လံာ်စီၤယိၤၡူ 8:31 - Sgaw Karen Common Bible

³¹ အဝဲမၤတၢ်အံၤဒ်ယွၤအခ့အပှၤစီၤမိၤၡ့မၤလိာ်ပှၤအံၣ်စရ့လးဖိတဖၣ်လၢစီၤမိၤၡ့အလံာ်တၢ်သိၣ်တၢ်သီအပူၤအသိးလၢအစံးဝဲ, တၢ်လုၢ်လီၢ်လၢအဘၣ်တၢ်မၤအီၤလၢလၢၢ်တဖၣ်လၢအတဘၣ်တၢ်ဒီၣ်တဲာ် အီၤလၢထး” န့ၣ်လီၤ. ဒီးလၢတၢ်လုၢ်လီၢ်အံၤန့ၣ်အဝဲသ့ၣ်လုၢ်တၢ်လုၢ်မ့ၣ် အူလၢယွၤအဂီၢ်ဒီးလုၢ်တၢ်လုၢ်မၤဃူမၤဖိးတၢ်တဖၣ်လီၤ.

လံာ်စီၤယိၤၡူ 8:31 Iomraidhean Croise

လံာ်စီၤပၤခံဘ့ၣ်တဘ့ၣ် 14:6

ဘၣ်ဆၣ်ဒီးအဝဲတမၤသံဘၣ်ပှၤတဖၣ်န့ၣ်အဖိတဖၣ်ဘၣ်. မ့မ့ၢ်ပိာ်ထွဲတၢ်လၢယွၤမၤလိာ်တ့ၢ်ဝဲလၢစီၤမိၤၡ့အတၢ်သိၣ် တၢ်သီအပူၤလၢအစံးဝဲ, “မိၢ်ပၢ်တဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢ အဖိတဖၣ်မၤဝဲအဃိ, ဒီးအဖိတဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢမိၢ်ပၢ် တဖၣ်မၤဝဲအဃိဘၣ်. ပှၤတဂၤကဘၣ်တၢ်မၤသံဒၣ်အီၤလၢတၢ်ကမၣ်လၢအဝဲမၤဒၣ်ဝဲအဃိ န့ၣ်လီၤ.”

လံာ်စီၤပၤခံဘ့ၣ်တဘ့ၣ် 22:8

စီၤၡၤဖၣ်ဟ့ၣ်လီၤစီၤပၤအကလုၢ်ဆူစီၤဃံးလကံယၤအအိၣ်ဒီး စီၤဃံးလကံယၤတဲဘၣ်အီၤလၢအဝဲထံၣ်န့ၢ်ယူဒၤအတၢ်သိၣ်တၢ်သီ အလံာ်လၢယွၤအတၢ်လုၢ်ဟံၣ်အပူၤန့ၣ်လီၤ. စီၤဃံးလကံယၤဟ့ၣ်အီၤလံာ်န့ၣ်ဒီးစီၤၡၤဖၣ်ဖးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:4

ဘၣ်ဆၣ်ဒီးအဝဲတမၤသံကွံာ်ဘၣ်အဝဲသ့ၣ်အဖိတဖၣ်န့ၣ်ဘၣ်. မ့မ့ၢ်ပိာ်ထွဲဝဲတၢ်လၢယွၤမၤလိာ်တ့ၢ်လၢစီၤမိၤၡ့အယူဒၤ တၢ်သိၣ်တၢ်သီအလံာ်ပူၤလၢအစံးဝဲ, “မိၢ်ပၢ်တဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢအဖိ တဖၣ်မၤတ့ၢ်ဝဲအဃိဘၣ်, ဒီးဖိတဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢအဝဲသ့ၣ် အမိၢ်ပၢ်တဖၣ်မၤတ့ၢ်ဝဲအဃိဘၣ်. ပှၤတဂၤကဘၣ်တၢ်မၤသံဒၣ်အီၤထဲဒၣ်လၢတၢ်ကမၣ်တမံၤလၢအဝဲအကစၢ် ဒၣ်ဝဲမၤတ့ၢ်အဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 35:12

ဝံၤဒီး, အဝဲသ့ၣ်နီၤဖးလီၤဆၣ်ဖိကီၢ်ဖိလၢတၢ်လုၢ်မ့ၣ်အူ အဂီၢ်တဖၣ်ဆူပှၤဂီၢ်မုၢ်တဖၣ်အအိၣ်, ဒ်အဝဲသ့ၣ်အဟံၣ်ဒူၣ်ဃီထၢအကရူၢ်အိၣ်ဝဲအသိးဒ်သိးအဝဲသ့ၣ်လုၢ် ထီၣ်အီၤကသ့ဝဲဒ်ယူဒၤအတၢ်သိၣ်တၢ်သီလၢစီၤမိၤၡ့ဟ့ၣ်လီၤဝဲ အတၢ်သိၣ်လိနဲၣ်ယုၤန့ၣ်လီၤ.

လံာ်စီၤဧ့စြၤ 6:18

ဒ်တၢ်မၤလိာ်အိၣ်တ့ၢ်ဝဲလၢစီၤမိၤၡ့အလံာ်တၢ်ကွဲးအပူၤအသိး န့ၣ်, အဝဲသ့ၣ်ကရၢကရိထီၣ်စ့ၢ်ကီးပှၤလုၢ်တၢ်အခိၣ်တဖၣ်ဒီးပှၤလ့ၤဝံ ဖိတဖၣ်လၢတၢ်လုၢ်ဟံၣ်အတၢ်ဖံးတၢ်မၤတဖၣ်အဂီၢ်လၢဝ့ၢ်ယရူၤၡလ့ၣ် အပူၤန့ၣ်လီၤ.

လံာ်စီၤနဃ့မယၤ 13:1

တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 18:12

အန့ၣ်ဝံၤဒီးစီၤယံးသရိၤဟဲစိာ်တၢ်လုၢ်မၤဘူၣ်တမံၤလၢတၢ် ကဘၣ်ဆူးကဲၤထီၣ်အီၤခဲလၢာ်ဒီးတၢ်လုၢ်တၢ်ပာ်အဂၤတဖၣ်လၢ ကဘၣ်တၢ်လုၢ်ထီၣ်ပာ်ထီၣ်အီၤဆူကစၢ်ယွၤအအိၣ်န့ၣ်လီၤ. ဒီးစီၤအၤဟရိၣ်ဒီးကယဲၢ်ပှၤအံၣ်စရ့လးဖိအခိၣ်အနၢ်တဖၣ်လဲၤ ဃုာ်ဒီးအီၤဒ်သိးကအီၣ်တၢ်အီၣ်စီဆှံဒ်တၢ်ဘူၣ်ထီၣ်ဘါထီၣ်အတၢ် မၤတမံၤအသိးန့ၣ်လီၤ.

လံာ်တၢ်ဟးထီၣ်ကွံာ် 24:5

အန့ၣ်ဝံၤဒီးအဝဲမၢလီၤပိာ်ခွါသးစၢ်တဖၣ်ဒီးအဝဲသ့ၣ်ဆူး ကဲၤထီၣ်တၢ်လုၢ်တၢ်ပာ်တဖၣ်ဆူယွၤအအိၣ်ဒီးလုၢ်ထီၣ်ပာ်ထီၣ်ဂီၤ ဘုၣ်ဂီၤဖံးတနီၤဒ်တၢ်လုၢ်မၤဃူမၤဖိးတဖၣ်အသိးန့ၣ်လီၤ.

လံာ်မးသဲ 12:26

မုၣ်ကီၤလံၢ်မ့ၢ်နီၣ်ထီၣ်ဟီထီၣ်ကွံာ်မုၣ်ကီၤလံၢ်ဒီး, အဝဲလီၤဖးဒီးအကစၢ်ဒၣ်ဝဲလံ. မ့မ့ၢ်ဒ်န့ၣ်ဒီး, အဘီအမုၢ်ကအိၣ်ဂၢၢ်ကျၢၤဒ်လဲၣ်.

လံာ်သိၣ်လီၤသီလီၤတၢ် 27:2

မုၢ်တနံၤဖဲသုခီဂာ်ထံကျိယၢ်ဒ့ၣ်ဒီးလဲၤနုာ်ဆူထံကီၢ်လၢ ယွၤ, သုကစၢ်ယွၤကဟ့ၣ်သုန့ၣ်, သုကဘၣ်ပာ်လီၤလၢၢ်ဖးဒိၣ်တနီၤ, ဖှူဘၢအီၤဒီးအီကတ့ၣ်,

လံာ်သိၣ်လီၤသီလီၤတၢ် 27:8

လၢလၢၢ်တဖၣ်လၢတၢ်ဖှူဘၢအီၤဒီးအီကတ့ၣ်အလိၤန့ၣ်ကွဲးလီၤ ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်ကတိၤ အဖျၢၣ်ခဲလၢာ်အိၣ်ဖျါတြၢၢ်ကလာ်တက့ၢ်.”

လံာ်စီၤယိၤၡူ 1:8

ပလီၢ်နသးလၢလံာ်တၢ်သိၣ်တၢ်သီအံၤကဘၣ်တၢ်ဖးအီၤထီ ဘိလၢသုတၢ်ဘူၣ်တၢ်ဘါအပူၤတက့ၢ်. မၤလိဆိကမိၣ်အီၤမုၢ်ဆါဆဲးလၢမုၢ်နၤ, ဒီးမၤလီၤတံၢ်လၢ နကစူၢ်တၢ်ကွဲးအသးလၢအပူၤကိးထံၣ်ဒဲးန့ၣ်တက့ၢ်. အန့ၣ်ဒီးနကဘီၣ်ထီၣ်ညီထီၣ်ဒီးနမၤတၢ်ခဲလၢာ်ကကဲထီၣ်လိၣ်ထီၣ် ဝဲလီၤ.