လံာ်စီၤယိၤၡူ 7:8 - Sgaw Karen Common Bible

⁸ ကစၢ်ဧၢ, အခဲအံၤမ့ၢ်လၢအံၣ်စရ့လးဂုၤက့ၤဆူအလီၢ်ခံလၢအဒူၣ် အဒါအမဲာ်ညါလံအဃိဒီး, ယစံးမနုၤကသ့လဲၣ်.

လံာ်စီၤယိၤၡူ 7:8 Iomraidhean Croise

လံာ်စီၤဧ့စြၤ 9:10

မ့မ့ၢ်ခဲအံၤအိကစၢ်ယွၤဧၢ, တၢ်ခဲလၢာ်လၢအမၤတ့ၢ်အသးဝံၤ အလီၢ်ခံန့ၣ်ပစံးတၢ်မနုၤကသ့ဒံးလဲၣ်. ပတစူၢ်ကဒီးတၢ်မၤလိာ်တဖၣ်,

စံးထီၣ်ပတြၢၤ 44:10

နဒုးဃ့ၢ်ကွံာ်ပှၤလၢပဒုၣ်ပဒါသ့ၣ်တဖၣ်အမဲာ်ညါ ဒီးတၢ်လၢအမ့ၢ်ပတၢ်သ့ၣ်တဖၣ်န့ၣ် အဝဲသ့ၣ်ဟံးန့ၢ်ကွံာ်လၢအဂီၢ်န့ၣ်လီၤ.

စံးထီၣ်ပတြၢၤ 89:43

နဒုးကဲထီၣ်အစုကဝဲၤတဖၣ်ဆူ တၢ်ကလီကလီ ဒီးပျဲအဘၣ်တၢ်မၤဃၣ်အီၤလၢ တၢ်ဒုးအပူၤလီၤ.

လံာ်ဃဘးကူာ် 2:1

ယကလဲၤထီၣ်ဆူယခိးကွၢ်တၢ်အလီၢ်ဒီးအိၣ်ခိးဒ်သိး ယကထံၣ်ဘၣ်တၢ်လၢယွၤကစံးဘၣ်ယၤတၢ်လၢယကဘၣ်တဲ, ဒီးတၢ်စံးဆၢလၢအကဟ့ၣ်ယၤဘၣ်ဃးဒီးယတၢ်ကဒူး ကဒ့ၣ်န့ၣ်လီၤ.

လံာ်စီၤယိၤၡူ 7:7

ဒီးစီၤယိၤၡူစံးဝဲဒၣ်, “အၣ်လါ, ကစၢ်ယွၤဧၢ, ဘၣ်မနုၤအဃိလၢနဒုးခီဂာ်ပှၤထံကျိ ယၢ်ဒ့ၣ်န့ၣ်လဲၣ်. မ့ၢ်လၢနကဟ့ၣ်လီၤပှၤဆူပှၤအမိၢ်ဖိအစုပူၤ လၢကမၤဟးဂီၤပှၤအဂီၢ်န့ၣ်ဧါ. ဘၣ်မနုၤအဃိလၢပတအိၣ်ဒၣ်လၢထံကျိယၢ်ဒ့ၣ်အမုၢ်ထီၣ်တခီပၤန့ၣ် လဲၣ်.

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 4:3

ဖဲပှၤအိၣ်မူတ့ၢ်တဖၣ်ဟဲက့ၤဆူတၢ်သူၣ်ဒဲအလီၢ်န့ၣ်, ကီၢ်အံၣ်စရ့လးအခိၣ်အနၢ်တဖၣ်စံးဝဲ, “ဘၣ်မနုၤယွၤပျဲ ပှၤဖလ့ၡသးဖိတဖၣ်မၤနၢၤပှၤတနံၤအံၤန့ၣ်လဲၣ်. မ်ပလဲၤဒီးဟံးန့ၢ်ယွၤအတၢ်အၢၣ်လီၤအီလီၤအတလါစီဆှံလၢ ဝ့ၢ်ၡံလိၤဒ်သိးကလဲၤဃုာ်ဒီးပှၤဒီးအုၣ်က့ၤခီၣ်က့ၤပှၤလၢ ပဒုၣ်ပဒါအစုပူၤအဂီၢ်တက့ၢ်.”