လံာ်စီၤယိၤၡူ 7:19 - Sgaw Karen Common Bible

¹⁹ စီၤယိၤၡူစံးဘၣ်အီၤ, “ယဖိခွါဧၢ, တဲတၢ်မ့ၢ်တၢ်တီလၢယွၤအံၣ်စရ့လးကစၢ်ယွၤ အမဲာ်ညါဒီးအၢၣ်လီၤနသးတက့ၢ်. တၢ်လၢနမၤန့ၣ်တဲဘၣ်ယၤခဲအံၤတက့ၢ်. တဘၣ်ပာ်ခူသူၣ်တၢ်လၢယၤတဂ့ၤ.”

လံာ်စီၤယိၤၡူ 7:19 Iomraidhean Croise

လံာ်စီၤပၤခံဘ့ၣ်တဘ့ၣ် 20:15

“အဝဲသ့ၣ်ထံၣ်ဘၣ်တၢ်မနုၤလၢနူၢ်ဧိၤစီၤဧိၤအပူၤလဲၣ်.” “အဝဲသ့ၣ်ထံၣ်ဘၣ်တၢ်ခဲလၢာ်လီၤ. တၢ်လၢယတဒုးနဲၣ်ဘၣ်အဝဲသ့ၣ် လၢတၢ်ပာ်ဖှိၣ်အဒၢးတဖၣ်အပူၤန့ၣ်တအိၣ်နီတမံၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:22

စီၤဃံးစကံယၤစံးထီၣ်ပတြၢၤပှၤလ့ၤဝံဖိတဖၣ်လၢအဝဲသ့ၣ် အတၢ်သ့တၢ်ဘၣ်လၢကဆှၢတၢ်ဘူၣ်ထီၣ်ဘါထီၣ်ယွၤအဃိ န့ၣ်လီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

စံးထီၣ်ပတြၢၤ 51:3

အဂ့ၢ်ဒ်အံၤ, ယသ့ၣ်ညါယတၢ်မၤကမၣ်တၢ်တဖၣ်, ဒီးယတၢ်ဒဲးဘးအိၣ်လၢယမဲာ်ညါတထံၣ်ဃီလီၤ.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယၡါယၤ 13:12

ပှၤလၢအအိၣ်တ့ၢ်ဒံးတဖၣ်အနီၣ်ဂံၢ်ကစှၤဝဲဒီးကကၤ ဒိၣ်န့ၢ်ဒံးထူတက့ၢ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ဒၤနံးယ့လး 9:4

ယဃ့ဘါထုကဖၣ်ဆူယွၤ, ယကစၢ်ယွၤအအိၣ်ဒီးအၢၣ်လီၤ အီလီၤယပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ. ဒီးယစံး, “ယွၤ, ကစၢ်ယွၤဧၢ, နဒိၣ်ဝဲထီဝဲဒီးပမၤလၤကပီၤနၤလီၤ. နတီဒီးနတၢ်အၢၣ်လီၤဒီးပာ်ဖျါထီၣ်နတၢ်အဲၣ်တဘိယူၢ် ဃီဆူပှၤလၢအအဲၣ်နၤဒီးမၤတၢ်လၢနမၤလိာ်အီၤတဖၣ်န့ၣ်လီၤ.

လံာ်လူၤကၣ် 17:18

ဘၣ်မနုၤအဃိပှၤကလုာ်ဂၤတဂၤအံၤမ့ၢ်ဝဲပှၤထဲတဂၤဧိၤလၢ အဟဲက့ၤဒီးဟ့ၣ်က့ၤတၢ်စံးဘျုးဆူကစၢ်ယွၤန့ၣ်လဲၣ်.”

လံာ်ယိၤဟၣ် 9:24

ပှၤယူဒၤဖိအခိၣ်အနၢ်တဖၣ်ကိးကဒါက့ၤပှၤလၢအမဲာ်ထံၣ်ထီၣ် က့ၤတၢ်တဂၤန့ၣ်ခံဘျီတဘျီဒီးစံးဘၣ်အီၤ, “အၢၣ်လီၤနသးလၢကစၢ်ယွၤအမဲာ်ညါလၢနကတဲတၢ်မ့ၢ် တၢ်တီန့ၣ်တက့ၢ်. ပသ့ၣ်ညါလၢပှၤလၢအမၤဘျါနၤအံၤ မ့ၢ်ပှၤတၢ်ဒဲးဘးဖိတဂၤန့ၣ်လီၤ.”

ရိမ့ၤ 10:10

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

တံတူး 2:2

သိၣ်လိပှၤလၢအသးပှၢ်တဖၣ်လၢကပာ်အသးသညူးသပှၢ်, ကအိၣ်မူကဒုလီၤတံၢ်, ဒီးကပၢၤသူၣ်ပၢၤသးအဂီၢ်န့ၣ်တက့ၢ်. အဝဲသ့ၣ်ကဘၣ်အိၣ်ဒီးတၢ်စူၢ်တၢ်နာ်အမ့ၢ်အတီ, တၢ်အဲၣ်တၢ်ကွံ, ဒီးတၢ်သ့တူၢ်တၢ်န့ၣ်လီၤ.

ယၤကိာ် 1:20

အဂ့ၢ်ဒ်အံၤ, ပှၤကညီအတၢ်သးဒိၣ်ထီၣ်န့ၣ်, တမၤန့ၢ်ကစၢ်ယွၤအတၢ်တိာ်ပာ်အတီအလိၤန့ၣ်ဘၣ်.

လံာ်စီၤယိၤၡူ 7:20

စီၤဧၤကၣ်စံးဆၢဝဲ, “မ့ၢ်မးယမၤကမၣ်ဘၣ်လံယွၤအံၣ်စရ့လးအကစၢ်ယွၤဒီးတၢ်လၢ ယမၤန့ၣ်မ့ၢ်အအံၤလီၤ.

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:43

တုၤနုၤတစု, စီၤစီလူးသံကွၢ်စီၤယိနၤသၣ်, “နမၤတ့ၢ်တၢ်မ နုၤလဲၣ်.” ဒီးစီၤယိနၤသၣ်စံးဆၢဝဲ, “ယအီၣ်ဘၣ်ကနဲစီ တစဲးလီၤ. ကွၢ်ကွၢ်, ယၤလီၤ. ယအိၣ်ကတဲာ်ကတီၤယသးလၢတၢ်သံအဂီၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 6:5

သုကဘၣ်မၤတၢ်ဂီၤသိအသးတၢ်အချံထီၣ်ဒီးညိးဒီးယုၢ်ဖိ လၢအမၤဟးဂီၤသုကီၢ်ဒီးသုကဘၣ်ဟ့ၣ်တၢ်လၤကပီၤဆူ ကီၢ်အံၣ်စရ့လးအကစၢ်ယွၤအအိၣ်န့ၣ်လီၤ. ဘၣ်သ့ၣ်သ့ၣ်အဝဲကဆိကတီၢ်တၢ်စံၣ်ညီၣ်သု, သုကစၢ်တဖၣ်ဒီးသုကီၢ်လီၤ.