လံာ်စီၤယိၤၡူ 7:13 - Sgaw Karen Common Bible

¹³ မၤစီဆှံပှၤဂီၢ်မုၢ်ဒီးကတဲာ်ကတီၤအဝဲသ့ၣ်ဒ်သိးကအိၣ်ဖျါလၢ ယမဲာ်ညါဒီးစံးဘၣ်အီၤ, “မၤစီဆှံသုသးလၢခဲဂီၤအဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့လးအကစၢ်ယွၤစံးဝဲ, အံၣ်စရ့လးဧၢ, သုအိၣ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်လၢသုသိးသုကျါ, ဒီးမ့တမ့ၢ်ဘၣ်လၢသုထုးကွံာ်တၢ်လၢအဘၣ်ဆိၣ်အၢတ့ၢ်တဖၣ်လၢသု ကျါဘၣ်ဒီး, သုဆၢထၢၣ်လၢသုဒုၣ်သုဒါအမဲာ်ညါတသ့ဘၣ်န့ၣ်လီၤ.

လံာ်စီၤယိၤၡူ 7:13 Iomraidhean Croise

လံာ်တၢ်ကဲထီၣ်အခီၣ်ထံး 34:27

ဖဲတၢ်မၤသံမၤဝီဒ်အံၤဝံၤန့ၣ်စီၤယၤကိာ်အဖိခွါအဂၤတဖၣ် ဂုာ်ဆူၣ်ပျီဆူၣ်ဝ့ၢ်လၢတၢ်ဟ့ၣ်ကၣ်ဆၢက့ၤအဝဲသ့ၣ်အဒီပုၢ်ဝဲၢ် မုၣ်အတၢ်မဲာ်ဆှးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:10

ခဲကနံၣ်အံၤ, ပှၤပိာ်ခွါတဖၣ်ဒီးပှၤပိာ်မုၣ်တဖၣ်လၢဝ့ၢ်ယရူၤ ၡလ့ၣ်ဒီးကီၢ်ယူဒၤန့ၣ်, သုပာ်လီၤသုသးလၢသုကဒုးကဲထီၣ်အီၤလၢသုကုၢ်တဖၣ်န့ၣ်လီၤ. မ့ၢ်သုတသ့ၣ်ညါလၢသုဝဲစ့ၢ်ကီးသုမၤတ့ၢ်တၢ်ဒဲးဘးတဖၣ်ထီ ဒါယွၤ, သုကစၢ်ယွၤန့ၣ်ဘၣ်ဧါ.

လံာ်မးသဲ 7:5

ပှၤပာ်မၤအသးနၤဧၢ, ထုးထီၣ်ဆိကွံာ်သ့ၣ်အကျီၣ်လၢအအိၣ်လၢနမဲာ်ချံဒၣ်နဲအပူၤဒ် သိးနကထံၣ်တၢ်ထံထံလၢနကထုးထီၣ်တၢ်ကမှံၤလၢအအိၣ်လၢ နဒီပုၢ်ဝဲၢ်အမဲာ်ချံအပူၤန့ၣ်တက့ၢ်.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်စီၤယိၤၡူ 3:5

စီၤယိၤၡူစံးဘၣ်ပှၤဂီၢ်မုၢ်, “မၤကဆှီထီၣ်သုသး, အဂ့ၢ်မ့ၢ်လၢခဲဂီၤတနံၤယွၤကမၤတၢ်လီၤ လးတဖၣ်လၢသုကျါအဃိန့ၣ်လီၤ.”

လံာ်စီၤယိၤၡူ 6:18

ဘၣ်ဆၣ်ဒီးတၢ်လၢအကဘၣ်တၢ်မၤဟးဂီၤအီၤန့ၣ်, သုတဘၣ်ဟံးန့ၢ်နီတမံၤဘၣ်. သုမ့ၢ်မၤဒီး, သုကဟဲစိာ်တၢ်ကီတၢ်ခဲဒီးတၢ်ဟးဂီၤလၢအံၣ် စရ့လးသူၣ်ဒဲအလီၢ်န့ၣ်လီၤ.

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.