ပှၤခဲလၢာ်တက့ၢ်.

လံာ်စီၤယိၤၡူ 1:16

အဝဲသ့ၣ်စံးဆၢက့ၤစီၤယိၤၡူ, “ပကမၤတၢ်ခဲလၢာ်လၢနစံးဘၣ်တဲဘၣ်ပှၤဒီးပကလဲၤတၢ်တပူၤလၢ် လၢ်ဖဲနမၢလီၤပှၤန့ၣ်လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 6:24

ဝံၤဒီးအဝဲသ့ၣ်ဒွဲၣ်အူထီၣ် ဝ့ၢ်ဒီးမ့ၣ်အူအီၣ်ကွံာ်ဝ့ၢ်ဒီးကယဲၢ်တၢ်အိၣ်လၢအပူၤခဲလၢာ် န့ၣ်လီၤ. အိၣ်တ့ၢ်ဒၣ်ထဲတၢ်လၢအဘၣ်တၢ်မၤအီၤလၢထူ, စ့, တိၢ်ဘီ, ဒီးထးလၢအဝဲသ့ၣ်ဟံးန့ၢ်ဒီးပာ်အီၤလၢယွၤအတၢ်ပာ်ဖှိၣ်အလီၢ်န့ၣ် လီၤ.

လံာ်စီၤယိၤၡူ 8:13

သုးဖိတဖၣ်ဘၣ်တၢ်ကျဲၤလီၤအီၤလၢတၢ်ဒုးအဂီၢ်ဒီးသုးအ မိၢ်ပှၢ်တဖုဘၣ်တၢ်ပာ်လီၤအီၤလၢဝ့ၢ်ဂဲအကလံၤစိး, ဒီးသုးဖိလၢအအိၣ်တီၢ်တဖၣ်လၢဝ့ၢ်အမုၢ်နုာ်တကပၤန့ၣ်လီၤ. စီၤယိၤၡူအိၣ်သီတနၤကျၢၤဖဲယၤဒ့ၣ်တၢ်ပၢၤခိၣ်န့ၣ်လီၤ.

လံာ်စီၤယိၤၡူ 8:2

နကဘၣ်မၤဝ့ၢ်ဂဲဒီးအစီၤပၤဒ်နမၤဝ့ၢ်ယရံၤဃိဒီးအစီၤ ပၤအသိးန့ၣ်လီၤ. ဘၣ်ဆၣ်ဒီးတဘျီအံၤသုကဟံးန့ၢ်အတၢ်ဖိတၢ်လံၤဒီးအဆၣ်ဖိကီၢ် ဖိတဖၣ်လၢသုဂီၢ်ဒၣ်သုဝဲန့ၣ်လီၤ. ကတဲာ်ကတီၤသုသးလၢတၢ်ခူသူၣ်အပူၤလၢသုကဒုးဝ့ၢ်အံၤလၢအလီၢ် ခံတက့ၢ်.”

လံာ်စီၤယိၤၡူ 8:22

ပှၤအံၣ်စရ့လးဖိလၢဝ့ၢ်ပူၤတဖၣ်ဟးထီၣ်ဒီးဒုးတၢ်စ့ၢ်ကီးန့ၣ်လီၤ. သတးဒီးပှၤဝ့ၢ်ဂဲဖိတဖၣ်ထံၣ်ဘၣ်ဝဲလၢအဘၣ်တၢ်ကဝီၤဃာ်အီၤလၢ ပှၤအံၣ်စရ့လးဖိတဖၣ်ဒီးအဝဲသ့ၣ်ဘၣ်တၢ်မၤသံကွံာ်အီၤခဲလၢာ် န့ၣ်လီၤ. ပှၤတပူၤဖျဲးနီတဂၤဒီးပှၤတအိၣ်လီၤတဲာ်နီတဂၤဘၣ်န့ၣ်လီၤ.

လံာ်စီၤယိၤၡူ 8:28

စီၤယိၤၡူဒွဲၣ်အူထီၣ်ဝ့ၢ်ဂဲဒီးပာ်တီၢ်အီၤလၢတၢ်ဟးဂီၤဖးဒိၣ်အပူၤန့ၣ်လီၤ. အိၣ်ဒၣ်ဒ်န့ၣ်တုၤလီၤလၢမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 8:7

အန့ၣ်ဒီး, သုကဟဲထီၣ်လၢသုအိၣ်ခူသူၣ်အလီၢ် ဒီးဒုးန့ၢ်ဝ့ၢ်န့ၣ်လီၤ. ယွၤသုကစၢ်ယွၤကဟ့ၣ်လီၤအီၤလၢသုစုပူၤန့ၣ်လီၤ.

လံာ်စီၤယိၤၡူ 8:9

အန့ၣ်ဒီး, စီၤယိၤၡူမၢလီၤအဝဲသ့ၣ်, ဒီးအဝဲသ့ၣ်လဲၤဝဲဆူအ တၢ်အိၣ်ခူသူၣ်အလီၢ်ဒီးအိၣ်ခိးတၢ်ဖဲန့ၣ်ဖဲဝ့ၢ်ဂဲအမုၢ်နုာ်လၢဝ့ၢ်ဂဲ ဒီးဝ့ၢ်ဘ့ၤသ့လးအဘၢၣ်စၢၤန့ၣ်လီၤ. စီၤယိၤၡူအိၣ်သီတနၤကျၢၤဖဲပှၤသူၣ်ဒဲအလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:6

တနံၤန့ၣ်အဝဲမၢပှၤလဲၤကိးစီၤအဘံနိၣ်အဖိခွါစီၤဘါရးအိၣ် လၢဝ့ၢ်က့ဒ့ၣ်လၢကီၢ်နးသးလံအပူၤဒီးစံးဘၣ်အီၤ, “ယွၤ, အံၣ်စရ့လးအကစၢ်ယွၤဟ့ၣ်လီၤနၤတၢ်မၤလိာ်တထံၣ်အံၤလီၤ. ဟံးန့ၢ်ပှၤနးသၤလံဖိဒီးပှၤစဘူလိၣ်ဖိအဒူၣ်အကျါအဂၤတကလး ဒီးဆှၢအီၤဆူကစၢၢ်တၤဘိၢ်တက့ၢ်.