လံာ်စီၤယိၤၡူ 7:24 - Sgaw Karen Common Bible

²⁴ စီၤယိၤၡူဒီးပှၤအံၣ်စရ့လးဖိခဲလၢာ်ဟံးန့ၢ်စီၤဧၤကၣ်, စ့ဒီးဆ့ကၤဖးဒိၣ်, ထူတဘိဃုာ်ဒီးစီၤဧၤကၣ်အဖိခွါ ဒီးအဖိမုၣ်တဖၣ်, အကျီၢ်, ကသ့ၣ်ယီၤတဖၣ်, ဒီးသိ, အဒဲဒီးတၢ်အဂၤခဲလၢာ်လၢမ့ၢ်အတၢ်ဒီးစိာ်တၢ်တဖၣ်န့ၣ်ဆူတၢ်ပၢၤခိၣ်လၢ ကစၢၢ်ကဆူးဧၤကိၢ်အခီပညီမ့ၢ်တၢ်ကီတၢ်ခဲန့ၣ်လီၤ.

လံာ်စီၤယိၤၡူ 7:24 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်စီၤယိၤဘး 20:15

ပှၤတတီတလိၤကဘှီးထီၣ်ကွံာ်တၢ်စုလီၢ်ခီၣ်ခိၣ်လၢအယူၢ်လီၤ တ့ၢ်ဝဲ, ဒီးကစၢ်ယွၤကဟံးန့ၢ်က့ၤလၢအဟၢဖၢပူၤဒၣ်လဲာ် န့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

တၢ်ကတိၤဒိ. 15:27

နမ့ၢ်ကျဲးစၢးမၤန့ၢ်တၢ်ဘၣ်ဘျုးလၢတၢ်တတီတလိၤအပူၤန့ၣ် နကဆှၢနဟံၣ်ဖိဃီဖိဆူတၢ်ကီတၢ်ခဲအပူၤလီၤ. ဟံးန့ၢ်ခိၣ်ဖးလာ်ဆှိးတဖၣ်တဂ့ၤ. ဒီးနကအိၣ်မူယံာ်ယံာ်လီၤ.

လံာ်ပှၤစံၣ်တဲၤတဲလီၤတၢ် 5:13

တၢ်အံၤမ့ၢ်တၢ်လၢအလီၤပျံၤဒိၣ်မးတမံၤလၢယထံၣ်ဘၣ်တ့ၢ်အီၤလၢ ဟီၣ်ခိၣ်အံၤန့ၣ်လီၤ. ပှၤဂီၢ်မုၢ်ပာ်ဖှိၣ်အကျိၣ်အစ့ဖဲလၢတၢ်အကတီၢ်ဖဲအဝဲသ့ၣ်ကလိၣ် ဘၣ်ဝဲအဂီၢ်န့ၣ်လီၤ.

လံာ်ယၡါယၤ 65:10

အဝဲသ့ၣ်ကဘူၣ်ထီၣ်ဘါထီၣ်ယၤဒီးကဆှၢအသိဒီးဂီၤ ဘုၣ်ဂီၤဖံးတဖၣ်ဆူတၢ်အီၣ်ဆၣ်အလီၢ်လါဟ့ဖဲၡၤရိၣ် အပျီလၢမုၢ်နုာ်တခီဒီးဆူတၢ်ကီတၢ်ခဲအတြီၤလၢမုၢ် ထီၣ်တခီအပူၤန့ၣ်လီၤ.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

လံာ်စီၤယိၤၡူ 15:7

ဒီးကီၢ်အဆၢန့ၣ်လဲၤထီၣ်ဆူဝ့ၢ်ဒဘံၢ်လၢကစၢၢ် ကဆူးဧၤကိၢ်ဒီးဆူကလံၤစိးဝံၤတရံး အသးဆူဝ့ၢ်ကံၤလကၤလးလၢအအိၣ်တခီတကပၤဒီးအဒူမံၣ်အတၢ်စိခိၣ်လၢအအိၣ်လၢကစၢၢ်ကဆူး ကလံၤထံးဒီးကီၢ်ဆၢန့ၣ်လဲၤ တၢ်တုၤလၢဧၣ်ၡ့မ့ၣ်အထံထီၣ်ပၢၢ်ဒီးကတၢၢ်ဝဲဖဲဧ့ၣ်ရိၤက့လး အထံထီၣ်ပၢၢ်န့ၣ်လီၤ.

လံာ်စီၤယိၤၡူ 22:20

သ့ၣ်နီၣ်ထီၣ်က့ၤစီၤစ့ရၤအဖိခွါစီၤဧၤကၣ်အတၢ်တဒိ ကနၣ်တၢ်မၤလိာ်ဘၣ်ဃးတၢ်သ့ၣ်တဖၣ်လၢတၢ်ကဘၣ်မၤဟးဂီၤအီၤခဲ လၢာ်အဂ့ၢ်န့ၣ်တက့ၢ်. အံၣ်စရ့လးခဲလၢာ်ဘၣ်တၢ်စံၣ်ညီၣ်အီၤ လၢတၢ်ဂ့ၢ်အဝဲန့ၣ်အဃိလီၤ. စီၤဧၤကၣ်တမ့ၢ်ပှၤထဲတဂၤဧိၤလၢ အသံလၢအတၢ်ဒဲးဘးအဃိန့ၣ်ဘၣ်.”

လံာ်စီၤယိၤၡူ 6:18

ဘၣ်ဆၣ်ဒီးတၢ်လၢအကဘၣ်တၢ်မၤဟးဂီၤအီၤန့ၣ်, သုတဘၣ်ဟံးန့ၢ်နီတမံၤဘၣ်. သုမ့ၢ်မၤဒီး, သုကဟဲစိာ်တၢ်ကီတၢ်ခဲဒီးတၢ်ဟးဂီၤလၢအံၣ် စရ့လးသူၣ်ဒဲအလီၢ်န့ၣ်လီၤ.

လံာ်စီၤယိၤၡူ 6:21

အဝဲသ့ၣ်မၤသံပှၤကိးဂၤဒဲးလၢဝ့ၢ် အပူၤလၢနးတဖၣ်ပှၤပိာ်ခွါ, ပှၤပိာ်မုၣ်, ပှၤသးစၢ်ဒီးပှၤသးပှၢ်တဖၣ်န့ၣ်လီၤ. အဝဲသ့ၣ်မၤသံစ့ၢ်ကီးကျီၢ်တဖၣ်, သိတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်စီၤယိၤၡူ 7:1

ယွၤအတၢ်မၤလိာ်အံၣ်စရ့းလးလၢကဘၣ်မၤဟးဂီၤကွံာ်တၢ်ခဲလၢာ် ဒီးအသုတဟံးန့ၢ်တၢ်နီတမံၤလၢဝ့ၢ်ယရံၤဃိတဂ့ၤန့ၣ်, တဘၣ်တၢ်စူၢ်အီၤဘၣ်လီၤ. ပှၤတဂၤအမံၤမ့ၢ်ဝဲစီၤဧၤကၣ်တစူၢ်ယွၤအကလုၢ်ဘၣ်ဒီးယွၤအသး ကဲၤထီၣ်ဘၣ်ပှၤအံၣ်စရ့လးဖိန့ၣ်လီၤ. (စီၤဧၤကၣ်မ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါ ဒီးဘၣ်ဃးဒီးစီၤစ့ရၤအဒူၣ်လၢအမ့ၢ်ယူဒၤအဒူၣ်အကျါတဒူၣ်န့ၣ်လီၤ.)

လံာ်စီၤယိၤၡူ 7:23

အဝဲသ့ၣ်ဟဲက့ၤစိာ်ထီၣ်က့ၤတၢ်သ့ၣ်တဖၣ်အံၤလၢဒဲအပူၤဆူ စီၤယိၤၡူဒီးပှၤအံၣ်စရ့လးဖိခဲလၢာ်အအိၣ်ဒီး ပာ်လီၤအီၤလၢယွၤအမဲာ်ညါန့ၣ်လီၤ.

လံာ်စီၤယိၤၡူ 7:26

ဝံၤဒီးအဝဲသ့ၣ်ပာ်ဖှိၣ်လၢၢ် သ့ၣ်တဖၣ်လၢအဖီခိၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ. လၢတၢ်န့ၣ်အဃိ, တၢ်ကိးန့ၢ်တၢ်လီၢ်တတီၤအံၤအမံၤလၢတၢ်ပၢၤ ခိၣ်လၢကစၢၢ်ကဆူးဧၤကိၢ်, အခီပညီတၢ်ကီတၢ်ခဲန့ၣ်လီၤ. အန့ၣ်ဝံၤဒီးယွၤတသးဒိၣ်အဝဲသ့ၣ်လၢၤဘၣ်န့ၣ်လီၤ.