လံာ်စီၤယိၤၡူ 7:16 - Sgaw Karen Common Bible

¹⁶ မုၢ်ဆ့ၣ်ထီၣ်တနံၤဂီၤဂီၤန့ၣ်, စီၤယိၤၡူဒုးဟဲဘူးအံၣ်စရ့လးတဒူၣ်ဘၣ်တဒူၣ်ဒီးတၢ်ဃုထၢ လီၤဘၣ်လၢယူဒၤအဒူၣ်န့ၣ်လီၤ.

လံာ်စီၤယိၤၡူ 7:16 Iomraidhean Croise

လံာ်တၢ်ကဲထီၣ်အခီၣ်ထံး 22:3

ဒီးလၢခံတနံၤဂီၤဂီၤန့ၣ်စီၤအၤဘြၤဟၣ်တိသ့ၣ်ဖးသ့ၣ်မုၣ် လၢကလုၢ်တၢ်ပာ်တၢ်အဂီၢ်ဒီးပဒၢးထီၣ်အီၤလၢအကသ့ၣ်ယီၤအလိၤဝံၤ ကိးဝဲစီၤအံၤစဲးဒီးအခ့အပှၤခံဂၤဃုာ်ဒီးအီၤန့ၣ်လီၤ. အဝဲသ့ၣ်စးထီၣ်လဲၤတၢ်ဆူတၢ်လီၢ်လၢကစၢ်ယွၤတဲတ့ၢ်အီၤန့ၣ်လီၤ.

စံးထီၣ်ပတြၢၤ 119:60

လၢတၢ်တမၤယံာ်မၤနီၢ်သးဘၣ်အပူၤ, ယမၤချ့ချ့ဒ်သိးယကတိၢ်န့ၢ်ဖံးဃာ် နတၢ်မၤလိာ်တဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်စီၤယိၤၡူ 3:1

မုၢ်ဆ့ၣ်ထီၣ်တနံၤန့ၣ်, စီၤယိၤၡူဒီးအပှၤအံၣ်စရ့လးဖိခဲလၢာ်ဂဲၤဆၢထၢၣ်ဂီၤဂီၤ, ဟးထီၣ်ကွံာ်လၢသူၣ်ဒဲလီၢ်ၡံးတံၣ်, ဒီးလဲၤဝဲဆူထံ ကျိယၢ်ဒ့ၣ်ဒီးဖဲန့ၣ်အဝဲသ့ၣ်အိၣ်ခိး တၢ်လၢကခီဂာ်ဝဲအဂီၢ်န့ၣ်လီၤ.

လံာ်စီၤယိၤၡူ 7:15

ဒီးပှၤလၢအဘၣ်တၢ်ထံၣ်န့ၢ်အီၤဃုာ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်န့ၣ်, အဝဲဒီးတၢ်အိၣ်ဒီးအီၤခဲလၢာ်ကဘၣ်တၢ်ဒွဲၣ်အူအီၤလၢမ့ၣ်အူ, မ့ၢ်လၢအဝဲလုၢ်သ့ၣ်ခါပတာ်ယွၤအ တၢ်အၢၣ်လီၤအီလီၤဒီးမၤတ့ၢ်တၢ်လီၤမဲာ်ဆှးလၢအံၣ်စရ့လး အကျါအဃိန့ၣ်လီၤ.”

လံာ်စီၤယိၤၡူ 7:17

ဒီးအဝဲဒုးဟဲဘူးယူဒၤအဒူၣ်လၢညါ, တၢ်မဲာ်အဒူၣ်ထၢတ ဖၣ်တဒူၣ်ဘၣ်တဒူၣ်ဒီးတၢ်ဃုထၢပှၤစ့ရၤဖိအဒူၣ်ထၢန့ၣ်လီၤ. ဝံၤဒီးဒုးဟဲဘူးပှၤစ့ရၤဖိအဒူၣ်ထၢတဒူၣ်ဘၣ်တ ဒူၣ်ဒီးတၢ်ဃုထၢထီၣ်စီၤစးဘဒံၤလီၤ.

လံာ်ပှၤစံၣ်ညီၣ်ကွီၢ် 20:19

ဒီးပှၤအံၣ်စရ့လးဖိတဖၣ်စးထီၣ်လၢအတၢ်လဲၤလၢခံတဂီၤဒီး သူၣ်ဒဲဖဲဝ့ၢ်ကံဘဧၤအဃၢၤန့ၣ်လီၤ.