လံာ်စီၤယိၤၡူ 7:7 - Sgaw Karen Common Bible

⁷ ဒီးစီၤယိၤၡူစံးဝဲဒၣ်, “အၣ်လါ, ကစၢ်ယွၤဧၢ, ဘၣ်မနုၤအဃိလၢနဒုးခီဂာ်ပှၤထံကျိ ယၢ်ဒ့ၣ်န့ၣ်လဲၣ်. မ့ၢ်လၢနကဟ့ၣ်လီၤပှၤဆူပှၤအမိၢ်ဖိအစုပူၤ လၢကမၤဟးဂီၤပှၤအဂီၢ်န့ၣ်ဧါ. ဘၣ်မနုၤအဃိလၢပတအိၣ်ဒၣ်လၢထံကျိယၢ်ဒ့ၣ်အမုၢ်ထီၣ်တခီပၤန့ၣ် လဲၣ်.

လံာ်စီၤယိၤၡူ 7:7 Iomraidhean Croise

လံာ်စီၤပၤခံဘ့ၣ်တဘ့ၣ် 3:10

စီၤပၤယဟိရၣ်စံးဝဲဒၣ်, “ဝံၤတၢ်လၢာ်လံ. ယွၤပာ်ဖှိၣ်ပဝဲသၢဂၤအံၤလၢကီၢ်မိၤအးအစီၤပၤအတၢ်သူၣ်ကညီၤ သးကညီၤအပူၤန့ၣ်လီၤ.”

စံးထီၣ်ပတြၢၤ 116:11

ဒီးဖဲယပျံၤတၢ်ဒီးစံး, “ပနာ်န့ၢ်ပှၤတသ့နီတဂၤဘၣ်” အခါဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 16:3

ဒီးစံးဘၣ်အဝဲသ့ၣ်, “ပဆၢလၢယွၤကမၤသံတ့ၢ်ပှၤလၢကီၢ်အဲၤကူပတူးအပူၤလီၤ. အစှၤကတၢၢ်ပဆ့ၣ်နီၤဒီးအီၣ်တၢ်ဖံးတၢ်ညၣ်ဒီးတၢ်အီၣ်တၢ်အီအဂၤလၢပအဲၣ်ဒိးအီၣ်ဖဲန့ၣ်သ့ဝဲလီၤ. မ့မ့ၢ်သုဟဲကိးပှၤဆူပှၢ်မုၢ်ကနၢအံၤအပူၤဒ်သိးပကသၣ်ဝံၤလီၤဒိသံခဲလၢာ်လီၤ.”

လံာ်တၢ်ဟးထီၣ်ကွံာ် 17:3

ဘၣ်ဆၣ်ဒီးပှၤဂီၢ်မုၢ်အသးသူထံနးနးကလဲာ်အဃိကဒူးကဒ့ၣ်တၢ် အါထီၣ်လၢစီၤမိၤၡ့အလိၤလီၤ. အဝဲသ့ၣ်စံးဝဲ, “ဘၣ်မနုၤလၢနထုးထီၣ်ပှၤလၢကီၢ်အဲၤကူပတူး အပူၤန့ၣ်လဲၣ်. မ့ၢ်ဒ်သိးနကမၤသံပှၤဒီးပဖိပလံၤဒီးပဆၣ်ဖိကီၢ်ဖိတဖၣ် လၢတၢ်သူအသးလၢထံအဂီၢ်န့ၣ်ဧါ.”

လံာ်တၢ်ဂံၢ် 14:16

နမၤသံတ့ၢ်နပှၤဂီၢ်မုၢ်လၢပှၢ်မုၢ်ကနၢအပူၤမ့ၢ်လၢနဆှၢအီၤဆူ ကီၢ်တဘ့ၣ်လၢနအၢၣ်လီၤတ့ၢ်လၢနကဟ့ၣ်အီၤန့ၣ်တသ့ဘၣ်အဃိန့ၣ် လီၤ.

လံာ်တၢ်ဂံၢ် 14:3

ဘၣ်မနုၤလၢယွၤဆှၢပှၤဆူကီၢ်အဝဲန့ၣ်အပူၤလဲၣ်. ပကဘၣ်တၢ်မၤသံပှၤလၢတၢ်ဒုးတၢ်ယၤအပူၤ, ဒီးပမါတဖၣ်ဒီးပဖိတဖၣ်ကဘၣ်တၢ်ဖီၣ်န့ၢ်အီၤလီၤ. တဂ့ၤဒိၣ်လၢပက့ၤကဒါက့ၤဆူကီၢ်အဲၤကူပတူးဘၣ်ဧါ.”

လံာ်မးသဲ 17:17

ဒီးယ့ၣ်ၡူးစံးဆၢတၢ်ဒီးစံး, “ပှၤတစိၤလၢအတၢ်နာ်တအိၣ်ဘၣ်ဒီးအနၢ်က့ၣ်သ့ၣ်ဧၢ, ယကဘၣ်အိၣ်ဒီးသုဆံးယံာ်ဒံးလဲၣ်. ယကဘၣ်ဝံသးစူၤသုဆံးယံာ်ဒံးလဲၣ်. ဟဲစိာ်ပိာ်ခွါဖိဆူယအိၣ်ဖဲအံၤတက့ၢ်.”

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

ဧ့ၤဘြံၤ 12:5

မ့ၢ်သုသးပ့ၤနီၣ်တၢ်ကတိၤဟ့ၣ်ဂံၢ်ဟ့ၣ်ဘါလၢကစၢ်ယွၤ ကတိၤတၢ်ဒီးသုဒ်အဖိတဖၣ်အသိးန့ၣ်လံဧါ. စံးဝဲ, “ယဖိဧၢ, သုတပာ်ကစၢ်အတၢ်သိၣ်တၢ်သီလၢ တၢ်ကလီကလီတဂ့ၤ. တုၤအသိၣ်ဃီၣ်နၤဒီးတဘၣ်သးဟးဂီၤတဂ့ၤ.

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.

လံာ်စီၤယိၤၡူ 7:8

ကစၢ်ဧၢ, အခဲအံၤမ့ၢ်လၢအံၣ်စရ့လးဂုၤက့ၤဆူအလီၢ်ခံလၢအဒူၣ် အဒါအမဲာ်ညါလံအဃိဒီး, ယစံးမနုၤကသ့လဲၣ်.

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:3

ဖဲပှၤအိၣ်မူတ့ၢ်တဖၣ်ဟဲက့ၤဆူတၢ်သူၣ်ဒဲအလီၢ်န့ၣ်, ကီၢ်အံၣ်စရ့လးအခိၣ်အနၢ်တဖၣ်စံးဝဲ, “ဘၣ်မနုၤယွၤပျဲ ပှၤဖလ့ၡသးဖိတဖၣ်မၤနၢၤပှၤတနံၤအံၤန့ၣ်လဲၣ်. မ်ပလဲၤဒီးဟံးန့ၢ်ယွၤအတၢ်အၢၣ်လီၤအီလီၤအတလါစီဆှံလၢ ဝ့ၢ်ၡံလိၤဒ်သိးကလဲၤဃုာ်ဒီးပှၤဒီးအုၣ်က့ၤခီၣ်က့ၤပှၤလၢ ပဒုၣ်ပဒါအစုပူၤအဂီၢ်တက့ၢ်.”