လံာ်စီၤယိၤၡူ 7:15 - Sgaw Karen Common Bible

¹⁵ ဒီးပှၤလၢအဘၣ်တၢ်ထံၣ်န့ၢ်အီၤဃုာ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်န့ၣ်, အဝဲဒီးတၢ်အိၣ်ဒီးအီၤခဲလၢာ်ကဘၣ်တၢ်ဒွဲၣ်အူအီၤလၢမ့ၣ်အူ, မ့ၢ်လၢအဝဲလုၢ်သ့ၣ်ခါပတာ်ယွၤအ တၢ်အၢၣ်လီၤအီလီၤဒီးမၤတ့ၢ်တၢ်လီၤမဲာ်ဆှးလၢအံၣ်စရ့လး အကျါအဃိန့ၣ်လီၤ.”

လံာ်စီၤယိၤၡူ 7:15 Iomraidhean Croise

လံာ်တၢ်ကဲထီၣ်အခီၣ်ထံး 34:7

ဖဲစီၤယၤကိာ်အဖိခွါတဖၣ်ဟဲက့ၤတုၤဝဲလၢပျီပူၤန့ၣ်လီၤ. တုၤအဝဲသ့ၣ်နၢ်ဟူတၢ်ဂ့ၢ်န့ၣ်ဒီးအဝဲသ့ၣ်အသးဘၣ်ဒိဘၣ်ထံး ဒီးအတၢ်သးဒိၣ်ကဲၤထီၣ်ဝဲလၢစီၤၡက့ၣ်မၤတ့ၢ်လံတၢ်တမံၤလၢ အမၤဘၣ်ဒုၣ်ဒွဲၣ်တ့ၢ်အံၣ်စရ့လးအပှၤဂီၢ်မုၢ်ခီဖျိမၤဆူၣ်မၤ စိးစီၤယၤကိာ်အဖိမုၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:13

ယကမိာ်ထီၣ်ယခိၣ်လၢပှၤကမျၢၢ်အမဲာ်ညါကသ့ကဒီးဒ်လဲၣ်. ဒီးနဲဒၣ်, နကဘၣ်တၢ်မဲာ်ဆှးလၢာ်လၢာ်ဆ့ဆ့ လၢကီၢ်အံၣ်စရ့လးအပူၤန့ၣ်လီၤ. ဝံသးစူၤကတိၤတၢ်ဒီးစီၤပၤတက့ၢ်. ယနာ်သပှၢ်တၢၢ်လၢအဝဲကဟ့ၣ်လီၤယၤဆူနအိၣ်န့ၣ်လီၤ.”

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.

လံာ်စီၤယိၤၡူ 7:16

မုၢ်ဆ့ၣ်ထီၣ်တနံၤဂီၤဂီၤန့ၣ်, စီၤယိၤၡူဒုးဟဲဘူးအံၣ်စရ့လးတဒူၣ်ဘၣ်တဒူၣ်ဒီးတၢ်ဃုထၢ လီၤဘၣ်လၢယူဒၤအဒူၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:10

ပှၤဆံဆဲၣ်ပူတပူၤလၢအံၣ်စရ့လးအပူၤကဟ့ၣ်တၢ်အီၣ်တၢ်အီလၢ သုးမုၢ်အဂီၢ်ဒီးပှၤအဂၤတဖၣ်န့ၣ်ကလဲၤစံၣ်ညီၣ်ကံဘဧၤ လၢအတၢ်ဒဲးဘးလၢအမၤတ့ၢ်ဝဲလၢအံၣ်စရ့လးအပူၤအဃိန့ၣ်လီၤ.”

လံာ်ပှၤစံၣ်ညီၣ်ကွီၢ် 20:5

ဒီးပှၤကံဘဧၤဖိတဖၣ်ဟဲကဝီၤဃးဟံၣ်လၢမုၢ်နၤန့ၣ်လၢကမၤန့ၢ် ယၤအဂီၢ်လီၤ. အဝဲသ့ၣ်တိာ်သူၣ်ပာ်သးလၢကမၤသံယၤနာ်သက့ အဝဲသ့ၣ်မၤတရီတပါယသံၣ်မါဒီးပိာ်မုၣ်န့ၣ်သံဝဲလီၤ.

လံာ်ပှၤစံၣ်ညီၣ်ကွီၢ် 20:6

ဒီးယဟံးန့ၢ်ပိာ်မုၣ်အစိၣ်န့ၣ်ဒီးဒီၣ်တဲာ်အီၤတကူာ်တကူာ်ဒီး ဆှၢလီၤဆူအံၣ်စရ့လးအဒူၣ်တဖၣ်တကူာ်စုာ်စုာ်န့ၣ်လီၤ. ပှၤတဖုအံၤမၤတ့ၢ်တၢ်အၢတၢ်သီဒီးတၢ်ဒဲးဘးလၢပကျါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”