လံာ်စီၤယိၤၡူ 8:2 - Sgaw Karen Common Bible

² နကဘၣ်မၤဝ့ၢ်ဂဲဒီးအစီၤပၤဒ်နမၤဝ့ၢ်ယရံၤဃိဒီးအစီၤ ပၤအသိးန့ၣ်လီၤ. ဘၣ်ဆၣ်ဒီးတဘျီအံၤသုကဟံးန့ၢ်အတၢ်ဖိတၢ်လံၤဒီးအဆၣ်ဖိကီၢ် ဖိတဖၣ်လၢသုဂီၢ်ဒၣ်သုဝဲန့ၣ်လီၤ. ကတဲာ်ကတီၤသုသးလၢတၢ်ခူသူၣ်အပူၤလၢသုကဒုးဝ့ၢ်အံၤလၢအလီၢ် ခံတက့ၢ်.”

လံာ်စီၤယိၤၡူ 8:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:13

အခါဖဲန့ၣ်, စီၤယၤရၤဘၣ်ဆှၢလီၤတ့ၢ်အပှၤသုးဖိတနီၤလၢကခိး ခူသူၣ်ဒီးဒုးယူဒၤအသုးမုၢ်လၢတၢ်လီၢ်ခံတခီ, ဖဲပှၤအဂၤတဖၣ်ကွၢ်ဆၢၣ်မဲာ်အဝဲသ့ၣ်လၢတၢ်မဲာ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:22

ဖဲအဝဲသ့ၣ်စးထီၣ်သးဝံၣ်တၢ်ဒီးစံးထီၣ်ပတြၢၤတၢ်န့ၣ်, ယွၤပာ်လီၤတၢ်ခိးခးခူသူၣ်တဖၣ်ထီဒါကီၢ်ဧၤမိၣ်, ကီၢ်မိၤအးဒီးကစၢၢ်စ့ဧၤအပှၤကညီတဖၣ်လၢအဟဲထီၣ်ဒုးကီၢ်ယူဒၤ, ဒီးအဝဲသ့ၣ်ဘၣ်တၢ်မၤနၢၤကွံာ်အီၤန့ၣ်လီၤ.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 28:20

ပှၤတီပှၤလိၤတဖၣ်ကအိၣ်မူလၢလၢပှဲၤပှဲၤအိၣ်ဒီးတၢ်သူၣ်ဖှံ သးညီန့ၣ်လီၤ. ဘၣ်ဆၣ်, နမ့ၢ်မၤချ့ချ့လၢနကထူးထီၣ်တီၤထီၣ် အဂီၢ်ဒီး, နကဘၣ်တၢ်စံၣ်ညီၣ်လီၤ.

လံာ်ယံးရမံယၤ 17:11

ပှၤတဂၤလၢအမၤန့ၢ်စ့လၢတၢ်တတီတလိၤအပူၤန့ၣ်, လီၤဂာ်ဒ်ထိၣ်တဘ့ၣ်လၢအဟုဒံၣ်တဖၣ်လၢ အဝဲတဒံၣ်လီၤဝဲဘၣ်အသိးန့ၣ်လီၤ. လၢတၢ်အိၣ်မူအသးအနံၣ်အလါအဂ့ၤကတၢၢ်အကတီၢ်န့ၣ်, အတၢ်ထူးတၢ်တီၤတဖၣ်ကလီၤမၢ်န့ၢ်အီၤဒီးလၢအကတၢၢ်န့ၣ် အဝဲတမ့ၢ်တၢ်နီတမံၤလၢၤဘၣ်, ဒီးမ့ၢ်ဒၣ်ပှၤဟးဂီၤဖိတဂၤန့ၣ်လီၤ.

လံာ်ယံးရမံယၤ 51:12

ဟ့ၣ်လီၤတၢ်ပနီၣ်လၢ တၢ်ကထီၣ်ဒုးဝ့ၢ်ဘၤဘူၤလိၣ်အခိၣ်ဒူတဖၣ် အဂီၢ်န့ၣ်တက့ၢ်. မၤဆူၣ်ထီၣ်ပှၤပၢၤတၢ်ဖိအတိၤ, ဒီးပာ်လီၤပှၤခိးတၢ်ဖိတဖၣ်တက့ၢ်. ကတဲာ်ကတီၤပှၤခိးခူ သူၣ်တၢ်တဖၣ်တက့ၢ်. ယွၤမၤတ့ၢ်လံတၢ်လၢ အဝဲစံးဝဲလၢ ကမၤဘၣ်ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.”

လံာ်သိၣ်လီၤသီလီၤတၢ် 2:35

ပဟံးန့ၢ်ကွံာ်ဆၣ်ဖိကီၢ်ဖိတဖၣ်ဒီး ဂုာ်န့ၢ်ကွံာ်ဝ့ၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 20:14

ဘၣ်ဆၣ်ဒီး, လၢသုကစၢ်ဒၣ်သုဝဲအဂီၢ်, သုဟံးန့ၢ်, ပိာ်မုၣ်တဖၣ်, ဖိသၣ်တဖၣ်, ဆၣ်ဖိကီၢ်ဖိအဒၢဒီးတၢ်အဂၤခဲလၢာ် လၢဝ့ၢ်ပူၤသ့ဝဲလီၤ. တၢ်လၢအဘၣ်ဃးဒီးသုဒုၣ်သုဒါတဖၣ်ခဲလၢာ်န့ၣ်, သုသူအီၤသ့ဝဲလီၤ. ယွၤဟ့ၣ်လီၤတၢ်န့ၣ်ဆူသုစုပူၤလီၤ.

လံာ်သိၣ်လီၤသီလီၤတၢ် 3:2

ဘၣ်ဆၣ်ဒီးယွၤစံးဘၣ်ယၤ, ပျံၤအီၤတဂ့ၤ. ယကဟ့ၣ်လီၤအီၤ, အပှၤတဖၣ်, ဒီးကယဲၢ်အလီၢ်ကဝီၤခဲလၢာ်ဆူနအိၣ်န့ၣ်လီၤ. မၤအီၤတမံၤဃီဒ်နမၤဘၣ်တ့ၢ်ပှၤဧၣ်မိၣ်ဖိတဖၣ်အစီၤပၤလၢအပၢ တၢ်လၢဝ့ၢ်ဃ့ၡဘိၣ်, စီၤစံဃိၣ်, အသိးန့ၣ်တက့ၢ်.

လံာ်စီၤယိၤၡူ 10:1

တုၤဝ့ၢ်ယရူၤၡလ့ၣ်အစီၤပၤအဒိၤနံၤစ့ဒ့းနၢ်ဟူဝဲလၢစီၤယိၤၡူ မၤန့ၢ်ဒီးမၤဟးဂီၤဝ့ၢ်ဂဲလၢာ်လၢာ်ဆ့ဆ့ဒီးမၤသံအစီၤပၤဒ်အ မၤတ့ၢ်ဝဲလၢဝ့ၢ်ယရံၤဃိဒီးအစီၤပၤအသိး, ဒီးပှၤကံးဘိၣ်ဖိ တဖၣ်မၤဃူမၤဖိးအသးဒီးပှၤ အံၣ်စရ့လးဖိတဖၣ်ဒီးအိၣ်ဆိးလၢအဝဲသ့ၣ်အကျါလံန့ၣ်,

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 11:14

ပှၤအံၣ်စရ့လးဖိတဖၣ်ဟံးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဒီးဆၣ်ဖိ ကီၢ်ဖိလၢဝ့ၢ်တဖၣ်အံၤအပူၤဒီးပာ်အီၤလၢအဂီၢ်ဒၣ်ဝဲလီၤ. မ့မ့ၢ်ပှၤကညီန့ၣ်မၤသံကွံာ်ဝဲခဲလၢာ်လၢနးဒီးတပာ်မူတီၢ်ဝဲနီတဂၤဘၣ်န့ၣ်လီၤ.

လံာ်စီၤယိၤၡူ 6:21

အဝဲသ့ၣ်မၤသံပှၤကိးဂၤဒဲးလၢဝ့ၢ် အပူၤလၢနးတဖၣ်ပှၤပိာ်ခွါ, ပှၤပိာ်မုၣ်, ပှၤသးစၢ်ဒီးပှၤသးပှၢ်တဖၣ်န့ၣ်လီၤ. အဝဲသ့ၣ်မၤသံစ့ၢ်ကီးကျီၢ်တဖၣ်, သိတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်စီၤယိၤၡူ 8:12

အဝဲဟံးန့ၢ်ပှၤသုးဖိယဲၢ်ကထိဒီးပာ်ခူသူၣ်အ ဝဲသ့ၣ်လၢဝ့ၢ်အမုၢ်နုာ်လၢဝ့ၢ်ဂဲဒီးဝ့ၢ်ဘ့ၤသ့လးအဘၢၣ်စၢၤ န့ၣ်လီၤ.

လံာ်စီၤယိၤၡူ 8:14

ဖဲဝ့ၢ်ဂဲအစီၤပၤထံၣ်စီၤယိၤၡူအသုးဖိတဖၣ်ဒီးအဝဲမၤဝဲချ့ချ့လီၤ. အဝဲဒီးအပှၤခဲလၢာ်လဲၤဝဲဆူတၢ်ပၢၤခိၣ်လၢကစၢၢ်ကဆူးဖဲယၤ ဒ့ၣ်, လၢအကဒုးပှၤအံၣ်စရ့လးဖိတဖၣ်လၢတၢ်လီၢ်တတီၤဃီဒ်လၢညါအ သိး, ဒီးတသ့ၣ်ညါဝဲလၢအဝဲကဘၣ်တၢ်ဒုးအီၤလၢဝ့ၢ်အလီၢ်ခံတကပၤန့ၣ် ဘၣ်.

လံာ်စီၤယိၤၡူ 8:19

ဒီးတဘျီဃီဖဲအဝဲယူာ်ထီၣ်အစုန့ၣ်, ပှၤလၢအအိၣ်ခူသူၣ်တဖၣ်ဆၢထၢၣ်ဝဲချ့ချ့, ဃ့ၢ်နုာ်ဆူဝ့ၢ်ပူၤဒီးမၤန့ၢ်ဝဲဒီးတဘျီဃီဒွဲၣ်အူထီၣ်ဝ့ၢ် န့ၣ်လၢမ့ၣ်အူန့ၣ်လီၤ.

လံာ်စီၤယိၤၡူ 8:24

ပှၤအံၣ်စရ့လးဖိတဖၣ်မၤသံကွံာ်အဒုၣ်အဒါ ခဲလၢာ်ဖဲတၢ်လီၢ်လီၤပျီလၢအဝဲသ့ၣ်လူၤဝဲအလီၢ်န့ၣ်လီၤ. ဝံၤဒီး, အဝဲသ့ၣ်က့ၤကဒါက့ၤဆူဝ့ၢ်ဂဲဒီးမၤသံပှၤဖဲန့ၣ် ခဲလၢာ်လီၤ.

လံာ်စီၤယိၤၡူ 8:3

အန့ၣ်ဒီးစီၤယိၤၡူကတဲာ်ကတီၤအသးလၢက လဲၤဆူဝ့ၢ်ဂဲဃုာ်ဒီးအသုးဖိခဲလၢာ်န့ၣ်လီၤ. အဝဲဃုထၢထီၣ်အပှၤသုးဖိအဂ့ၤက တၢၢ်အဂၤသၢကလးဒီးဆှၢထီၣ်အဝဲသ့ၣ်လၢမုၢ်နၤခီ

လံာ်စီၤယိၤၡူ 8:7

အန့ၣ်ဒီး, သုကဟဲထီၣ်လၢသုအိၣ်ခူသူၣ်အလီၢ် ဒီးဒုးန့ၢ်ဝ့ၢ်န့ၣ်လီၤ. ယွၤသုကစၢ်ယွၤကဟ့ၣ်လီၤအီၤလၢသုစုပူၤန့ၣ်လီၤ.

လံာ်စီၤယိၤၡူ 8:8

သုဒုးန့ၢ်ဝ့ၢ်ဝံၤဒီး, ဒွဲၣ်အူထီၣ်အီၤလၢမ့ၣ်အူဒ်ယွၤမၤလိာ်တ့ၢ်သုအသိးန့ၣ်တက့ၢ်. အအံၤမ့ၢ်တၢ်မၤလိာ်တဖၣ်လၢသုဂီၢ်န့ၣ်လီၤ.”

လံာ်စီၤယိၤၡူ 8:9

အန့ၣ်ဒီး, စီၤယိၤၡူမၢလီၤအဝဲသ့ၣ်, ဒီးအဝဲသ့ၣ်လဲၤဝဲဆူအ တၢ်အိၣ်ခူသူၣ်အလီၢ်ဒီးအိၣ်ခိးတၢ်ဖဲန့ၣ်ဖဲဝ့ၢ်ဂဲအမုၢ်နုာ်လၢဝ့ၢ်ဂဲ ဒီးဝ့ၢ်ဘ့ၤသ့လးအဘၢၣ်စၢၤန့ၣ်လီၤ. စီၤယိၤၡူအိၣ်သီတနၤကျၢၤဖဲပှၤသူၣ်ဒဲအလီၢ်န့ၣ်လီၤ.

လံာ်စီၤယိၤၡူ 9:3

ဘၣ်ဆၣ်ဒီးပှၤကံးဘိၣ်ဖိလၢအမ့ၢ် ပှၤဃံၤဝံဖိတဖၣ်နၢ်ဟူတၢ်လၢစီၤယိၤၡူမၤတ့ၢ်ဘၣ်ဝ့ၢ်ယရံၤဃိဒီးဝ့ၢ်ဂဲ,