လံာ်စီၤယိၤၡူ 8:20 - Sgaw Karen Common Bible

²⁰ ဖဲပှၤဝ့ၢ်ဂဲဖိတဖၣ်ကွၢ်ကဒါက့ၤတၢ်ဒီး, ထံၣ်ဘၣ်ဝဲလၢမ့ၣ်အူလုၣ်ခုၣ်ထီၣ်ဝဲဆူမူခိၣ်န့ၣ်လီၤ. အဝဲသ့ၣ်ကဃ့ၢ်ပူၤဖျဲးအဂီၢ်ကျဲတအိၣ်လၢၤဘၣ်. အဂ့ၢ်ဒ်လဲၣ်န့ၣ်, ပှၤအံၣ်စရ့လးဖိလၢအဃ့ၢ်ဆူ ပှၢ်မုၢ်ကနၢတဖၣ်ဃၣ်ကဒါက့ၤအသးလၢ ကဒုးအဝဲသ့ၣ်အဂီၢ်န့ၣ်လီၤ.

လံာ်စီၤယိၤၡူ 8:20 Iomraidhean Croise

လံာ်တၢ်ကဲထီၣ်အခီၣ်ထံး 19:28

အဝဲကွၢ်လီၤတၢ်ဆူဝ့ၢ်စဒိၣ်ဒီးဂမိရၤဒီးတၢ်တြီၤဒီခါညါ, ဒီးထံၣ်ဝဲမ့ၣ်အူခုၣ်ထီၣ်လၢဟီၣ်ခိၣ်ဖီခိၣ်ဒ်မ့ၣ်အူလုၣ်ဟဲ ထီၣ်လၢဖၣ်ကပူၤဖးဒိၣ်တခါအသိးန့ၣ်လီၤ.

လံာ်စီၤယိၤဘး 11:20

မ့မ့ၢ်ပှၤတတီတလိၤတဖၣ် ကကွၢ်တၢ်ဝးဝးလၢ တၢ်သးဟးဂီၤအပူၤဒီး ထံၣ်ဘၣ်ဝဲလၢတၢ်ထူၣ်ဖျဲး အဂီၢ်ကျဲတအိၣ်နီတဘိဘၣ်. အဝဲသ့ၣ်အတၢ်မုၢ် လၢ်ထဲတမံၤဧိၤမ့ၢ်ဒၣ်တၢ်သံကဟဲဝဲန့ၣ်လီၤ.

စံးထီၣ်ပတြၢၤ 76:5

ပှၤသုးဖိလၢအဒူတဖၣ်ပာ်လီၤတ့ၢ်လံအစုကဝဲၤ, ဒီးအခဲအံၤမံဝဲလၢတၢ်သံအတၢ်မံအပူၤလံ. အဂံၢ်အဘါဒီးအတၢ်သ့တၢ်ဘၣ်ခဲလၢာ် တဂိာ်တသီၣ်လၢၤနီတမံၤဘၣ်.

လံာ်ယၡါယၤ 34:10

ကအီၣ်တၢ်မနၤနၤမဆါဆါ, ဒီးမ့ၣ်အူလုၣ်ကခုၣ်ထီၣ်ဝဲလီၤစိၤ လီၤထီလီၤ. ထံကီၢ်ကအိၣ်သယုၢ်တစိၤဝံၤတစိၤ, ဒီးပှၤတလဲၤတၢ်က့ၤတၢ်ခီဖျိကဒီးအီၤနီတစုနီတဂၤလၢၤဘၣ်န့ၣ်လီၤ.

လံာ်စီၤယိၤၡူ 8:19

ဒီးတဘျီဃီဖဲအဝဲယူာ်ထီၣ်အစုန့ၣ်, ပှၤလၢအအိၣ်ခူသူၣ်တဖၣ်ဆၢထၢၣ်ဝဲချ့ချ့, ဃ့ၢ်နုာ်ဆူဝ့ၢ်ပူၤဒီးမၤန့ၢ်ဝဲဒီးတဘျီဃီဒွဲၣ်အူထီၣ်ဝ့ၢ် န့ၣ်လၢမ့ၣ်အူန့ၣ်လီၤ.

လံာ်စီၤယိၤၡူ 8:21

ဖဲစီၤယိၤၡူဒီးအပှၤတဖၣ်ထံၣ် ဝဲလၢအပှၤလၢအခိးခူသူၣ်တၢ်တဖၣ်မၤန့ၢ်ဝ့ၢ် ဒီးဒွဲၣ်အူထီၣ်ဝဲလၢမ့ၣ်အူလံသတးဒီး, အဝဲသ့ၣ်ဃၣ်ကဒါက့ၤအသးဒီးမၤသံကွံာ်ပှၤဝ့ၢ်ဂဲဖိတဖၣ်န့ၣ်လီၤ.

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.

လံာ်လီၣ်ဖျါ 19:3

အဝဲသ့ၣ်ကိးထီၣ်ကဒီးဝဲ, “စံးထီၣ်ပတြၢၤယွၤတက့ၢ်. မ့ၣ်အူလၢအအီၣ်ကွံာ်ဝ့ၢ်ဖးဒိၣ်တဖျၢၣ်န့ၣ်အလုၢ်ခုၣ်ထီၣ်ဝဲဒၣ် အစိၤစိၤအဃၣ်ဃၣ်လံ.”

လံာ်ပှၤစံၣ်ညီၣ်ကွီၢ် 20:38

ဒီးအံၣ်စရ့လးအသုးမုၢ်မိၢ်ပှၢ်ဒီးပှၤလၢအိၣ်ခူသူၣ်တဖၣ်အိၣ် ဒီးတၢ်ပနီၣ်တမံၤလီၤ. ဖဲအဝဲသ့ၣ်ထံၣ်မ့ၣ်အူလုၣ်ခုၣ်ထီၣ်လၢဝ့ၢ်ပူၤန့ၣ်,

လံာ်ပှၤစံၣ်ညီၣ်ကွီၢ် 20:40

တုၤနုၤတစု, တၢ်ပနီၣ်အိၣ်ဖျါထီၣ်ဝဲလီၤ. မ့ၣ်အူလုၣ်ဖးဒိၣ်ခုၣ်ထီၣ်လၢဝ့ၢ်ပူၤလီၤ. ပှၤဘံၣ်ယၤမံၣ်ဖိတဖၣ်ကွၢ်ကဒါက့ၤအလီၢ်ခံဒီး ကမၢကမၣ်ဖဲအထံၣ်ဝဲလၢမ့ၣ်အူအီၣ်ထီၣ်ဝ့ၢ်ဒီဖျၢၣ်ညါန့ၣ်လီၤ.

လံာ်ပှၤစံၣ်ညီၣ်ကွီၢ် 20:41

ပှၤအံၣ်စရ့လးဖိတဖၣ်ဃၣ်တရံးက့ၤအသးဒီးပှၤဘံၣ်ယၤမံၣ်ဖိ တဖၣ်တၢ်ပျံၤတၢ်ဖုးဖးဒိၣ်လီၤဘၣ်အီၤမ့ၢ်လၢအသ့ၣ်ညါလီၤက့ၤအသး လၢကဘၣ်တၢ်မၤဟးဂီၤကွံာ်အီၤအဃိန့ၣ်လီၤ.