လံာ်စီၤယိၤၡူ 7:6 - Sgaw Karen Common Bible

⁶ စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.

လံာ်စီၤယိၤၡူ 7:6 Iomraidhean Croise

လံာ်တၢ်ကဲထီၣ်အခီၣ်ထံး 37:29

ဒီးဖဲစီၤရူၤဘ့ၣ်ဟဲက့ၤကဒါက့ၤဆူထံပူၤဒီးတထံၣ်ဘၣ်စီၤ ယိၤသးဖဲန့ၣ်ဘၣ်န့ၣ်အဝဲဖှီယာ်ကွံာ်အကူအသိးတဖၣ်လၢတၢ်သူၣ် အုးသးအုးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:34

စီၤယၤကိာ်ဖှီကွံာ်အဆ့တဖၣ်လၢတၢ်သူၣ်အုးသးအုးအပူၤဒီးကၤ ထီၣ်ဝဲထၢၣ်တၢ်ကံးယာ်လီၤ. အဝဲသူၣ်အုးသးအုးလၢအဖိခွါအဃိအါနံၤအါသီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:11

စီၤဒၤဝံးဖှီယာ်ကွံာ်အကူအသိးတဖၣ်လၢတၢ်သးအုးအပူၤဒီး ကယဲၢ်အပှၤခဲလၢာ်မၤဝဲဒ်န့ၣ်အသိးစ့ၢ်ကီးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:12

အဝဲသ့ၣ်သူၣ်အုးသးအုးဝဲဒီးဟီၣ်တၢ်ယၢၤတၢ် ဒီးဒုၣ်တၢ်အီၣ်တၢ်အီတုၤလၢမုၢ်ဟါလီၤအကတီၢ်လၢစီၤစီလူးဒီးစီၤယိနၤသၣ် ဒီးကီၢ်အံၣ်စရ့လး, ယွၤအပှၤဂီၢ်မုၢ်အဂီၢ်န့ၣ်လီၤ. အဂ့ၢ်ဒ်အံၤ, ပှၤဘၣ်တၢ်မၤသံကွံာ်အီၤအါအါကလဲာ်လၢတၢ်ဒုးတၢ် ယၤအပူၤအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:2

မုၢ်ဆ့ၣ်ထီၣ်တနံၤန့ၣ်ပှၤသးစၢ်တဂၤလၢစီၤစီလူးအသူၣ်ဒဲအလီၢ်န့ၣ်ဟဲတုၤဝဲဒၣ်လီၤ. လၢတၢ်ဒုးနဲၣ်အတၢ်သးအုးအဂီၢ်န့ၣ်, အဝဲဖှီယာ်ကွံာ်အတၢ်ကူတၢ်သိးတဖၣ်ဒီးပာ်ထီၣ်ဖၣ်ကမူၣ်ဖၣ်ဆါ လၢအခိၣ်ဖီခိၣ်လီၤ. အဝဲလဲၤဆူစီၤဒၤဝံးအအိၣ်ဒီးထိၣ်လီၤပှီၤအသးဒီးဆုးလီၤ အခိၣ်လၢတၢ်ယူးယီၣ်ပာ်ကဲအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:16

စီၤဒၤဝံးဘါထုကဖၣ်တ့ၢ်ဆူကစၢ်ယွၤအအိၣ် လၢဖိသၣ်ကအိၣ်ဆူၣ်ထီၣ်က့ၤအဂီၢ်န့ၣ်လီၤ. အဝဲဂ့ၢ်လိာ်လၢကအီၣ်တၢ်တမံၤဂ့ၤတမံၤဂ့ၤအဂီၢ်, ဒီးကိးမုၢ်နၤဒဲးန့ၣ်လဲၤမံလီၤဝဲလၢဟီၣ်ခိၣ်လိၤသီတနၤကျၢၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:19

အဝဲဖှံလီၤဖၣ်ဆါတဖၣ်လၢအခိၣ်လိၤ, ဖှီယာ်အဆ့ကၤဖးထီ ဒီးမၤဘၢအမဲာ်သၣ်လၢအစုတဖၣ်ဒီးဟးထီၣ်ကွံာ်လၢတၢ်ဟီၣ်တၢ်ယၢၤ အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:31

စီၤပၤဂဲၤဆၢထၢၣ်ဝဲ, ဖှီအကူအသိးတဖၣ်လၢတၢ်သးအုးအပူၤဒီး စုးလီၤအသးဆူဟီၣ်ခိၣ်လိၤန့ၣ်လီၤ. တၢ်ခ့တၢ်ပှၤတဖၣ်လၢအအိၣ်ဒီးအီၤဖဲန့ၣ်စ့ၢ်ကီးဖှီအကူအသိးတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:11

တုၤစီၤပၤနၢ်ဟူဘၣ်လံာ်အံၤဘၣ်တၢ်ဖးန့ၢ်အီၤဝံၤဒီး, အဝဲဖှီကွံာ်အကူအသိးတဖၣ်လၢတၢ်ကမၢကမၣ်အပူၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 34:19

တုၤစီၤပၤနၢ်ဟူလံာ်န့ၣ်ဘၣ်တၢ်ဖးန့ၢ်အီၤဒီး, အဝဲဖှီယာ်အကူအသိးလၢတၢ်သူၣ်ပျံၤသးဖုးဒီးတၢ်ကမၢ ကမၣ်ဖးဒိၣ်အပူၤ,

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

လံာ်စီၤနဃ့မယၤ 9:1

လၢလါတလါဃီအံၤထီၣ်ခံဆံလွံၢ်သီတသီန့ၣ်ကီၢ်အံၣ်စရ့လး အပှၤဂီၢ်မုၢ်အိၣ်ဖှိၣ်ရိဖှိၣ်ဒီးဒုၣ်တၢ်အီၣ်ဒ်သိးကပာ်ဖျါ အတၢ်သူၣ်အုးသးအုးလၢအတၢ်ဒဲးဘးတဖၣ်အဃိန့ၣ်လီၤ.

လံာ်နီၢ်အ့ၤစတၢ် 4:1

တုၤစီၤမၢ်ဒကဲၤသ့ၣ်ညါဘၣ်တၢ်မၤအသးခဲလၢာ်ဒီး, အဝဲဖှီအကူအသိးလၢတၢ်သူၣ်ကိၢ်သးဂီၤနးမးအပူၤလီၤ. အန့ၣ်ဝံၤဒီးအဝဲကူထီၣ်သိးထီၣ်ဆ့ကၤထၢသွ့, ဖှံအခိၣ်ဒီးဖၣ်ဆါဒီးဟးလၢဝ့ၢ်ပူၤ, ဒီးဟီၣ်ဝဲဒိၣ်ဒိၣ် ကလဲာ်လၢတၢ်သူၣ်အုးသးအုးအပူၤ,

လံာ်နီၢ်အ့ၤစတၢ် 4:3

သကုၤကီၢ်ဒီဘ့ၣ်ညါဖဲစီၤပၤအတၢ်ဘိးဘၣ်သ့ၣ်ညါဘၣ်တၢ်ဒုးသ့ၣ် ညါအီၤန့ၣ်, တၢ်သူၣ်အုးသးအုးဒီးတၢ်ဟီၣ်တၢ်ယၢၤဖးဒိၣ်အိၣ်ဝဲဒၣ်လၢပှၤ ယူဒၤဖိအကျါလီၤ. အဝဲသ့ၣ်ဒုၣ်တၢ်အီၣ်တၢ်အီ, ဟီၣ်ဝဲယၢၤဝဲဒီးပှၤအါဂၤကူထီၣ်သိးထီၣ်ဆ့ကၤထၢၣ်သွ့ ဒီးမံလီၤလၢဖၣ်ဆါကျါလီၤ.

လံာ်စီၤယိၤဘး 1:20

တုၤနုၤတစုစီၤယိၤဘးဂဲၤဆၢထၢၣ်ဒီးဖှီအဆ့လၢတၢ်သးအုး အပူၤန့ၣ်လီၤ. အဝဲလူၤဝဲအခိၣ်ဒီးထိၣ်လီၤပှီၤအသးလၢဟီၣ် ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.

လံာ်စီၤယိၤဘး 2:12

ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ.

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

လံာ်သးသယုၢ်တၢ် 2:10

ဝ့ၢ်ယရူၤၡလ့ၣ်အပှၤသူၣ်က့သးပှၢ်တဖၣ်ဆ့ၣ်နီၤလၢဟီၣ်ခိၣ်လိၤလၢ တၢ်အိၣ်ဘှီၣ်ကလာ်အပူၤ အိၣ်ဒီးဖၣ်ကမူၣ်လၢအဝဲသ့ၣ်အခိၣ်လိၤဒီးဆ့ကၤထၢၣ် သွ့လၢအနီၢ်ခိအလိၤလီၤ. သးစၢ်ပိာ်မုၣ်ဖိတဖၣ်ဆုးလီၤအခိၣ်ဆူဟီၣ်ခိၣ်လိၤလီၤ.

လံာ်တၢ်ဂံၢ် 14:6

ဒီးစီၤနိၣ်အဖိခွါစီၤယိၤၡူဒီးစီၤယဖူန့ၤအဖိခွါစီၤ ကၤလ့း, လၢပှၤလဲၤကွၢ်ဟုၣ်ကွၢ်စုးတၢ်တဖၣ်အကျါခံဂၤန့ၣ်ဖှီယာ် အတၢ်ကူတၢ်သိးတဖၣ်လၢတၢ်သးအုးအပူၤ,

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

လံာ်တၢ်ဂံၢ် 16:45

“ဆၢထၢၣ်လၢပှၤဂီၢ်မုၢ်အံၤအလီၢ်ခံဒီးယကမၤဟးဂီၤကွံာ်အီၤ တဘျီဃီန့ၣ်လီၤ. အဝဲသ့ၣ်ခံဂၤတီၤလီၤဒီးကျးလီၤအမဲာ်ဆူ ဟီၣ်ခိၣ်လိၤ,

မၤတၢ် 14:14

ဖဲစီၤဘၢ်နါဘၤဒီးစီၤပီလူးနၢ်ဟူဘၣ်တၢ်လၢအဝဲသ့ၣ်တဖၣ် သါကမၤဝဲန့ၣ်, အဝဲသ့ၣ်ဖှီယာ်အကူအသိး ဒီးဃ့ၢ်နုာ်လီၤဆူ ပှၤဂီၢ်မုၢ်တဖၣ်အသိးအကျါ, ဒီးကိးပသူထီၣ်ဝဲ,

လံာ်စီၤယိၤၡူ 7:7

ဒီးစီၤယိၤၡူစံးဝဲဒၣ်, “အၣ်လါ, ကစၢ်ယွၤဧၢ, ဘၣ်မနုၤအဃိလၢနဒုးခီဂာ်ပှၤထံကျိ ယၢ်ဒ့ၣ်န့ၣ်လဲၣ်. မ့ၢ်လၢနကဟ့ၣ်လီၤပှၤဆူပှၤအမိၢ်ဖိအစုပူၤ လၢကမၤဟးဂီၤပှၤအဂီၢ်န့ၣ်ဧါ. ဘၣ်မနုၤအဃိလၢပတအိၣ်ဒၣ်လၢထံကျိယၢ်ဒ့ၣ်အမုၢ်ထီၣ်တခီပၤန့ၣ် လဲၣ်.

လံာ်လီၣ်ဖျါ 18:19

အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”

လံာ်ပှၤစံၣ်ညီၣ်ကွီၢ် 11:35

ဒီးဖဲအထံၣ်ဘၣ်အဖိမုၣ်န့ၣ်အဝဲဖှီယာ်အဆ့ကၤလၢတၢ်သးအုးအပူၤဒီးစံး, “အိ, ယဖိမုၣ်ဧၢ, နမၤသ့ၣ်ဖးယသးလီၤ. ဘၣ်မနုၤအဃိလၢနဘၣ်မ့ၢ်ပှၤမၤဘၣ်ဒိဆါယၤန့ၣ်လဲၣ်. ယမၤတ့ၢ်တၢ်အၢၣ်လီၤသညူးသပှၢ်ဆူယွၤဒီးယထုးက့ၤတသ့လၢၤဘၣ်.”

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 20:26

တုၤနုၤတစု, ပှၤအံၣ်စရ့လးဖိခဲလၢာ်လဲၤထီၣ်ဆူဘ့ၤသ့လးဒီး ဟီၣ်ဝဲယၢၤဝဲလီၤ. အဝဲသ့ၣ်ဆ့ၣ်နီၤဖဲန့ၣ်လၢယွၤအမဲာ်ညါဒီးတၢ်အီၣ်တုၤမုၢ်ဟါလီၤတစုန့ၣ်လီၤ. အဝဲသ့ၣ်ဒုၣ်တၢ်အီၣ်ဒီးလုၢ်တၢ်လုၢ်မၤဃူမၤဖိး ဒီးတၢ်လုၢ်မ့ၣ်အူလၢကစၢ်ယွၤအမဲာ်ညါလီၤ.

လံာ်ပှၤစံၣ်ညီၣ်ကွီၢ် 21:2

ဒီးပှၤအံၣ်စရ့လးဖိတဖၣ်လဲၤဆူဘ့ၤသ့လးဒီးဆ့ၣ်နီၤဖဲန့ၣ် လၢကစၢ်ယွၤအမဲာ်ညါတုၤလၢမုၢ်ဟါလီၤတစုန့ၣ်လီၤ. ဒီးဟီၣ်ဝဲယၢၤဝဲဒိၣ်ဒိၣ်ကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:12

ပှၤတဂၤလၢစီၤဘံၣ်ယၤမံၣ်အဒူၣ်ဃ့ၢ်ကျဲဒီဘိညါစးထီၣ်လၢတၢ်ဒုးပျီ ဆူဝ့ၢ်ၡံလိၤဒီးတုၤဃီၤဖဲန့ၣ်တနံၤဃီလီၤ. လၢတၢ်ဒုးနဲၣ်အတၢ်သးအုးအပူၤဖှီယာ်အဆ့ဒီးပဲထီၣ်ဖၣ်ကမူၣ် လၢအခိၣ်လိၤန့ၣ်လီၤ.