လံာ်စီၤယိၤၡူ 7:26 - Sgaw Karen Common Bible

²⁶ ဝံၤဒီးအဝဲသ့ၣ်ပာ်ဖှိၣ်လၢၢ် သ့ၣ်တဖၣ်လၢအဖီခိၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ. လၢတၢ်န့ၣ်အဃိ, တၢ်ကိးန့ၢ်တၢ်လီၢ်တတီၤအံၤအမံၤလၢတၢ်ပၢၤ ခိၣ်လၢကစၢၢ်ကဆူးဧၤကိၢ်, အခီပညီတၢ်ကီတၢ်ခဲန့ၣ်လီၤ. အန့ၣ်ဝံၤဒီးယွၤတသးဒိၣ်အဝဲသ့ၣ်လၢၤဘၣ်န့ၣ်လီၤ.

လံာ်စီၤယိၤၡူ 7:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:17

အဝဲသ့ၣ်ဟံးထီၣ်စီၤအးဘၡါလိၣ်အစိၣ်ဒီးကွံာ်လီၤဝဲဆူ တၢ်ပူၤယိာ်တခါအပူၤလၢပှၢ်ပူၤ, ဒီးကးဘၢအီၤလၢလၢၢ်ဖးဒိၣ် ပူၣ်ထီၣ်အသးတဖၣ်န့ၣ်လီၤ. ကယဲၢ်ပှၤအံၣ်စရ့လးဖိတဖၣ်ထွးထီၣ်ဃ့ၢ်ကွံာ်ခဲလၢာ်, တဂၤက့ၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:14

အန့ၣ်ဝံၤဒီးအဝဲသ့ၣ်ခူၣ်လီၤကွံာ်စီၤစီလူးဒီးစီၤယိၤနၤ သၣ်အဃံတဖၣ်လၢစီၤစီလူးအပၢ်စီၤကံၣ်အသွၣ်ခိၣ်အပူၤလၢဝ့ၢ်စ့လၤ, လၢဘံၣ်ယၤမံၣ်အလီၢ်ကဝီၤအပူၤ ဒီးမၤတၢ်ခဲလၢာ်လၢစီၤပၤမၤလိာ်တ့ၢ်ဝဲန့ၣ်လီၤ. ဒီးတၢ်န့ၣ်ဝံၤအလီၢ်ခံ, ကစၢ်ယွၤဒိကနၣ်အဝဲသ့ၣ်အတၢ်ထုကဖၣ် တဖၣ်လၢထံကီၢ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:10

ဒီးခဲကနံၣ်အံၤယပာ်လီၤယသးလၢယကမၤတၢ်အၢၣ်လီၤအီလီၤတမံၤ ဒီးယွၤ, အံၣ်စရ့လးအကစၢ်ယွၤ, ဒ်သိးအဝဲသုတသးထီၣ်ဘၣ်ပှၤလၢၤတဂ့ၤန့ၣ်လီၤ.

လံာ်စီၤဧ့စြၤ 10:14

မ်ပဒိၣ်ပပှၢ်တဖၣ်အိၣ်လၢဝ့ၢ်ယရူၤၡလ့ၣ်အပူၤဒီးဟံးန့ၢ်မူဒါ လၢတၢ်ဂ့ၢ်အံၤအဂီၢ်တက့ၢ်. ဒီးမ်ပှၤတဂၤဂ့ၤတဂၤဂ့ၤလၢအအိၣ်ဒီးအမါတဂၤလၢအမ့ၢ်ပှၤတခီ ဘီမုၢ်ဖိ, ဟဲဖဲတၢ်ဆၢကတီၢ်လၢတၢ်သ့ၣ်ပာ်အီၤ, ဃုာ်ဒီးအဝ့ၢ်အပှၤခိၣ်ပှၤ နၢ်တဖၣ်ဒီးအပှၤစံၣ်ညီၣ်ကွီၢ်တဖၣ်တက့ၢ်. လၢကျဲဒ်သိးအံၤန့ၣ်ကစၢ်ယွၤအတၢ်သးထီၣ်လၢတၢ်မၤအသးဒ်သိး အံၤအဖီခိၣ်, ကဘိးကဒါကွံာ်အသးန့ၣ်လီၤ.”

စံးထီၣ်ပတြၢၤ 85:4

တၢ်အုၣ်က့ၤခီၣ်က့ၤပှၤကစၢ်ယွၤဧၢ, ဒုးက့ၤကဒါက့ၤပှၤဆူ ပအိၣ်ပဆိးအလီၢ် ဆိကတီၢ်နတၢ်သးထီၣ်ပှၤန့ၣ်တက့ၢ်.

လံာ်တၢ်ဟးထီၣ်ကွံာ် 32:12

ဘၣ်မနုၤလၢပှၤအဲၤကူပတူးဖိတဖၣ်စံးဝဲကသ့လၢနဆှၢထီၣ်နပှၤ ဂီၢ်မုၢ်လၢကီၢ်အဲၤကူပတူးဒီးကူၣ်ထီၣ်လၢနကမၤသံကွံာ်အီၤ လၢကစၢၢ်တဖၣ်အကျါဒီးမၤဟးဂီၤကွံာ်အီၤလၢာ်လၢာ်ဆ့ဆ့ အဂီၢ်န့ၣ်လဲၣ်. ဆိကတီၢ်တၢ်သးထီၣ်တက့ၢ်. လဲလိာ်ကွံာ်နတၢ်ပာ်လီၤသးဒီးဒုးလီၤဘၣ်တၢ်တတၢးတနါအံၤလၢ နပှၤဂီၢ်မုၢ်အလိၤတဂ့ၤ.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 65:10

အဝဲသ့ၣ်ကဘူၣ်ထီၣ်ဘါထီၣ်ယၤဒီးကဆှၢအသိဒီးဂီၤ ဘုၣ်ဂီၤဖံးတဖၣ်ဆူတၢ်အီၣ်ဆၣ်အလီၢ်လါဟ့ဖဲၡၤရိၣ် အပျီလၢမုၢ်နုာ်တခီဒီးဆူတၢ်ကီတၢ်ခဲအတြီၤလၢမုၢ် ထီၣ်တခီအပူၤန့ၣ်လီၤ.

လံာ်သးသယုၢ်တၢ် 3:53

အဝဲသ့ၣ်ကွံာ်နုာ်မူဒံးယၤဆူတၢ်ပူၤတပူၤဒီးကးတံၢ်အတြဲၤ လၢလၢၢ်တဖျၢၣ်လီၤ.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

လံာ်ဟိၤၡ့ 2:17

ယတပျဲအဝဲကိးထီၣ်ကဒီးဘဧၤလးအမံၤနီတဘျီလၢၤဘၣ်.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

လံာ်ယိၤအ့လး 2:18

တုၤနုၤတစုယွၤကသူၣ်အိၣ်သးအိၣ်အထံအကီၢ်, ဒီးသးကညီၤအပှၤဂီၢ်မုၢ်န့ၣ်လီၤ.”

လံာ်ယိၤနါ 1:15

အန့ၣ်ဒီးအဝဲသ့ၣ်ဟံးထီၣ်စီၤယိၤနါ, ဒီးတ့ၢ်လီၤကွံာ်အီၤဆူ ပီၣ်လဲၣ်ပူၤဒီးပီၣ်လဲၣ်အိၣ်ဂၢၢ်က့ၤတကီၢ်ခါန့ၣ်လီၤ.

လံာ်စကၤရယၤ 6:8

အန့ၣ်ဒီးကလူးကိးထီၣ်ဆူယအိၣ်, “ကသ့ၣ်တဖၣ်လၢအလဲၤဆူကလံၤစိးတကပၤဆူကီၢ်ဘၤဘူၤလိၣ်န့ၣ် မၤဂၢၢ်က့ၤယွၤအတၢ်သးထီၣ်လံ.”

လံာ်တၢ်ဂံၢ် 25:8

လဲၤပိာ်ထွဲပှၤတဂၤန့ၣ်ဒီးပိာ်မုၣ်တဂၤန့ၣ်အခံဆူဒဲပူၤဒီး ဆဲးဖျိကွံာ်ပှၤခံဂၤလိာ်န့ၣ်လၢဘီန့ၣ်လီၤ. လၢကျဲဒ်သိးအံၤန့ၣ်တၢ်သံသတြိာ်လၢအမၤဟးဂီၤကီၢ်အံၣ်စရ့လး န့ၣ်ဆိကတီၢ်အသး

လံာ်သိၣ်လီၤသီလီၤတၢ် 13:17

ဟံးဃာ်တၢ်လၢနဂီၢ်ဒၣ်နဲနီတမံၤလၢအဘၣ်တၢ်ဆိၣ်အၢအီၤဒ်သိး ကတုၤဆူတၢ်ဟးဂီၤန့ၣ်တဂ့ၤ. ဒီးအန့ၣ်တစုယွၤကဃၣ်ကွံာ်အသးလၢအတၢ်သးကဲၤထီၣ်ဒီးဒုးနဲၣ် သုလၢတၢ်သးကညီၤန့ၣ်လီၤ. အဝဲကသးကညီၤဘၣ်သုဒီးဒုးကဲထီၣ်သုလၢပှၤဂီၢ်မုၢ်လၢအအါဝဲ ဂီၢ်ဝဲတဖုဒ်အအၢၣ်လီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်,

လံာ်သိၣ်လီၤသီလီၤတၢ် 13:18

လၢသုမ့ၢ်စူၢ်ကယဲၢ်အဝဲအတၢ်မၤလိာ်တဖၣ်ခဲလၢာ်လၢယဟ့ၣ်လီၤသု လၢမုၢ်မဆါတနံၤအံၤဒီးမၤတၢ်လၢအဝဲအဲၣ်ဒိးဝဲန့ၣ်လီၤ.

လံာ်စီၤယိၤၡူ 10:27

တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ် ဒီးအဝဲသ့ၣ်အစိၣ်တဖၣ်ဘၣ်တၢ်စိာ်လီၤကွံာ်အီၤလၢသ့ၣ်အလိၤ ဒီးကွံာ်နုာ်အီၤဆူတၢ်လီၢ်ကအိအပူၤလၢအဝဲသ့ၣ်အိၣ်ခူသူၣ်တ့ၢ်ဝဲန့ၣ်လီၤ. လၢၢ်ဖးဒိၣ်တဖၣ်ဘၣ်တၢ်ပာ်လီၤအီၤလၢတၢ်လီၢ်ကအိအပူၤအခိၣ်ထိး ဒီးအိၣ်ဝဲဖဲန့ၣ်တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 7:24

စီၤယိၤၡူဒီးပှၤအံၣ်စရ့လးဖိခဲလၢာ်ဟံးန့ၢ်စီၤဧၤကၣ်, စ့ဒီးဆ့ကၤဖးဒိၣ်, ထူတဘိဃုာ်ဒီးစီၤဧၤကၣ်အဖိခွါ ဒီးအဖိမုၣ်တဖၣ်, အကျီၢ်, ကသ့ၣ်ယီၤတဖၣ်, ဒီးသိ, အဒဲဒီးတၢ်အဂၤခဲလၢာ်လၢမ့ၢ်အတၢ်ဒီးစိာ်တၢ်တဖၣ်န့ၣ်ဆူတၢ်ပၢၤခိၣ်လၢ ကစၢၢ်ကဆူးဧၤကိၢ်အခီပညီမ့ၢ်တၢ်ကီတၢ်ခဲန့ၣ်လီၤ.

လံာ်စီၤယိၤၡူ 8:29

ဒီးအဝဲစၢသံဝ့ၢ်ဂဲအစီၤပၤလၢသ့ၣ်တထူၣ်အလိၤဒီးပာ်အစိၣ် ဒ်န့ၣ်တုၤမုၢ်ဟါလီၤန့ၣ်လီၤ. တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ်လၢအစိၣ်ကဘၣ်တၢ်သုးကွံာ် အီၤဒီးအစိၣ်ဘၣ်တၢ်ကွံာ်လီၤကွံာ်အီၤဖဲဝ့ၢ်အတြဲၤအခီၣ်ထံး ဒီးဘၣ်တၢ်မၤဘၢအီၤလၢလၢၢ်ကိၢ်လိၢ်ဖးဒိၣ်တဖၣ်ဒီးအိၣ်ဝဲတုၤမုၢ်မဆါတနံၤအံၤန့ၣ်လီၤ.