လံာ်စီၤယိၤၡူ 7:12 - Sgaw Karen Common Bible

¹² အဃိသတးဒီးပှၤအံၣ်စရ့လးဖိဆၢထၢၣ်လၢအဒုၣ်အဒါတဖၣ်အမဲာ်ညါ တသ့ဘၣ်. အဝဲသ့ၣ်ဂုၤက့ၤလၢအဒုၣ်အဒါတဖၣ်အအိၣ်န့ၣ်, မ့ၢ်လၢအဝဲသ့ၣ်အကစၢ်ဒၣ်ဝဲဘၣ်တၢ်စံၣ်ညီၣ်ဃၣ်အီၤဒ်သိးကတုၤဆူ တၢ်ဟးဂီၤအဃိလီၤ. မ့တမ့ၢ်လၢသုမၤဟးဂီၤကွံာ်တၢ်လၢအဘၣ်တၢ်ဆိၣ်အၢတ့ၢ်တဖၣ်ဒီး ယတအိၣ်လၢၤဒီးသုဘၣ်န့ၣ်လီၤ.”

လံာ်စီၤယိၤၡူ 7:12 Iomraidhean Croise

စံးထီၣ်ပတြၢၤ 44:10

နဒုးဃ့ၢ်ကွံာ်ပှၤလၢပဒုၣ်ပဒါသ့ၣ်တဖၣ်အမဲာ်ညါ ဒီးတၢ်လၢအမ့ၢ်ပတၢ်သ့ၣ်တဖၣ်န့ၣ် အဝဲသ့ၣ်ဟံးန့ၢ်ကွံာ်လၢအဂီၢ်န့ၣ်လီၤ.

စံးထီၣ်ပတြၢၤ 60:10

မ့ၢ်နညိကွံာ်ပှၤနီၢ်နီၢ်လံဧါ. မ့ၢ်နတလဲၤထီၣ်ဒုးတၢ်ဒီး ပသုးမုၢ်တဖၣ်ဘၣ်ဧါ.

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

လံာ်ယၡါယၤ 59:2

တၢ်အံၤ, မ့ၢ်ဒၣ်လၢသုတၢ်ဒဲးဘးတဖၣ်အဃိဒီးအဝဲ တနၢ်ဟူသုန့ၣ်လီၤ. တၢ်အံၤမ့ၢ်သုတၢ်ဒဲးဘးတဖၣ်လၢ အမၤလီၤဖးသုဒီးကစၢ်ယွၤဖဲသုကျဲးစၢးဘူၣ်ထီၣ်ဘါထီၣ် အီၤအကတီၢ်န့ၣ်လီၤ.

လံာ်ယံးရမံယၤ 23:33

ယွၤစံးဘၣ်ယၤ, “စီၤယံးရမံယၤဧၢ, ဖဲယပှၤဂီၢ်မုၢ်အကျါတဂၤမ့ၢ်ဂ့ၤ, ဝံတဂၤမ့ၢ်ဂ့ၤ, ပှၤလုၢ်တၢ်အခိၣ်တဂၤမ့ၢ်ဂ့ၤမ့ၢ်သံကွၢ်နၤ, ‘ယွၤအတၢ်ဝံတၢ်ယိးမ့ၢ်မနုၤလဲၣ်’ န့ၣ်, နဘၣ်တဲဘၣ်အီၤ, ‘နမ့ၢ်တၢ်ဝံတၢ်ယိးလၢယွၤ အဂီၢ်ဒီးအဝဲဒၣ်ကမၤဟးဂီၤကွံာ်နၤ’ န့ၣ်လီၤ.

လံာ်ယံးရမံယၤ 6:8

ပှၤဝ့ၢ်ယရူၤရှလ့ၣ်ဖိသ့ၣ်ဧၢ, မ်တၢ်ကီတၢ်ခဲတဖၣ်အံၤကမ့ၢ်တၢ် ဟ့ၣ်ပလီၢ်တမံၤလၢသုဂီၢ်တက့ၢ်. မ့တမ့ၢ်ဘၣ်ဒီး, ယကပာ်လီၤတဲာ်ကွံာ်သုလီၤ. ယကဘိးကဒါကွံာ်သုဝ့ၢ်အံၤ ဆူမဲးမုၢ်ခိၣ်တတီၤ, တၢ်လီၢ်တတီၤဖဲပှၤတအိၣ်နီတဂၤဘၣ်န့ၣ်လီၤ.”

လံာ်ဟိၤၡ့ 9:12

ဘၣ်ဆၣ်အဝဲသ့ၣ်မ့ၢ်ဒုးဒိၣ်ထီၣ်ဖိသၣ်တဖၣ်ဒၣ်လဲာ်န့ၣ်, ယကဟံးန့ၢ်ကွံာ်အီၤဒီးတပာ်တ့ၢ်မူဒံးအီၤနီတဂၤဘၣ်. တုၤယစူးကွံာ်ညိကွံာ်ပှၤဂီၢ်မုၢ်အံၤန့ၣ်, တၢ်လီၤပျံၤလီၤဖုးတဖၣ်ကမၤအသးဒီးအဝဲသ့ၣ်န့ၣ်လီၤ.

လံာ်ဃဘးကူာ် 1:13

ဘၣ်ဆၣ်ဒီးပှၤလီတၢ်ဝ့ၤတၢ်, ပှၤအၢပှၤသီတဖၣ်အံၤ, နဝံသးစူၤအီၤကဲဒ်လဲၣ်. နမဲာ်ချံတဖၣ်စီဆှံဒိၣ်မးလၢ နကကွၢ်ဃီၤတၢ်အၢတၢ်သီ, ဒီးနကွၢ်ပှၤဂီၢ်မုၢ်လၢ အမၤကမၣ်တၢ်န့ၣ်တကဲဘၣ်. မၤသးဒ်န့ၣ်ဒီးဘၣ်မနုၤလၢ နအိၣ်ဘှီၣ်ကလာ်ဖဲအဝဲသ့ၣ်မၤဟးဂီၤပှၤဂီၢ်မုၢ်လၢ အတီန့ၢ်လိၤန့ၢ်ဒံးအဝဲသ့ၣ်တဖၣ်အခါန့ၣ်လဲၣ်.

လံာ်တၢ်ဂံၢ် 14:39

တုၤစီၤမိၤၡ့တဲဘၣ်ပှၤအံၣ်စရ့လးဖိတဖၣ်လၢ, တၢ်လၢယွၤစံးတ့ၢ်ဝဲန့ၣ်, အဝဲသ့ၣ်ဟီၣ်ဝဲယၢၤဝဲနးနးကလဲာ်လီၤ.

လံာ်တၢ်ဂံၢ် 14:42

လဲၤတဂ့ၤ. ယွၤတအိၣ်ဒီးသုဘၣ်. ဒီးသုဒုၣ်သုဒါတဖၣ်ကမၤနၢၤကွံာ်သုလီၤ.

လံာ်တၢ်ဂံၢ် 14:43

ဖဲသုကွၢ်ဆၢၣ်မဲာ်ပှၤဧၤမလ့းဖိဒီးပှၤကနၤဧၣ်ဖိတဖၣ်န့ၣ်သု ကသံလၢတၢ်ဒုးအပူၤလီၤ. ယွၤတအိၣ်ဘၣ်ဒီးသုဘၣ်. အဂ့ၢ်ဒ်အံၤ, မ့ၢ်လၢသုဂ့ၢ်လိာ်လၢသုကပိာ်အခံအဃိန့ၣ်လီၤ.”

လံာ်တၢ်ဂံၢ် 14:45

တုၤနုၤတစု, ပှၤဧမၤလ့းဖိတဖၣ်ဒီးပှၤကနၤဧၣ်ဖိတဖၣ်လၢအအိၣ် လၢတၢ်လီၢ်ဖဲန့ၣ်, ဒုးအဝဲသ့ၣ်ဒီးမၤနၢၤကွံာ်အဝဲသ့ၣ်ဒီးလူၤထွဲ အဝဲသ့ၣ်ယံၤတုၤလၢဃိၢ်မါန့ၣ်လီၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

လံာ်စီၤယိၤၡူ 6:18

ဘၣ်ဆၣ်ဒီးတၢ်လၢအကဘၣ်တၢ်မၤဟးဂီၤအီၤန့ၣ်, သုတဘၣ်ဟံးန့ၢ်နီတမံၤဘၣ်. သုမ့ၢ်မၤဒီး, သုကဟဲစိာ်တၢ်ကီတၢ်ခဲဒီးတၢ်ဟးဂီၤလၢအံၣ် စရ့လးသူၣ်ဒဲအလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:20

တုၤနုၤတစု, ပိာ်မုၣ်န့ၣ်ကိးထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” အဝဲပၢၢ်ထီၣ်ဒီးဆိကမိၣ်ဝဲ, “ယကထူၣ်ဖျဲးထီၣ်ဒ်ကိးဘျီဒဲးအသိးန့ၣ်လီၤ.” အဝဲတသ့ၣ်ညါဝဲလၢယွၤလဲၤသဒၣ်ကွံာ်အီၤလံန့ၣ်ဘၣ်.

လံာ်ပှၤစံၣ်ညီၣ်ကွီၢ် 2:14

လၢတၢ်န့ၣ်အဃိယွၤအသးကဲၤထီၣ်ဘၣ်ပှၤအံၣ်စရ့လးဖိဒီးပျဲပှၤ ဂုာ်ဆူၣ်ပျီဆူၣ်တၢ် တဖၣ်ဒုးအီၤဒီးဂုာ်ဆူၣ်န့ၢ်အတၢ်လီၤ. ဒီးယွၤပျဲဒုၣ်ဒါအိၣ်ဝးတရံးတဖၣ်ဒိၣ်စိလၢအဝဲသ့ၣ်အဖီခိၣ် န့ၣ်လီၤ. ဒီးပှၤအံၣ်စရ့လးဖိတဖၣ်ဒီဒၣ်အိၣ်ပှိၤလီၤက့ၤအသးတန့ၢ်လၢၤဘၣ် န့ၣ်လီၤ.

လံာ်ပှၤစံၣ်ညီၣ်ကွီၢ် 2:4

ဖဲယွၤအကလူးစံးတၢ်အံၤဝံၤဒီး, အံၣ်စရ့လးအပှၤဂီၢ်မုၢ်ခဲလၢာ်န့ၣ်ဟီၣ်ဝဲယၢၤဝဲ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:38

တုၤနုၤတစု, စီၤစီလူးစံးဘၣ်ပှၤဂီၢ်မုၢ်အခိၣ်အနၢ်တဖၣ်, “ဟဲဆူအံၤဒီးဃုထံၣ်တၢ်ဒဲးဘးမနုၤဘၣ်တၢ်မၤတ့ၢ်အီၤလဲၣ် န့ၣ်တက့ၢ်.