လံာ်စီၤယိၤၡူ 7:4 - Sgaw Karen Common Bible

⁴ အန့ၣ်ဒီး, ပှၤအံၣ်စရ့လးဖိသၢကထိဃၣ်ဃၣ်လဲၤထီၣ်ဒုးတၢ်, ဘၣ်ဆၣ်ဒီးအဝဲသ့ၣ်ဘၣ်ဃ့ၢ်ဝဲလၢပှၤဝ့ၢ်ဂဲဖိအမဲာ်ညါန့ၣ်လီၤ.

လံာ်စီၤယိၤၡူ 7:4 Iomraidhean Croise

စံးထီၣ်ပတြၢၤ 89:43

နဒုးကဲထီၣ်အစုကဝဲၤတဖၣ်ဆူ တၢ်ကလီကလီ ဒီးပျဲအဘၣ်တၢ်မၤဃၣ်အီၤလၢ တၢ်ဒုးအပူၤလီၤ.

လံာ်ယၡါယၤ 30:17

သုပှၤလၢအကထိတဖၣ်ကဃ့ၢ်ကွံာ်ဝဲဖဲသုထံၣ်သုဒုၣ်သုဒါသုးဖိ ထဲတဂၤဧိၤဒၣ်လဲာ်, ဒီးသုးဖိယဲၢ်ဂၤဧိၤကလၢဝဲလၢတၢ်ဒုးဃ့ၢ်ကွံာ် သုခဲလၢာ်အဂီၢ်န့ၣ်လီၤ. တၢ်တအိၣ်တီၢ်နီတမံၤလၢၤဘၣ်လၢသု သုးမုၢ်ဒီဖုအပူၤဘၣ်. ကအိၣ်တီၢ်ဒၣ်ထဲနီၣ်တယၢ်အတၢၣ်တဘိ ဧိၤလၢကစၢၢ်တဖျၢၣ်အဒီခိၣ်လီၤ.

လံာ်ယၡါယၤ 59:2

တၢ်အံၤ, မ့ၢ်ဒၣ်လၢသုတၢ်ဒဲးဘးတဖၣ်အဃိဒီးအဝဲ တနၢ်ဟူသုန့ၣ်လီၤ. တၢ်အံၤမ့ၢ်သုတၢ်ဒဲးဘးတဖၣ်လၢ အမၤလီၤဖးသုဒီးကစၢ်ယွၤဖဲသုကျဲးစၢးဘူၣ်ထီၣ်ဘါထီၣ် အီၤအကတီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 7:3

အဝဲသ့ၣ်ပာ်ဖျါက့ၤတၢ်ဂ့ၢ်တၢ်ကျိၤဆူစီၤယိၤၡူအအိၣ်ဒီးစံးဝဲ, “တလိၣ်လၢပှၤကိးဂၤဒဲးကလဲၤထီၣ်ဒုးဝ့ၢ်ဂဲအဂီၢ်ဘၣ်. ပျဲလီၤထဲပှၤပိာ်ခွါခံကထိမ့တမ့ၢ်သၢကထိဃၣ်ဃၣ်ဒီးဘၣ်လီၤ. တဘၣ်ပျဲလီၤသုးမုၢ်ဒီဖုလၢကလဲၤထီၣ်ဒုးတၢ်အဂီၢ်တဂ့ၤ. တမ့ၢ်ဝ့ၢ်လၢအဒိၣ်တဝ့ၢ်ဘၣ်.”