လံာ်စီၤယိၤၡူ 7:3 - Sgaw Karen Common Bible

³ အဝဲသ့ၣ်ပာ်ဖျါက့ၤတၢ်ဂ့ၢ်တၢ်ကျိၤဆူစီၤယိၤၡူအအိၣ်ဒီးစံးဝဲ, “တလိၣ်လၢပှၤကိးဂၤဒဲးကလဲၤထီၣ်ဒုးဝ့ၢ်ဂဲအဂီၢ်ဘၣ်. ပျဲလီၤထဲပှၤပိာ်ခွါခံကထိမ့တမ့ၢ်သၢကထိဃၣ်ဃၣ်ဒီးဘၣ်လီၤ. တဘၣ်ပျဲလီၤသုးမုၢ်ဒီဖုလၢကလဲၤထီၣ်ဒုးတၢ်အဂီၢ်တဂ့ၤ. တမ့ၢ်ဝ့ၢ်လၢအဒိၣ်တဝ့ၢ်ဘၣ်.”

လံာ်စီၤယိၤၡူ 7:3 Iomraidhean Croise

တၢ်ကတိၤဒိ. 13:4

ပှၤအကၢၣ်တဂၤအသးဆၢန့ၢ်တၢ်တမံၤမံၤထဲအံၤထဲနုၤနာ်က့, မၤဝဲတန့ၢ်ဘၣ်. မ့မ့ၢ်ပှၤလၢအမၤတၢ်ဆူၣ်ဆူၣ်တဂၤကမၤန့ၢ်တၢ်ခဲ လၢာ်လၢအဆၢန့ၢ်ဘၣ်ဝဲလီၤ.

တၢ်ကတိၤဒိ. 21:25

ပှၤလၢအကၢၣ်တဂၤလၢအဂ့ၢ်လိာ်ကဖံးတၢ်မၤတၢ်န့ၣ်, မ့ၢ်အမၤသံလီၤက့ၤအသးဒၣ်ဝဲန့ၣ်လီၤ.

လံာ်လူၤကၣ် 13:24

“ဂုာ်ကျဲးစၢးလဲၤနုာ်သုဝဲလၢကျဲစၢၤအအံၣ်န့ၣ်တက့ၢ်. အဂ့ၢ်ဒ်အံၤ, ပှၤအါဒံအါဂၤကကျဲးစၢးဝဲ, ဘၣ်ဆၣ်ဒီးလဲၤနုာ်ဝဲတန့ၢ်ဘၣ်.

ဧ့ၤဘြံၤ 4:11

လၢတၢ်န့ၣ်အဃိမ်ပကကျဲးစၢးအဂ့ၤကတၢၢ်ဒ်သိးပကဒိး န့ၢ်ဘၣ်တၢ်အိၣ်ဘှံးအဝဲန့ၣ်, ဒ်သိးပသုတလီၤတဲာ်ကွံာ်ဒ်အဝဲသ့ၣ်အသိးလၢအတစူၢ် တနာ်တၢ်အဃိနီတဂၤတဂ့ၤအဂီၢ်န့ၣ်တက့ၢ်.

လံာ်စီၤယိၤၡူ 7:2

စီၤယိၤၡူမၢလီၤပှၤတနီၤလၢဝ့ၢ်ယရံၤဃိဆူဝ့ၢ်ဂဲ, ဝ့ၢ်လၢအအိၣ်လၢဘ့ၤသ့လးအမုၢ်ထီၣ်ဘူးဒီးဘ့ၤသအၤဝ့ၣ်, ဒီးဟ့ၣ်လီၤအကလုၢ်လၢကလဲၤဒီးကွၢ်ဟုၣ်ကွၢ်စုးကီၢ်န့ၣ်လီၤ. ဖဲအဝဲသ့ၣ်မၤတၢ်အံၤဝံၤဒီး,

လံာ်စီၤယိၤၡူ 7:4

အန့ၣ်ဒီး, ပှၤအံၣ်စရ့လးဖိသၢကထိဃၣ်ဃၣ်လဲၤထီၣ်ဒုးတၢ်, ဘၣ်ဆၣ်ဒီးအဝဲသ့ၣ်ဘၣ်ဃ့ၢ်ဝဲလၢပှၤဝ့ၢ်ဂဲဖိအမဲာ်ညါန့ၣ်လီၤ.

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.

၂ ပ့းတရူး 1:5

လၢတၢ်ဂ့ၢ်အံၤအဃိ, ဂုာ်ကျဲးစၢးအဂ့ၤကတၢၢ်ဒီးလၢသုတၢ် စူၢ်တၢ်နာ်အမဲာ်ညါပာ်ဖှိၣ်အါထီၣ်တၢ်ဂ့ၤတၢ်ဝါ, ဒီးလၢတၢ်ဂ့ၤတၢ်ဝါအမဲာ်ညါပာ်ဖှိၣ်အါထီၣ်တၢ်သ့ၣ်ညါ,